29/05/2025
2003 වසරේ බෞද්ධ කටයුතු දෙපාර්තමේන්තුව යටතේ ලියාපදිංචි වූ විදෙස් රටක පිහිටි ප්රථම දහම් පාසලක ඉගෙනුම ලබමින් මා ඔබ අභිමානයෙන් අමතමි..ළමුන් හතර දෙනෙකු න් හා එක් ඟුරු පියෙකු ගෙන් ආරම්භ වුනු අප දහම්පාසැල මේවන විට අප වැනි දරුවන් බොහෝ දෙනෙකුට සිංහල භාෂාව , බුද්ධ ධර්මය අපේ උරුමය පිළිබඳ දැනුම බෙදා දෙන තෝතැන්නක් වී හමාරය .2007 වසරේ ප්රථම වතාවට බෞද්ධ කටයුතු දෙපාර්තමේන්තුව මගින් පවත්වන ලද දහම්පාසැල් ශ්රේණි විභාගය සඳහා අප දහම්පාසැල ව්දෙස් රටක සිට පෙනීසිට විශිෂ්ට ප්රතිඵල ලබාගන්නා ලදී. ඒ මංපෙත් තවත් පුළුල් කරමින් මෙවරත් අප දහම්පාසැල අති විශිෂ්ට ප්රතිඵල ලබාගෙන ඇත්තේ ස්වේච්ඡා සේවයෙන් උගන්වන ගුරුමණ්ඩලයේ, දෙමාපියන්ගේත් අති මහත් කැපවීම නිසාවෙනි .අප දහම්පාසැල මෙපමණ කාලයක් සාර්ථකව පවත්වාගෙන යාම සුළු පටු කටයුත්තක් නොවේ. බොහෝ ගිරි දුර්ග පසු කොට මේ ආ මගට නොමඳ සහයෝගය ලබා දුන් ගුරු මැණිවරුන් හා පියවරුන්ටත්, දෙමාපියන්ටත් , තානාපතිවරුන් හා එම කාර්ය් මණ්ඩලයටත් අපගේ ප්රණාමය !!.ව්දෙස් රටක විදේශීය භාෂාවකින් අකුරු කරනා අපහට අපේ භාෂාව ,අපේ උරුමය අපට දායාද කරන, එකම නිජබිම අබුඩාබි ශ්රී ලංකා තානාපති කාර්යාලය පරිශ්රය තුළ පවතින අපේ දහම්පාසැලයි.අප දහම් පාසල තවත් දශක ගණනාවක් සාර්ථකව ඉදිරියට යනු දැකීම අපගේ පැතුමයි.ආදරණීය අම්මේ ,තාත්තේ, නැන්දේ,මාමේ,අබුඩාබිහි ශ්රී ලාංකා තානාපති කාර්යාලය නැමති මහාපවුරෙන් ආරක්ෂාව හා රැකවරණය ලබමින් පවත්වාගෙන යන අප දහම්පාසැල තවත් අපි වගේම දරුකැලකට ආරක්ෂා කරදීම ඔබේ යුතුකමයි!!"ඔබ සැමට තෙරුවන් සරණයි🙏
