Coach kamilia kamel

Coach kamilia kamel اخصائية نفسية وكوتش علاقات
Therapist and relationship coach

كل عام وانتم بخير ❤️
26/05/2026

كل عام وانتم بخير ❤️

26/05/2026

الظهور بمظهر القوية التي لا تخطئ هو استنزاف حقيقي ومستمر خلف كل نجاح مبهر وصورة مثالية هناك خوف خفي من اللحظة التي قد يسقط فيها القناع خوف من أن يكتشف الآخرون أنك لست بتلك الصلابة
هذا الضغط يجعلك في رحلة ركض لا تنتهي تركضين لإثبات جدارتك وكفاءتك ليس رغبة في الإنجاز بل خوفا من اهتزاز الصورة الحقيقة هي أن محاولة إثبات الذات طوال الوقت أكثر إنهاكا من الفشل نفسه لأنها تحرمك من عيش نجاحك الحقيقي والشعور بالسلام
في كورس وصال نرافقك لتتخلي عن عبء الإثبات المستمر ولتدركي بعمق أن قيمتك ثابتة ولا تعتمد على حجم إنجازاتك حان الوقت لكي ترتاحي وتكوني نفسك دون شروط
تجاوزي الخوف وابدئي رحلة العودة لسلامك الداخلي احجزي مقعدك الآن في كورس وصال من خلال الرسائل

في زحمة الحياة والضغوط والمسؤوليات… ساعات الإنسان بينسى إن أعظم مشروع في حياته مش الشغل، ولا الإنجاز، ولا حتى الوصول لأه...
22/05/2026

في زحمة الحياة والضغوط والمسؤوليات… ساعات الإنسان بينسى إن أعظم مشروع في حياته مش الشغل، ولا الإنجاز، ولا حتى الوصول لأهدافه
أعظم مشروع هو: تزكية نفسه.

إنه يحاول كل يوم يبقى أنقى من جواه، أهدى، أصدق، أقرب لربنا، وأكثر وعي بنفسه.

والجميل في الأيام المباركة دي ( العشر من ذي الحجة ) إنها مش بتيجي بس علشان نكتر من العبادات بشكل شكلي، لكنها بتيجي كفرصة حقيقية نراجع بيها قلوبنا وأرواحنا، ونسأل نفسنا:
إيه أخبار علاقتي بربنا؟
إيه أخبار علاقتي بنفسي؟
هل قلبي مطمّن فعلًا… ولا بس مشغول ومجهد؟

ناس كتير بتدور على الراحة النفسية في كل حاجة حواليها، مع إن جزء كبير من السلام الحقيقي بيبدأ من جوا
لما الإنسان يحس إن بينه وبين ربنا صلة حقيقية.
لأن القرب من ربنا مش بس بيشيل حمل مشاكل الحياة، لكنه بيدي الإنسان حاجة أعمق:
الصلابة النفسية.

إنك تعدّي أيام صعبة من غير ما تنهار.
تتوجع لكن ما تفقدش الأمل.
تضيق بيك الدنيا لكن يفضل جواك يقين إن ربنا مش هيسيبك لوحدك.

تزكية النفس مش رحلة كمال، لكنها رحلة صدق ومحاولة مستمرة.
وكل مرة نحاول نفهم نفسنا أكتر، ونعالج ضعفنا، ونتقرب من ربنا بصدق بنكتشف إن جوانا قدرة على التغيير ماكنّاش شايفينها قبل كده.

فما تيأسش من نفسك
وما تبطلش تحاول
يمكن خطوة صغيرة صادقة بينك وبين ربنا في الأيام دي… تغيّر حاجة كبيرة جواك للأبد

شاركني: إيه أكتر حاجة بتحاول تزكّي نفسك فيها الفترة دي ؟




#وعي


#طمأنينة



حاسس كانك في سباق ولا زم تلحق بس انت مش عارف تلحق ايه بالظبط ؟اهو تلحق وخلاص لان الكل بيجري كل يوم تشوف حد بدأ مشروع وحد...
16/05/2026

حاسس كانك في سباق ولا زم تلحق بس انت مش عارف تلحق ايه بالظبط ؟
اهو تلحق وخلاص لان الكل بيجري

كل يوم تشوف حد بدأ مشروع وحد سافر وحد غيّر جسمه، وحد اتغيّرت حياته في ٣٠ يوم

ومع الوقت الإنسان يبدأ يحس إنه متأخر
إنه لازم يجري طول الوقت
لازم ينجز أسرع
يتغير أسرع
يوصل أسرع

لكن الحقيقة؟
مش كل تأخير معناه إنك فاشل

وفي وسط دوشة المقارنات دي
بتيجي العشر من ذي الحجة كأنها رسالة
“اهدأ واقترب.”

ربنا ما طلبش منك تبهر الناس
ولا تعيش مستنزف عشان تثبت إنك ناجح
لكن طلب منك خطوات صادقة
ركعتين بخشوع
ذكر من القلب
صدقة صغيرة
نية طيبة
وقلب مطمن يحاول يرجع له

العشر من ذي الحجة مش ايام عادية
دي احب الايام الى الله
هي موسم للسكينة وسط عالم بيجري و مستعجل

مش لازم تعمل كل حاجة دفعة واحدة
ولا تلحق كل الناس
أحيانًا أعظم الطاعات
إنك تبطّئ قليلًا
وتسمع روحك
وترجع لقلبك
وترجع لربنا بدون استعجال

ولو حاسس إن الدنيا بتسحبك طول الوقت للجري
يمكن دي إشارة إن روحك محتاجة تهدى وتقرب اكثر لربنا مش سرعة وجري وتذكر ان الدنيا ساعة وليست خلود

الان حان الوقت للعمل اكتب خطة بسيطة مرنة تناسب ظروفك للعشر من ذي الحجة

وكن مع الركب الذي يسعى للجنة ولو باقل القليل

ولا تكن مع الذين ضل سعيهم في الحياة الدنيا






#وعي

يمكن تعبك مش لأن الحياة ضدك…يمكن لأنك شايفاها من زاوية بتوجعك.انهاردة وأنا ماسكة الماوس، فجأة لقيت إن السهم على الشاشة م...
07/05/2026

يمكن تعبك مش لأن الحياة ضدك…
يمكن لأنك شايفاها من زاوية بتوجعك.

انهاردة وأنا ماسكة الماوس، فجأة لقيت إن السهم على الشاشة مش بيتحرك صح

كل ما أحاول أتحكم فيه، يروح في الاتجاه العكسي.

توترت، وافتكرت إن الماوس باظ.

لكن لما بصّيت كويس
اكتشفت إني أنا اللي ماسكاه بالعكس.

وده بالضبط اللي بيحصل مع ناس كتير في حياتهم.

تفضلي تحاولي تصلّحي شغل، أو علاقة، أو نفسية،
وتفتكري إن المشكلة في الدنيا
في الناس
في الظروف
في الحظ

مع إن أحيانًا المشكلة مش في اللي حواليكي،
المشكلة ممكن تكون إنك بتتعاملي مع نفسك بالطريقة الغلط.

بتضغطي على نفسك طول الوقت وتستغربي ليه تعبانة.

بتحاول ترضي الكل وتستغربي ليه مستنزفة.

بتكتمي مشاعرك وتستغربي ليه مخنوقة.

بتعيشي بدور مش دورك… وتستغربي ليه حاسة إنك تايهة.

أوقات كتير…
أول خطوة للتحسن مش إننا “نغيّر حياتنا”.
لكن إننا نمسكها صح.

✨ اسألي نفسك النهارده
إيه أكتر شيء اكتشفتي مؤخرًا إن المشكلة ماكنتش فيه… لكن في الطريقة اللي كنتِ شايفاه أو بتتعاملِي بيها؟

اكتبي كلمة ( تغيير ) وهبعتلك ملف فيه خمس خطوات سهلة تساعدك

#اكسبلور

#وعي



#الوعي
#مشاعر
#حياتك
#تغيير
#تحفيز



الصبح البوتاجاز مش راضي يشتغلأول فكرة؟ “اليوم باظ!”بس الحقيقة؟اكتشفت ان الغاز مش عندي أنا بس اللي مش شغال المشكلة في الع...
05/05/2026

الصبح البوتاجاز مش راضي يشتغل
أول فكرة؟ “اليوم باظ!”

بس الحقيقة؟
اكتشفت ان الغاز مش عندي أنا بس اللي مش شغال
المشكلة في العمارة كلها.

طب أعمل إيه؟
أقعد مستنية؟ أتوتر؟ أقول مفيش فطار؟

ولا أستخدم اللي شغال فعلاً؟

توستر ✔️
ميكروويف ✔️
كاتل ✔️

وفعلا الفطار اتعمل عادي جدًا بالحاجات المتاحة

الفكرة مش في البوتاجاز.
الفكرة في عقلك وهو بيقرر:
“هل في حلول؟ ولا خلاص أقفل اليوم؟”

إحنا بنعمل كده في حياتنا كل يوم
أول ما حاجة تقف
علاقة، شغل، فرصة، مزاج، طاقة

بنقرر إن “كل حاجة وقفت”.

مع إن الحقيقة:
في حاجات تانية شغالة… بس إحنا مش شايفينها.

يمكن باب اتقفل
بس في أبواب كتير مفتوحة بس انتي مركزة بس على المقفول.

يمكن شخص خذلك…
بس في ناس واقفة جنبك وانتِ مش شايفهم.

يمكن طاقتك قليلة…
بس لسه عندك القدرة تعملي حاجة بسيطة تحركك.

الحياة مش بتقف
إحنا اللي بنقف عند أول عطل.

دلوقتي
اكتبي 3 حاجات في حياتك “شغالة”
حتى لو صغيرة جدًا والكلام هنا مش على الادوات

وشوفي هتبدأي تتحركي ازاي من المتاح مش المفقود.

قوليلي في الكومنت:
إيه الحاجة اللي كانت “مش شغالة” في حياتك…
واكتشفتي بعد كده إن في بدائل؟

ولو حاسة إنك واقفة ومش شايفة أي حلول

ابعتِلي كلمة “حركة” في الرسائل

ونشتغل سوا على إنك تخرجي من حالة الجمود وترجعي تمشي خطوة بخطوة بثقة ووضوح









مش كل حاجة محتاجة تتحارب… في حاجات محتاجة تتساب ورا ظهرك في لحظة معينة في حياتك، هتكتشفي إن أكبر استنزاف ليكيمش من اللي ...
04/05/2026

مش كل حاجة محتاجة تتحارب… في حاجات محتاجة تتساب ورا ظهرك

في لحظة معينة في حياتك، هتكتشفي إن أكبر استنزاف ليكي
مش من اللي بيحصل
لكن من محاولتك إنك تتحكمي في كل حاجة.

بتحاولي تتحكمي في:
ردود الناس
مشاعرهم
قراراتهم
اللي حصل واللي كان المفروض يحصل

ولما تفشلي (وده طبيعي)
بتدخلي في دايرة تعب مالهاش نهاية.

✨ هنا بقى الفرق الحقيقي يبدأ:

في حاجات جوا دايرة تأثيرك
وفي حاجات براها تمامًا

🟢 دايرة تأثيرك

* رد فعلك
* طريقة تفكيرك
* اختياراتك
* حدودك
* تفسيرك للأحداث
* قرارك إنك تكمّلي أو تقفي

دي المساحة اللي لو اشتغلتي عليها… حياتك هتتغير فعلاً.

🔴 برا دايرة تأثيرك:

* الناس هتفكر فيكي إزاي
* حد يحبك أو لا
* الماضي
* ظروف حصلت بالفعل
* مزاج الآخرين
* ردود أفعالهم

كل ما بتحاولي تتحكمي في الحاجات دي
كل ما بتخسري طاقتك… وبتبعدي عن سلامك النفسي .

✨ التغيير الحقيقي:

مش إن الحياة تبقى مثالية…
لكن إنك تبقي هادية من جواكي حتى وهي مش مثالية.

إنك تمشي للامام. مش تقاومي كل حاجة.
تفهمي… مش تتحكمي.
ترخي ايدك عن الحاجات اللي مش في ايدك تغييرها … مش تمسكي في كل حاجة

تمرين هيساعدك جدا تشوفي الحقيقة

اكتبي موقف مضايقك دلوقتي
وقسمي الصفحة لنصين:
جاوبي على السؤالين دول
1. إيه اللي أقدر أتحكم فيه؟
2. إيه اللي لازم أسيبه ومش في ايدي اعمل فيه حاجة ؟

وهتتفاجئي قد إيه كنتِ شايلة فوق طاقتك 💔

قولّي في الكومنت:
أكتر حاجة كنتي بتحاولي تتحكمي فيها وهي أصلاً برا دايرة تأثيرك؟

لو حاسة إنك شايلة فوق طاقتك…
ومش عارفة تفرّقي بين اللي في ايدك واللي لازم تسيبيه،

ممكن نشتغل على ده سوا في جلسة خاصة تساعدك ترجعي لنقطة هدوءك من جديد 🤍
ابعتِلي كلمة “جلسة” وحبعتلك التفاصيل

23/04/2026

أنتي مش قطر بيفوت، ولا محطة انتظار. أنتي قيمة غالية مبيحددهاش سن ولا رقم في بطاقة.
المشكلة مش في الوحدة، المشكلة في الروح اللي بتتطفي مع الشخص الغلط. الارتباط من منطلق الذعر هو أكبر خدعة بيعملها عقلك عشان يهرب من ضغط المجتمع.
الحقيقة إن الوجع وانتي لوحدك اهون بكتير من شعور الإهانة والإهمال وانتي في بيت الشخص الغلط. التغيير بيبدأ لما تدركي إنك نص كامل مش محتاجة حد يكملك، ولما تفهمي إن سن التلاتين هو قمة نضجك مش نهاية رحلتك.
متسمحيش لكلام الناس يخليكي تضحي بسلامك النفسي عشان تقفلي خانة في نظرهم. كرامتك واستحقاقك أهم من أي سباق وهمي.
شوفي الفيديو ده لو حاسة إن الضغط زاد عليكي ومحتاجة تفوقي لنفسك.

#الحب #الإحتواء #اهتماماتك #الوهم #الاهمال

رحلة البحث عن نفسك الضايعة جوه علاقة هي أصعب وأهم مشوار ممكن تاخديه في حياتك والسؤال الحقيقي هنا هو امتى اختفيتي من حيات...
22/04/2026

رحلة البحث عن نفسك الضايعة جوه علاقة هي أصعب وأهم مشوار ممكن تاخديه في حياتك والسؤال الحقيقي هنا هو امتى اختفيتي من حياتك وبقت كل دنيتك بتلف في ساقية شخص تاني وليه سمحتي لروحك تبهت وشغفك ينطفي وانتي بتحاولي ترضي طرف تاني على حساب كيانك

انتي بقيتي بتختاري السكوت عشان تتفادي الزعل وبقيتي بعيدة عن صحابك اللي كانوا بيشبهوكي وقللتي من طموحاتك وهواياتك لحد ما نسيتي انتي مين أصلا والمشكلة الحقيقية مش دايما بتكون فيه هو لكن المشكلة إنك ربطتي قيمتك وحالتك المزاجية برضاه عنك وفقدتي بوصلتك الشخصية

تضييع نفسك عشان حد مش دليل حب لكنه دليل على فقدان التوازن النفسي والحل بيبدأ بخطوات صغيرة وموجعة في الأول لكنها بتحررك في الآخر ارجعي لنفسك من تاني واتعلمي تقولي لأ حتى لو في حاجات بسيطة وخصصي وقت لحاجة انتي فعلا بتحبيها بعيد عن اهتماماته وارجعي تواصلي مع الناس اللي بيقدروكي لشخصك مش لكونك شريكة فلان

استرجاع هواياتك وصحابك وشغفك هو اللي هيرجعلك تقلك وقيمتك في عين نفسك وفي عين اللي معاكي لأن الست اللي ليها حياة وأهداف واضحة هي اللي بتقدر تبني علاقة صحية ومتوازنة مبنية على الشراكة مش على الذوبان والتبعية الكاملة

لو حاسة إنك تهتي في النص ومش عارفة ترجعي للطريق أو مش فاكرة ملامح نفسك القديمة ابعتي رسالة دلوقتي وتعالي نشتغل سوا خطوة بخطوة عشان نسترد كل اللي ضاع منك ونبني ليكي شخصية قوية وعلاقة سوية تحترم وجودك وكيانك

#الحب # #الإحتواء #الشغف #قيمتك #اهتماماتك

20/04/2026

بيسموها جدعنة… وبنسميها في الطب النفسي استجابة صدمة (Hyper-independence).
صلابتك المبالغ فيها دي مش قوة… ده درع حديد بنته طفولتك لما ملقيتيش حد تتسندي عليه، فقررتي تكوني إنتِ السند.
إنتِ مش بتحبي تشيلي شيلة الكل… إنتِ بتخافي تطلبي المساعدة فتتخذلي.
بتعتبري الاحتياج عُري، والضعف هزيمة… فبقيتي بتشتري مكانك في القلوب بالعطاء القهري.
الحقيقة إن درع القوة ده هو اللي بيجذب لحياتك الأرواح الاتكالية… لأن طاقتك بتقول للكل: أنا مش محتاجة حد، فبيجيلِك اللي فعلًا مش هيديكي حاجة.
آن الأوان تقلعي الدرع… القوة الحقيقية في شجاعة الانهيار، مش في تمثيل الصمود

#الوجع #الحقيقة #المساعدة #الانهيار #الاحتياج #الخسارة

Address

‬
Abu Dhabi

Telephone

+971507318131

Website

Alerts

Be the first to know and let us send you an email when Coach kamilia kamel posts news and promotions. Your email address will not be used for any other purpose, and you can unsubscribe at any time.

Contact The School

Send a message to Coach kamilia kamel:

Shortcuts

Share