Hoër Meisieskool Bloemhof

𝗞𝗮𝗺𝗽𝗶𝗼𝗲𝗻𝗲 𝘃𝗮𝗻 𝗱𝗶𝗲 𝗠𝗲𝗻𝗹𝗼-𝗧𝗲𝗻𝗻𝗶𝘀𝘁𝗼𝗲𝗿𝗻𝗼𝗼𝗶

Ons o.19A-tennisspan het dit gedoen! Ná ’n indrukwekkende toernooi het die span die finaal teen Paarl Gimnasium gewen en is hulle gekroon as die Menlo-tennistoernooi se kampioene!

Van die groepfase tot die kwarteindstryd, halfeindstryd en uiteindelik die finaal het ons o.19A’s deurgaans uitstekende tennis gelewer.

𝗦𝘂𝗽𝗿𝗶𝘀𝗲! 𝗢𝗻𝘀 𝗶𝘀 𝗶𝗻 𝗱𝗶𝗲 𝗔𝗧𝗞𝗩-𝘀𝘁𝗲𝗲𝗸𝗳𝗲𝗲𝘀𝗳𝗶𝗻𝗮𝗮𝗹

Surprise, Poplap! is deur na die steekfeesfinaal van die ATKV-Tienertoneel Wes-Kaap-streeksfees!

Baie geluk aan ons talentvolle leerders met hierdie besondere prestasie!

Kom ondersteun ons Bloemhoffers vanaand by die Pam Golding Baxter-teater.

Kaartjies en die volledige program is hier beskikbaar:
www.asem.in

Kom ondersteun ons Bloemhoffers!

𝗠𝗲𝗻𝗹𝗼𝗽𝗮𝗿𝗸-𝘁𝗲𝗻𝗻𝗶𝘀𝘁𝗼𝗲𝗿𝗻𝗼𝗼𝗶
𝗢𝗻𝘀 𝗶𝘀 𝗶𝗻 𝗱𝗶𝗲 𝗳𝗶𝗻𝗮𝗮𝗹!

Ons o.19A-tennisspan het vandag hul uitstekende vertoning by die Menlo-tennistoernooi voortgesit!

Ná ’n 4–0-oorwinning teen HS Middelburg in die kwarteindstryd, het die span nóg ’n indrukwekkende 5–1-oorwinning teen Oranje Meisies in die halfeindstryd behaal.

Nou wag die groot een! Ons o.19A’s is deur na die finaal, waar hulle teen HS Menlopark of Paarl Gimnasium sal speel.

Baie geluk, span – nog net een wedstryd! Ons hou duimvas vir die finaal!

𝗼.𝟭𝟵𝗔 𝗠𝗲𝗻𝗹𝗼-𝘁𝗲𝗻𝗻𝗶𝘀𝘁𝗼𝗲𝗿𝗻𝗼𝗼𝗶

Ons O/19A-tennisspan is tans in aksie by die Menlo-tennistoernooi en het tot dusver uitstekend gevaar. Die span het al hul groepwedstryde gewen en wag nou om uit te vind wie hulle in die kwarteindstryd sal aanpak.

Baie geluk, span! Ons is trots op julle en hou duimvas vir die volgende rondte!

𝗝𝘂𝗳𝗳𝗿𝗼𝘂 𝗛𝗮𝘁𝘁𝗶𝗻𝗴𝗵: ’𝗻 𝘃𝗿𝗼𝘂 𝗺𝗲𝘁 𝘃𝗲𝗹𝗲 𝘁𝗮𝗹𝗲𝗻𝘁𝗲!

Vir dié wat vir Juffrou Hattingh ken, weet dat sy ’n vrou met vele talente is. Van die laboratorium en die Eskom Ekspo tot die kombuis – sy pak elke uitdaging met dieselfde entoesiasme aan!

Vir die geselskap van Surprise, Poplap! het sy ’n spesiale koek gebak wat deel was van die rekwisiete vir hul vertoning by die ATKV-Tienertoneel.

Van wetenskaplike eksperimente tot ’n koek wat op die verhoog sy rol moes speel – Juffrou Hattingh kan dit alles doen!

𝗔𝗧𝗞𝗩-𝗧𝗶𝗲𝗻𝗲𝗿𝘁𝗼𝗻𝗲𝗲𝗹𝗸𝗼𝗺𝗽𝗲𝘁𝗶𝘀𝗶𝗲

Baie sterkte aan die twee Bloemhof-produksies, Surprise, Poplap! en Die Republiek van Môre (Leerderproduksie), wat môre aan die Wes-Kaap 1-streeksfees van die ATKV-Tienertoneelkompetisie deelneem.

Bloemhof is reeds baie trots op julle!

Kaartjies is beskikbaar op Webtickets.

𝗞𝗼𝗼𝗿 - 𝗨𝗶𝘁𝘁𝗲𝗸𝗲𝗻𝘀𝗲𝗿𝗲𝗺𝗼𝗻𝗶𝗲 𝘃𝗶𝗿 𝗴𝗿𝗮𝗮𝗱 𝟭𝟮’𝘀

Die koorjaar is Maandag op ‘n hoë noot afgesluit. ‘n Spesiale geleentheid is gehou om vir die matrieks in die koor tot siens te sê en waar hul uitgeteken het as ‘n simbool dat hulle die koor verlaat.

Erkenning is ook aan die matrieks gegee vir die vele optredes waar hul tydens hul hoërskoolloopbaan as deel van die koor opgetree het.

Meer as 40 optredes: Leelah Sykstus
Meer as 50 optredes: Chanika Arnolds, Chloe Booyens, Elizabeth Burger, Carla de Jager, Ana de K**k, Tertia du Plessis, Mia Ge**er, Melindie Horn, Leané Rolfe, Danika Smit, Janka Strauss, Linda Toerien, Liané van Hoogstraten, Miné Venter en Jana Vorster

Oudisies vir die nuwe koor vind gedurende die volgende paar weke plaas.

𝗕𝗔𝗦𝗘 𝘅 𝗜𝗻𝘁𝗲𝗿𝘀𝗸𝗼𝗹𝗲 𝟮𝟬𝟮𝟲

’n Groot dankie aan BASE Living vir julle ondersteuning tydens Interskole 2026!

Julle betrokkenheid het gehelp om hierdie besondere naweek moontlik te maak en het ’n waardevolle bydrae gelewer tot die ervaring van ons leerders, ouers en ondersteuners.

Dankie dat julle saam met ons Interskole groot gemaak het!

𝗕𝗼𝗹𝗮𝗻𝗱 𝗟𝗮𝗻𝗱𝗹𝗼𝗼𝗽
Baie geluk aan ons vier landloopatlete wat tydens die Boland Landloopkampioenskappe uitstekende prestasies behaal het én hul plek in die Boland Landloopspan verwerf het!

Abigail Keuler (O/15) – 1ste plek
Katerien Fourie (O/16) – 2de plek
Gizé Strydom (O/16) – 5de plek
Mila de Jager (O/17) – 1ste plek

Foto’s: Verskaf

𝗛𝗠𝗦 𝗕𝗹𝗼𝗲𝗺𝗵𝗼𝗳-𝗹𝗲𝗶𝗲𝗿𝘀 𝘃𝗶𝗿 𝟮𝟬𝟮𝟲/𝟮𝟳

Tydens vandag se Leierinhuldigingseremonie is Nichola Pienaar as HMS Bloemhof se hoofdogter vir 2026/27 aangewys, met Danielle Le Hanie as die skool se onderhoofdogter.

Die nuwe leierskap van Huis Bloemhof is ook aangekondig, met Martelize Geduldt as koshuishoofdogter en Nichola Pienaar as onderhoofdogter.

Veels geluk aan elkeen van die VRL- en HK-lede wat vandag hul plegtige beloftes onderteken het. Mag julle hierdie besondere verantwoordelikheid met trots, integriteit en toewyding vervul.