Vlottenburg Primêre Skool

12 Junie 2026

Die leerders van Vlottenburg Primêr geniet tans die Vrydag-sokkerwedstryde met groot opgewondenheid!
Die vrolike gejuig, spanwerk en energie vul die veld terwyl hulle elke oomblik geniet. ⚽💙

’n Baie dankie aan Mnr Jacobs en Juf Steyn vir hul tyd, liefde en toewyding aan ons leerders by die sokkerwedstryd — ons waardeer julle ongelooflik baie!

📢 Kennisgewing aan Ouers en Leerders

Neem asseblief kennis dat Vlottenburg Primêr op Maandag 15 Junie en Dinsdag 16 Junie gesluit sal wees as gevolg van die Jeugdag-vakansiedag.

📅 Die skool heropen weer op Woensdag 17 Junie en alle leerders moet dan soos normaal by die skool aanmeld.

Ons wens al ons leerders, ouers en personeel 'n veilige en aangename langnaweek toe. Geniet die rustyd en kom terug gereed vir die res van die kwartaal!

❤️ Vlottenburg Primêr
Arbeid Oorwin 📚🍇

🌟 Wat ’n trotse oomblik vir Vlottenburg Primêr! 🌟

Ons leerders het onlangs aan die Remgro Poetry-kompetisie deelgeneem – ’n wonderlike geleentheid om hul kreatiwiteit, talent en liefde vir poësie te wys.

Uit ’n groot aantal inskrywings het ons eie Anneke Lesch, ’n Graad 7-leerder, ’n uitstekende 4de plek behaal! 🎉 Hierdie prestasie getuig van haar harde werk, kreatiwiteit en passie vir skryf. Ons is ongelooflik trots op haar prestasie en wens haar van harte geluk.

’n Spesiale woord van dank aan al die opvoeders wat hul leerders aangemoedig, ondersteun en begelei het tydens hierdie proses. Julle toewyding help ons leerders om hul volle potensiaal te bereik.

Baie geluk, Anneke – jy laat Vlottenburg Primêr se naam hoog vlieg! ⭐📚✍️

🌟💙❤️

🛡️👧👦 Kinderbeskermingsweek 2026 💙

Kinderbeskermingsweek is 'n jaarlikse veldtog in Suid-Afrika wat toegewy is aan die bevordering van bewustheid oor die regte van kinders en die mobilisering van die samelewing om hulle teen mishandeling, verwaarlosing en uitbuiting te beskerm. 🤝❤️

🏫 Vlottenburg Primêr ondersteun Nasionale Kinderbeskermingsweek deur aktief die veiligheid, geestesgesondheid en fundamentele regte van sy leerders te bevorder. 🌱🧠💙 As 'n plaasskool wat 'n kwesbare gemeenskap bedien, fokus ons op die skep van 'n veilige en ondersteunende omgewing deur middel van waardevolle vennootskappe soos Community Keepers. 🤗🛡️

💭 "As ons ware vrede in hierdie wêreld wil leer, sal ons met die kinders moet begin." 🕊️🌍

Kom ons werk saam om elke kind veilig, geliefd en beskerm te hou. ❤️👧👦

🤝💙🛡️👦👧

🌍♻️ Wêreldomgewingsdag by Vlottenburg Primêr ♻️🌍

Vandag vier ons Wêreldomgewingsdag en herinner ons ons leerders aan die belangrikheid daarvan om ons omgewing te beskerm. By Vlottenburg Primêr glo ons dat elke klein daad ’n groot verskil kan maak – of dit nou is om rommel op te tel, water te bespaar, bome te plant of te herwin.

Kom ons werk saam om ’n skoner, groener en gesonder omgewing vir toekomstige geslagte te skep. 🌱💚

“Die aarde behoort nie aan ons nie; ons leen dit van ons kinders.”

🌿🌍💚

🌟 Baie dankie, Mnr. Pretorius! 🌟

Namens die personeel, leerders en ouergemeenskap van Vlottenburg Primêr wil ons ons opregte waardering uitspreek vir die ruim skenking van sweetpakke aan al ons leerders.

Dankie vir die jare se onbaatsugtige betrokkenheid, ondersteuning en inploeg in Vlottenburg Primêr en ons gemeenskap. U omgee, vrygewigheid en toewyding maak 'n groot verskil in die lewens van ons kinders.

Ons waardeer alles wat u deur die jare vir ons skool en gemeenskap beteken het. Mag u goedheid ryklik geseën word.

💙❤️ Vlottenburg Primêr sê baie dankie! ❤️ 💙

📢🍭🎉 Graad R Markdag! 🎉🍭📢

Ons nooi almal hartlik uit na ons Graad R Markdag wat sal plaasvind op Vrydag, 5 Junie. 🛍️✨

Kom ondersteun ons jong entrepreneurs en geniet 'n verskeidenheid lekkernye en produkte wat met baie entoesiasme voorberei is. 😋🍿🍬

📅 Datum: 5 Junie
📍 Plek: Vlottenburg Primêr
⏰ Tyd: Tydens skoolure - 1ste Pouse

Ons sien uit daarna om julle daar te verwelkom! 💙❤️

Groete
Vlottenburg Primêr 🌟🏫

Math Moms

Op Saterdag, 30 Mei het Math Moms ń opleidingsessie aangebied by die skool. Die sessie is gemik op Graad 3&4 ouers en leerders. Ouers was uitgenooi om hul wiskunde vaardighede bietjie op te skerp. Dit sal dan vir hulle help om hul kinders te help met wiskunde by die huis.
Die opleidingsessie is ook daarop gemik om leerders te wys dat Wiskunde ook speel-speel aangeleer kan word. Elke leerder het ń wiskunde pakket met aktiwiteite ontvang waarmee hulle by die huis kan speel op ń Wiskundige manier.

Ons glo dat ouers en leerders hierdie inisiatief verder sal vat om by die huis te oefen en te speel en op so ń manier hul wiskunde verbeter.

Dit was ń oggend gevul met prettige aktiwiteite waar ouer en kind saam wiskunde kon doen.

03 Junie 2026

🚦👮‍♂️ Verkeersveiligheid by Vlottenburg Primêr 👮‍♀️🚦

Vandag het verkeersbeamptes ons skool besoek en waardevolle inligting met ons leerders gedeel oor die reëls en regulasies van padveiligheid. Die sessie het leerders bewus gemaak van die belangrikheid daarvan om verantwoordelike padgebruikers te wees.

'n Groot dankie aan die verkeersbeamptes vir hul tyd en toewyding om ons leerders veilig en ingelig te hou. 🚸





🚦💙❤️

Jy is slim, jy is dapper, en jy kan dit doen!
Sterkte met die eksamen Vlotties