Groenie Nessie Kleuterskool

Mihandi en Claire het hulle Gauteng klere gekry. En gaan deur na die finale rondte wat Junior Cup is. Ons by Groenie Nessie bars van trots. Baie geluk julle tweetjies 🐤🐥🐣🐤🐥🐣

Groenie Nessie se maats presteer op vele vlakke. Ons is vreeslik trots op julle🐣🐥🐤

Vandag se saalopening het gehandel oor die bekende Bybelverhaal van die wyse man wat sy huis op die rots gebou het en die dwase man wat sy huis op die sand gebou het.
Ons het saam gesels oor hoe belangrik dit is om ons lewens op 'n sterk fondament te bou – een van geloof, gehoorsaamheid, goeie waardes en liefde. Soos die huis op die rots die storms kon weerstaan, kan ons ook staande bly wanneer ons ons vertroue in God plaas en Sy Woord uitleef.
By ons skool streef ons daarna om nie net kennis te bou nie, maar ook kinders se harte en karakter te vorm sodat hulle eendag sterk en standvastig deur die lewe kan stap.
"Elkeen dan wat hierdie woorde van My hoor en daarvolgens handel, kan vergelyk word met 'n verstandige man wat sy huis op die rots gebou het." – Matteus 7:24

Dankie vir die inloer vandag🐣🐥🐤