28/08/2026
So spesiaal. Baie dankie vir die mooi woorde! Ek LOVE wat ek doen. 🩷🌈
Pienkvoet-Pret
Jess is ’n fantastiese Pienkvoet Pret-tannie! 💕 Wat ek veral van Pienkvoet Pret Faerie Glen waardeer, is Jess se kleiner klasse. Dit skep so ’n intieme en persoonlike ervaring en voel glad nie oorweldigend nie. As ’n mamma van twee onder twee is dit vir my ’n spasie waar ek kan ontspan, kwaliteitstyd saam met my jongste kan spandeer en terselfdertyd ondersteuning en ’n plek waar ek tuis voel, kan ervaar.
Jess doen soveel moeite met die aktiwiteite, en my klein seuntjie geniet elke klas ongelooflik baie. Hy is mal oor die interaksie met die ander kleintjies, en dit gee ons ook idees van dinge wat ons gedurende die week by die huis kan doen. Daar is ook regtig oulike mammas wat werklik belangstel, wat die ervaring nog meer spesiaal maak. En as jy nie noodwendig lus is om baie te deel nie, is dit net so lekker om rustig te sit, te luister en die ander mammas se stories te hoor. ❤️
My Pa woon tans die klasse saam met hom by en geniet die spesiale een-tot-een tyd met sy kleinseun net so baie. 🥰 Dit is regtig ‘n plek waar almal welkom is, nie net Mammas nie.
Jess skep met haar kleiner klasse en warm persoonlikheid nie net ’n klas nie, maar ’n regte village. ’n Veilige, ondersteunende plek waar nuwe mammas kan weet: jy is nie alleen nie. ❤️ Ek sal Pienkvoet Pret Faerie Glen absoluut aanbeveel vir enige nuwe mamma!
