21/09/2026
Update oor my oudste, Janéy.
Sy het vanaf Graad R tot Matriek getuisskool. Die eklektiese metode. Sy het lank gesukkel met lees. So ek het haar eers prakties en prettig laat leer. Baie projekte en lapbooks. Eenheidstudies oor Antieke Egipte, die Middeleue, die Romeine, kastele, seerowers en nog meer! Ek het vir haar stories gelees en ons het oor bekende skrywers geleer en hulle verjaarsdae gevier. Sy hoef nie baie te gelees het nie. Maar sy het steeds geleer. Sy het geniet om stories te tik! Sy het hier en daar 'n boek probeer lees vir my, maar baie gesukkel.
En toe op 13, begin sy 'graphic novels' lees. (Strokiesprent boeke) en sy verbeter! En pappa koop vir haar 'n reeks oor perde en sy geniet dit vreeslik. En sy word 'n boekwurm wie se gunsteling plek 'n boekwinkel is! 'n Liefde vir lees omdat sy nie gedruk was om te lees op 'n sekere ouderdom nie.
Wiskunde was ook 'n groot uitdaging. Sy kon nie tyd verstaan nie. Maak nie saak hoe prakties en oulik het ek dit gemaak nie. Maaltafels het ook nie geplak nie. Toe sy graad 6 was, doen ons Maths Gaps, wat wiskunde dek van graad 4-6. Toe sy Graad 7 was, het ek Osborn boeke gekoop wat breuke en persentasie werk dek van graad 4 tot 6. So dit begin maklik en verduidelik die konsep en gee al hoe moeiliker oefeninge. Dit lyk of sy dit beter verstaan. Graad 8 en 9 probeer ons Maths ietise en ons sukkel daarmee. Nie vir haar gewerk nie. Ek sien toe dat sy nie met gewone wiskunde kan voortgaan nie. Ons verander na Maths Literacy en dit werk! Vir graad 10, 11 en 12. Sy hou nie daarvan nie, maar sy kry dit reg. Sy werk hard en doen nie te sleg nie. Ons noem haar Maths Literacy boek 'GRIT' want ek sê sy leer om uit te hou en deur te druk.
Janéy doen die American High School Diploma wat steeds eklekties is. Daar is vereistes maar grootendeel, kan sy haar vakke kies. Ons kies watse handboeke en aanlynkursusse sy doen. Sy kies baie van haar belangstellings en doen ook die President's Award wat gemeenskapsdiens insluit. Sy het stokperdjies en geniet boogskiet en dan beridde boogskiet (mounted archery).
Sy maak laas jaar klaar met skool sonder om een keer 'n eksamen te geskryf het! Yip! Asseserings was op ander maniere gedoen. Toetse en module vraelyste, take en opstelle. Baie punte was ingesamel sonder om formeel te sit en eksamen skryf. Ons stuur haar American High School Diploma na SAQA toe en hulle bevestig dat sy Matriek het, NQF 4. Dis dan sonder universiteit vrystelling. (Daarvoor kan tieners die SAT eksamens skryf wat Engels en Wiskunde insluit.)
Janéy is nou 'n eerstejaarstudent by SACAP. (South African College of Applied Psychology.) Sy studeer die Higher Certificate in Business Management. Sy geniet dit baie! Sy werk baie hard. En sy kry wonderlike punte!
Met haar toestemming, deel ek wat haar een lektor se terugvoer was met 'n onlangse groot taak:
Total Mark - 85 out of 100
"Hi Janey! You have submitted an absolutely brilliant strategic analysis for EcoFit. Your financial projection calculating the 130435 units needed under a value based pricing model was exceptional and showed fantastic critical thinking. Your creative promotional ideas like the solar powered billboard really brought your strategy to life beautifully. Just ensure you elaborate slightly more on potential distribution conflict resolution in future projects. I am incredibly proud of your work."
🤩🤩🤩
Super trots op haar!
