Glitter bekkies kleuterskool

Liewe Juffrou Kaylan

Gelukkige verjaarsdag 🎉

Op hierdie spesiale dag wil ons net vir jou dankie sê vir die besonderse mens wat jy is. Jou bereidwilligheid om altyd die ekstra myl te loop, jou stille krag en jou opregte omgee vir ander, maak ’n verskil wat nie altyd in woorde vasgevang kan word nie.

Jy dien met ’n sagte hart, ’n sterk gees en ’n roeping wat duidelik van Bo af kom. In alles wat jy doen, wys jy liefde, geduld en genade – eienskappe wat die lig van Christus weerspieël in elke lewe wat jy aanraak.

Mag die Here jou ryklik seën op jou nuwe lewensjaar. Mag Hy jou versterk wanneer jy moeg raak, jou lei in elke besluit, en jou hart vul met vrede en vreugde. Soos jy soveel vir ander beteken, mag jy self ook oorvloedig geseën word.
Baie dankie vir jou toewyding, jou opoffering en die liefde wat jy daagliks uitleef.

Seënwense vir ’n jaar vol God se goedheid en guns. Ons is baie lief vir jou!

Vandag het Klaradyn sorg vir 'n lekker giggel met haar oulike sêgoed....

VEELS GELUK TANNIE HANLIE!!

Baie geluk met Tannie se verjaarsdag. Mag die Here Tannie ryklik seën en nog baie jare spaar. Mag Tannie daagliks God se genade, goedheid en guns ervaar. Tannie is vir ons baie spesiaal en is ons dankbaar vir Tannie se mooi hart. Lief Tannie baie!

Kyk net die Blou klas! Hulle werk hard hoor💙

Ons oranje klassie, hulle het ons gehelp om die vure dood te maak! Kyk net hoe oulik🔥

Kyk net ons Besige Bytjies🐝

Ons geel klassie is lekker besig! Maar verseker besig om lekker te speel asook te leer!

Liefste Juffrou Jean-Mari,

Mag jou spesiale dag gevul wees met die Here se liefde, vrede en baie vreugde.

Dankie vir die liefde, geduld en omgee waarmee jy elke dag na die maats omsien. Jy maak 'n kosbare verskil in hulle lewens.

Mag die Here jou ryklik seën in die nuwe lewensjaar, jou krag gee vir elke dag en jou lei op elke pad wat voorlê.

Mag jy vandag baie bederf word!

Ons is baie lief vir jou!

Ons hoor daagliks die oulikste sêgoed by ons maats.

Ons deel graag die oulikste sêding van een van ons maats. Dit het vroeg al 'n glimlag op ons almal se gesigte gebring.