Hoërskool Labori

Ondersteun die Entrepreneursklub hierdie Saterdag by Interskole met ons ondersteunersitems.

Beperkte voorraad beskikbaar. Kom loer vroeg by die sportgronde in om joune te kry!

Neem deel aan ons fondsinsameling en wen groot!

Vir slegs R50 kan jy ’n lootjie koop en staan jy ’n kans om van hierdie heerlike pryse te wen. Wildsbiltong en wildsdroëwors ter waarde van duisende rande is op die spel!

🥇 1ste prys: 6 kg biltong + 6 kg droëwors (waarde R5 000)
🥈 2de prys: 5 kg biltong + 5 kg droëwors (waarde R4 000)
🥉 3de prys: 4 kg biltong + 4 kg droëwors (waarde R3 200)
🏅 4de prys: 3 kg biltong + 3 kg droëwors (waarde R2 500)
🏅 5de prys: 2 kg biltong + 2 kg droëwors (waarde R1 600)
🏅 6de prys: 1 kg biltong + 1 kg droëwors (waarde R800)
📌 Lootjies is beskikbaar:
• By enige Labori-leerder
• Aanlyn via: https://qkt.io/HP5vFi
Die trekking vind plaas op 24 Augustus 2026 tussen 08:00 en 09:00 en word deur Mnr. Terblanche behartig.
📞 Enige navrae? Kontak Gerrie Smith by 082 897 9494.

Vanaand was dit tyd vir ons Old Boys en Old Girls om weer die skoene aan te trek en die veld te betree!

Die Vikings het behoorlik gewys dat die talent en gees nog sterk staan:

🏉 Rugby: Labori 19-12 Vredenburg
🏐 Netbal: Labori 29-26 Vredenburg
🏑 Hokkie Old Girls: Labori 10-0 Vredenburg
🏑 Hokkie Old Boys: Labori 4-2 Vredenburg

’n Lekker aand van sport, gees en natuurlik ’n bietjie kompetisie. Baie dankie aan almal wat deelgeneem het en aan elkeen wat kom ondersteun het. Julle het die aand ekstra spesiaal gemaak.

Ons landloopspanne het vandag teen Vredenburg meegeding en die Vikings het behoorlik gewys wat hulle kan doen!

Seuns: Labori 47 | Vredenburg 8
Dogters: Labori 32 | Vredenburg 23

’n Baie mooi dubbele oorwinning vir Labori! Baie geluk aan al ons atlete met hierdie puik uitslae.

’n Besonderse dag vir ons redenaars!

Ons leerders het vandag teen Vredenburg deelgeneem en met uitstekende resultate weggestap.

Ons het ook drie Vikings in die Top 5 geëindig:

🥇 1ste: Riaz Africa – Vredenburg
🥈 2de: Luke Danies – Labori
🥉 3de: Leon Snyman – Labori
4de: Alicia Adonis – Vredenburg
5de: Tiaan Esterhuizen – Labori

Baie geluk aan al ons redenaars met hierdie besondere prestasies. Ons is ongelooflik trots op julle!

Ons debatspanne het vandag teen Vredenburg deelgeneem en goed presteer.

Juniors: Labori 70%🏆
Seniors: Labori 81%🏆

Junior Beste Spreker: Reilly Hendricks
Senior Beste Spreker: MJ Booker

’n Dubbele oorwinning vir die Vikings! Baie geluk aan ons junior- en senior debatspanne met hierdie besondere prestasie.

Wie sê spelling kan nie mededingend wees nie? Ons leerders het vandag teen Vredenburg aan die spelkompetisie deelgeneem, met twee oorwinnings vir elke skool.

Engels Juniors: Vredenburg
Engels Seniors: Vredenburg
Afrikaans Juniors: Labori
Afrikaans Seniors: Labori

’n Gelykop eindtelling van 2-2! ’n Mooi resultaat vir albei skole.

Ons skaakspanne het vandag tydens Interskole teen Vredenburg kragte gemeet. Elke wedstryd het konsentrasie, strategie en deursettingsvermoë geverg, en ons spelers het die uitdaging met trots aangepak.

Rondte 1: Labori 2,5 | Vredenburg 7,5
Rondte 2: Labori 2 | Vredenburg 8

Finale telling: Labori 4,5 | Vredenburg 15,5

Baie geluk aan Vredenburg met die oorwinning. Ons is baie trots op elke speler se insette en deelname.