02/09/2026
🏆 HOËRSKOOL MÔRESTER BEHAAL 3DE PLEK BY DIE SKILLS COMPETITION 2026! 🥉
Op 29 Augustus 2026 het ons Graad 11 Verbruikerstudies-leerders, Dadrey-Ann Snell en Adriadne Smith, Hoërskool Môrester met trots verteenwoordig tydens die Skills Competition by Bellville Tegniese Hoërskool in Kaapstad.
Hulle het saam met leerders van nege ander skole in Verbruikerstudies en Gasvryheidstudies deelgeneem aan ’n uitdagende kulinêre kompetisie. Juffrou S. Jacobs, hul Verbruikerstudies-opvoeder, het die leerders na die kompetisie vergesel, waar hulle hul talent, kreatiwiteit en uitstekende kookvaardighede onafhanklik ten toon gestel het.
Die tema van vanjaar se kompetisie was “THE HERITAGE REMIX”, waar deelnemers ’n unieke hoofgereg met bygeregte moes skep wat hul erfenis op ’n moderne en kreatiewe wyse uitbeeld.
⏱️ Die volledige gereg moes binne slegs 3 ure beplan, voorberei en voltooi word — ’n ware toets van tydsbestuur, tegniese vaardighede en spanwerk.
🥉 Ons is ongelooflik trots om aan te kondig dat Dadrey-Ann en Adriadne ’n welverdiende 3de plek behaal het!
“We might be small, but we are mighty.”
Hierdie prestasie bewys dat toewyding, harde werk en deursettingsvermoë buitengewone resultate lewer.
Baie geluk, Dadrey-Ann, Adriadne en Juffrou S. Jacobs! Julle het Hoërskool Môrester met trots verteenwoordig en ons hele skoolgemeenskap vier hierdie besonderse prestasie saam met julle. 💙💛🩵
