Waterbergskool vir CVO

Ons dorp het op 16 Junie bymekaargekom om blomme neer te lê op die grafte van die vroue en kinders wat tydens die Anglo-Boereoorlog in die Nylstroom Konsentrasiekamp gesterf het.

Op hierdie wyse herdenk ons hul nagedagtenis en bring ons hulde aan die opoffering, swaarkry en lyding wat hulle verduur het.

Baie dankie aan elke persoon wat die moeite gedoen en tyd uit hul dag afgestaan het om deel te wees van hierdie betekenisvolle geleentheid. Julle teenwoordigheid het gehelp om die herinnering aan hierdie vroue en kinders lewend te hou.

💐✝️

✨ Splinternuwe Parkeerarea Gereed!!! ✨

Ons parkeerarea het hierdie week 'n splinternuwe voorkoms gekry!

Baie dankie aan al ons ouers vir hul geduld en begrip tydens die opgraderingswerk. Ons waardeer die ondersteuning en samewerking wat die projek moontlik gemaak het, sowel as al ons borge en bydrae wat ons ontvang het. As privaatskool steun ons op on ouers en gemeenskap, en ons word nooit teleurgestel nie. Dankie

Ons is trots op hierdie verbetering wat nie net die terrein verfraai nie, maar ook bydra tot 'n beter ervaring vir ons skoolgemeenskap.

Saam bou ons aan 'n skool waarop ons almal trots kan wees.

Informasie oor ons dorp se Konsentrasiekampbegrafplaas

Informasie in verband met môre se Blomleggie by die Konsentrasiekampkerkhof.

Môre, op 16 Junie 2026 neem ons deel aan die blomlegging by die Nylstroom Konsentrasiekampkerkhof. Ons nooi ouers en leerders uit om blomme te bring en saam hulde te bring aan die vroue en kinders wat hier rus.

Bring blomme uit u tuin en kom saam met u kinders help om 'n blomtuin van herinnering te skep by die amper 600 grafte van vroue en kinders wat hier rus.

Hierdie dag is nie 'n formele geleentheid nie, maar 'n geleentheid vir stil nadenke, dankbaarheid en herinnering.

🕘 Hekke oop: 09:00 tot 15:00
🕯️ Geen formele program of toesprake
🌸 Plaas eenvoudig u blomme op die grafte
❤️ Staan vir 'n oomblik stil by die opoffering wat hier gebring is

📞 Lize Viljoen (083 507 7785) vir verdere navrae

Ons geliefde Juffrou Mentha het die afgelope naweek verjaar, en ons vier graag die besonderse mens en onderwyseres wat sy is.

Met haar passie vir Afrikaans, Geskiedenis en kultuur maak sy 'n blywende indruk op ons skoolgemeenskap. Haar betrokkenheid by redenaars, literêre aktiwiteite en die ontwikkeling van ons leerders se talente getuig van haar toewyding en liefde vir onderwys. Sy inspireer daagliks die mense om haar en help om geleenthede te skep waarin leerders kan groei en floreer.

Baie dankie vir u warmte, entoesiasme en die verskil wat u in soveel jong lewens maak. Mag die nuwe lewensjaar vir u gevul wees met vreugde, seën, liefde en talle kosbare herinneringe.
Gelukkige verjaardag, Juffrou Mentha! Ons wens u 'n wonderlike jaar vorentoe toe.

Ons is ongelooflik trots op ons rugbyseuns wat vanjaar die BCVO Noord-Transvaalspan verteenwoordig. Nie minder nie as sewe van ons leerders is in die span opgeneem, met die kaptein (Erlu Fourie) én onderkaptein (Nathan Coetzee) wat ook uit ons skool geledere kom.

Hierdie besondere prestasie getuig van harde werk, deursettingsvermoë en ware sportmanskap. Ons sien met opgewondenheid uit na die Noord-Transvaal Klere-oorhandiging wat hierdie Saterdag plaasvind, waar die spelers hul kleure amptelik sal ontvang.

Baie geluk aan elke speler met hierdie prestasie. Julle dra nie net Noord-Transvaal se kleure nie, maar ook ons skool se naam met trots. Ons wens julle alle sukses toe vir die seisoen wat voorlê en weet dat julle ons skoolgemeenskap uitstekend sal verteenwoordig! 🏉💙