Newton Laerskool

🎉🎈 BIG BOUNCE IS OP PAD NA NEWTON! 🎈🎉

Maak gereed vir die grootste springkasteel-avontuur van die jaar! 🤩

📅 24 Julie 2026
⏰ 08:00 – 14:00
💵R60 via Karri App

Spring, speel en lag saam met ons tydens 'n oggend propvol pret, opwinding en onvergeetlike herinneringe! 🎪

📋 Sien die program vir die dag hieronder.

Ons kan nie wag om julle daar te sien nie! 💚💛 Kom skep saam herinneringe en geniet 'n oggend vol pret!

🎾 NEWTON ALUMNI – TENNIS 🎾

Newton is ongelooflik trots op die volgende oudleerders wat die Noord-Kaap gaan verteenwoordig tydens die verskeie provinsiale tenniskompetisies:

O/19 – Synergy Cup

Hester Jansen

O/15 – Synergy Cup en Interpro

Annabelle Ahjum
Benru Jansen
Tiaan Kriek

Hierdie prestasie is 'n bewys van julle harde werk, toewyding en passie vir die sport. Om die Noord-Kaap te verteenwoordig is 'n besondere eer, en ons weet julle sal elke geleentheid aangryp om jul talent ten toon te stel.

Newton is trots om te sien hoe ons oudleerders aanhou presteer en die Newton-waardes van uitnemendheid, respek en deursettingsvermoë uitleef.

Baie geluk en sterkte vir die kompetisies wat voorlê. Geniet elke oomblik en speel met trots!

💚💛 Eens 'n Newtoner, altyd 'n Newtoner! 🎾👏

Ons verwelkom ‘n nuwe toevoeging tot die Newton-familie.

Jaycee Gouws
Gebore 12 April 2026

Baie geluk aan juf. Ancois en JJ Gouws met die geboorte van jul pragtige seuntjie. Mag hy net vreugde verskaf 💙

🏐 Provinsiale Uitspele – Upington 🏐

Ons O/12 en O/13A-meisies het die afgelope naweek aan die provinsiale uitspele in Upington deelgeneem en die skool se naam met trots hoog gehou.

Baie geluk aan al die spelers met hul uitstekende sportmangees, deursettingsvermoë en harde werk op en langs die baan.

’n Spesiale gelukwensing aan ons O/13A-netbalspan, wat 9 uit hul 10 wedstryde gewen het en daarmee gekwalifiseer het vir die Suid-Afrikaanse Skolekampioenskappe wat in kwartaal 3 plaasvind.

Ons is ongelooflik trots op julle prestasie en wens julle alle sterkte toe vir die volgende uitdaging. Julle is ware ambassadeurs van ons skool! 💚🏐

Crescat Scientia! 🌟

"Die toekoms van ons jeug is soos 'n legkaart – elke leerder, ouer, opvoeder en gemeenskapslid is 'n belangrike stukkie. Wanneer ons almal ons rol speel, voltooi ons die prentjie van sukses."💚💛

" The future of our youth is like a puzzle – every learner, parent, educator, and community member is an important piece. When each of us plays our role, we complete the picture of success and create a brighter future together. Happy Youth Day!"🇿🇦💚💛

God is ons toevlug en ons sterkte, altyd gereed om te help in tye van nood – Psalm 46:1

Ons harte en gebede is by die Laerskool Kathu gemeenskap. Mag die Here julle omvou met Sy vrede, troos en krag in hierdie uitdagende tyd. 💚💛

🧸💚 Pre-Primêr Pajamadag 2026! 💛🧸

Vandag het ons Pre-Primêre leerders hul jaarlikse Pajamadag geniet! Dit was heerlik om al die oulike pajamas, warm pantoffels en snoesige slaapkouse te sien wat saam skool toe gekom het.

Die opgewondenheid was aansteeklik en die glimlagte op die kinders se gesigte het die dag ekstra spesiaal gemaak. Sulke dae skep kosbare herinneringe en bring soveel vreugde vir ons kleinspan.

✨💤 Sagte knuffels, groot glimlagte en baie pret – net soos ’n Pre-Primêre Pajamadag moet wees!

🏉 Newton Rugby🏉

Baie geluk aan die volgende seuns wat ingesluit is in die finale Griekwaland Laerskole Rugby-spanne!

Ons is ongelooflik trots en bevoorreg om 13 Newton-seuns in die drie onderskeie spanne te hê. Julle harde werk, toewyding en deursettingsvermoë het vrugte afgewerp.

🏉 o/13 Cravenweek
Janco van Aswegen
Peter Matsuang
Rico Smal
Ulukhanyo Khapa
Pieter Strydom
William de la Querra
Cullen Lass
Tebogo Botha

🏉 o/12 A
Jean Carlo Joseph
Hano Hattingh
Wihan Vermeulen
Jayden Dames

🏉 o/12 B
Henru Jonck

Baie geluk aan elke speler met hierdie besondere prestasie. Julle verteenwoordig nie net julself en jul families nie, maar ook die trots en karakter van Newton Rugby.

'n Spesiale woord van dank aan ons afrigters, ouers en ondersteuners wat deur die seisoen 'n belangrike rol in die ontwikkeling van hierdie seuns gespeel het.

💚💛 Ons wens julle alle sterkte toe vir die toernooie en weet dat julle Griekwaland én Newton met trots sal verteenwoordig.

Daar is geen karakter soos Newton-karakter nie! 🏉🔥🏆Griquas Rugby - G.W.R.U.

💚💛Dankbaarheid 💚💛

Ons wil graag ons opregte dank uitspreek aan Thomas van den Berg van Choctaw Spur vir die ruim borgskap van ons O/9B-rugbyspan se afsluitingsete.

"People who give from the heart leave a lasting impact."

Newton en die gemeenskap waardeer jou groot hart en bereidwilligheid om in ons jong sportmanne te belê. Die manne het behoorlik lekker geëet, baie gelag en die seisoen op 'n spesiale manier afgesluit.

Baie dankie vir jou ondersteuning en betrokkenheid. Dit is vennote soos jy wat 'n verskil maak in die lewens van ons kinders. 🏉🍔💚