ALPHA PRIMêR

In jou bene is daar herlewing

Vyf van Alpha se landlope atlete Noah April, Austin Papier, Reeva White, Tiffany Prins en Chaney Wessels het die skool trots gemaak met hul deelname in die Cross Country Championships. Dit het Saterdag, 15 Augustus te Northlink College, Tygerberg kampus, Panorama plaasgevind. ʼn Dag wat mistig begin het, het in ʼn mooi, sonnige wintersdag uitgedraai. ʼn Dag waar oud en jonk hul hardloop vaardighede behoorlik ten toon gestel het. Alhoewel ons atlete nie onder die top 6 deurgekom het nie, het hulle ons skool verteenwoordig en hul beste gegee. Ons is trots op hulle.

Vir Noah, Austin, Tiffany en Chaney is dit ook hul laaste wedloop as deel van die Junior Landlope skoolspan. Dis nie almal wat op so ʼn wyse ʼn sportkode kan uittreë nie. Ons glo dat hulle beter in die toekoms sal vaar, want God wat lewe in droë bene kon blaas, aan hulle die talent gegee het.

Tot ‘n volgende keer.

Mooi loop

Beste ouers

Ons doen tans fondsinsameling en vra graag elke ouer se ondersteuning. 🙏 Elke ouer is verplig om ten minste twee kaartjies te neem.

Almal is welkom om bestellings te plaas, so moedig gerus familie, vriende en kennisse aan om ook te bestel. 😊 Ouers kan hul borde by die skool kom afhaal tussen 15:00 en 18:00 wanneer die bestellings gereed is.

Elke bestelling maak ’n groot verskil! Kom ons werk saam en ondersteun ons skool en ons kinders. 💛❤️Baie dankie vir elke ouer se ondersteuning en samewerking!

Beroepsklub Bekendstelling –

Wat 'n besondere dag by Alpha Primêr!

Vandag het ons amptelik ons Beroepsklub bekendgestel – 'n inisiatief wat daarop gemik is om ons leerders bloot te stel aan 'n verskeidenheid beroepe en hulle te inspireer om groot te droom oor hul toekoms.

Ons opregte dank aan ons gassprekers wat hul tyd, kennis en ervaring met ons leerders gedeel het. Julle passie en bereidwilligheid om in ons kinders te belê, het hierdie dag werklik spesiaal gemaak.

Baie dankie ook aan ons ouers, personeel en almal wat gehelp het om hierdie geleentheid moontlik te maak. Julle ondersteuning word opreg waardeer.

Ons hoop dat elke leerder vandag met nuwe drome, groter inspirasie en meer selfvertroue huis toe is.

🌈 Kleur jou Toekoms

Die El Shaddai Netbalfees het skole soos Alpha Primêr, Parow Valley Primêr, Ark, Hebron, El Shaddai en Fisantekraal Laerskool byeengebring vir ’n opwindende dag van netbal, energie en pret.

Alpha Primêr het uitstekende prestasies deur die fees gelewer. Die Onder 8-span het trots die tweede plek behaal, terwyl die Onder 10-span eerste plek verower het en die toernooi-trofee huis toe geneem het. Die Onder 12-span het ook eerste plek behaal en hul trofee vir die toernooi gewen.

O/8 Chanté Engelbrecht neem die prys vir onder 8 doel van die dag.

Die dag was gevul met spanwerk, goeie sportmangees, opgewondenheid en onvergeetlike herinneringe vir al die spelers en ondersteuners wat deelgeneem het.

Bestel by u kind se onderwyser!

Neem asb kennis vir alle leerders wat bus ry.