Huis Aristea

🐾❤️ Pet Therapy by Huis Aristea ❤️🐾
Een keer per maand verwelkom ons met groot opgewondenheid die wonderlike span van Top Dogs by Huis Aristea. Hierdie spesiale besoeke bring soveel vreugde, vertroosting en liefde na ons inwoners.
Veral ons verswakte inwoners vind groot baat by die sagte aanraking, warm teenwoordigheid en onvoorwaardelike liefde wat hierdie viervoetige terapeute bied. Die glimlagte wat verskyn, die herinneringe wat wakker word en die rustige oomblikke wat gedeel word, is werklik kosbaar om te aanskou.
Navorsing wys dat diereterapie kan help om angs te verminder, gevoelens van eensaamheid te verlig en emosionele welstand te bevorder. By Huis Aristea sien ons elke maand eerstehands hoe hierdie besoeke harte aanraak en lewens verryk.
Baie dankie aan Top Dogs en hul toegewyde vrywilligers wat hul tyd, liefde en spesiale honde met ons inwoners kom deel. Julle maak 'n betekenisvolle verskil. 🐶💙

Early bird catches the worm!
Stemgereed vir 4 November 2026! 🗳️
Om in die komende plaaslike verkiesing op 4 November 2026 te kan stem, vereis nuwe wetgewing dat kiesers slegs kan stem in die wyk waar hulle geregistreer is.
Nuwe intrekkers, asook inwoners wat nog nie in die korrekte wyk geregistreer was nie, het die geleentheid gehad om in die gemak en veiligheid van hul Huis Aristea-tuiste te registreer.
'n Groot woord van dank aan Alderman Theresa Uys en haar kiesersregistrasieveldtog vir die vriendelike ondersteuning, geduldige hulp en professionele diens wat aan ons inwoners gebied is. Julle vriendelike gesigte en helpende hande het die proses baie makliker en geriefliker gemaak vir ons ouer persone in Wyk 112.
By Huis Aristea glo ons dat elke stem saak maak en dat elke inwoner die geleentheid moet hê om deel te neem aan die demokratiese proses.
Baie dankie aan almal wat gehelp het om hierdie belangrike inisiatief moontlik te maak. 🇿🇦❤️

🧡 Soms kom warmte nie net van 'n kombers nie, maar van die liefde waarmee dit gegee word. 🧡

Wanneer ons komberse ontvang wat met soveel omgee geskenk word deur Home Fabrics en Stuart Graham, voel 'n mens sommer die snoesige gevoel van behoort en omgee.

Baie dankie aan besighede en mense met visie en 'n hart vir hul gemeenskap wat insamelings hou om ons inwoners te verras en te bederf. Julle vrygewigheid bring nie net fisiese warmte nie, maar ook vreugde, hoop en die wete dat daar mense is wat omgee.

Ons inwoners waardeer elke gebaar, elke skenking en elke hand wat uitgereik word om 'n verskil te maak.

Van die hele Huis Aristea-familie: Baie dankie! Julle maak ons wêreld 'n warmer plek, een kombers op 'n slag. 🌟🤗

💙🙏

🌿 Die Here se seën is groot en oorvloedig oor Huis Aristea. 🌿
By Huis Aristea is ons dienslewering gegrond op die Christelike waardes van Diensbaarheid, Geregtigheid, Uitnemendheid en Rentmeesterskap. Daarom is ons diep dankbaar wanneer die gemeenskap saam met ons hande vat om 'n verskil te maak.
'n Opregte woord van dank aan Valmary Park Pre-Primary School vir hul ondersteuning van ons Toiletries Drive. Julle het vir ons 'n wonderlike skenking toiletware gebring wat 'n groot verskil in die lewens van ons inwoners sal maak.
Dankie aan elke maatjie, ouer en vriend van Huis Aristea wat bygedra het. Julle omgee, vrygewigheid en bereidwilligheid om te gee, getuig van harte wat oop is vir die nood van ander.
Ons waardeer elke bydrae meer as wat woorde kan beskryf. Mag julle ryklik geseën word vir die liefde en ondersteuning wat julle aan ons inwoners bewys het. ❤️
💙🙏

Help us grow our online family! 🌟
Every like, follow, comment, and share helps us reach more people and tell the story of the incredible residents, staff, and community of Huis Aristea.
By sharing our posts, you're helping us create awareness, build connections, and inspire support for older persons in our care.
✅ Like our page
✅ Follow us for updates
✅ Share our posts with friends and family
✅ Help us grow our social media footprint
Together we can make a bigger impact. 💙💚

🌸☕ QUEEN CAFÉ – HIERDIE VRYDAG! ☕🌸
Kom kuier saam en geniet 'n heerlike bederf by Huis Aristea se gewilde Queen Café!
Vir slegs R50 kry jy:
🍰 'n Smullekker soet óf sout versnapering
☕ Koffie of tee
😊 Goeie geselskap en 'n warm, vriendelike atmosfeer
Bring jou vriende en familie saam en kom vier die Vrydag saam met ons. Ons sien uit daarna om julle te verwelkom!
📍 Huis Aristea
🕘 Vrydag vanaf 09:00
Moenie dit misloop nie – lekker kuier, lekker eet en lekker lag wag vir jou!

🌷 Baie Dankie vir U Omgee en Vrygewigheid 🌷

Ons wil graag ons opregte dank uitspreek aan 'n genadige skenker wat aan Huis Aristea gedink het met die skenking van pleisters en verbande.

Hierdie items mag dalk eenvoudig lyk, maar dit speel 'n baie belangrike rol in die daaglikse versorging van ons inwoners. Dit word gereeld gebruik vir wondsorg, die behandeling van klein beserings en om die welstand en gemak van ons inwoners te verseker.

U vriendelike gebaar help ons om beter sorg te lewer en maak 'n tasbare verskil in die lewens van die mense wat ons bedien. Ons is opreg dankbaar vir elke persoon wat saam met ons 'n verskil maak.

Dankie dat u omgee. Dankie dat u gee. Dankie dat u deel is van die Huis Aristea-familie. ❤️

🌸