Sonneveld Akademie

Leerders wat 'n krieketstel het, moet dit asb saambring🏏

🎉 Jeugweek-uitdaging! 🎉
Ons het diep in die foto-albums gaan grawe en foto's van ons onnies toe hulle nog klein was, uitgehaal. 👶📸
Kan jy raai wie is wie?
Plaas jou antwoorde in die kommentaar!
Die antwoorde sal vanmiddag geplaas word.

Ons Jeugweek & 100ste Skooldag-vieringe vind hierdie week plaas! 💯

Maak seker julle is gereed vir:
🌟 Trek jonk en vrolik aan
🌟 Ons 100ste Skooldag
🌟 Trots Suid-Afrikaans

Kom ons maak saam onvergeetlike herinneringe en vier hoe ons jeug 'n verskil maak! ❤️

Rooikappie, die Wolf en 'n klomp talentvolle Graad 1's! ❤️🐺

Ons jong akteurs het die klas behoorlik beïndruk met hul opvoering van hierdie geliefde sprokie.

Vandag vier ons u 10de dag as waarnemende hoof, en hoewel tien dae dalk kort klink, dra die getal 10 'n besondere betekenis.

In die Bybel simboliseer die getal 10 dikwels voltooiing, orde, verantwoordelikheid en Goddelike leiding. Ons d**k aan die Tien Gebooie wat rigting gee, en aan die gedagte dat God deur orde en doel werk. Die eerste tien dae van enige nuwe reis lê die fondament vir alles wat volg.

Net soos die getal 10 betekenis dra, doen die palmboom dit ook.

'n Palmboom staan bekend vir sy vermoë om sterk te bly te midde van storms. Waar ander bome soms breek, buig die palmboom, maar hy breek nie. Sy wortels groei diep, sy stam staan regop, en selfs in moeilike omstandighede bly hy groei.

In die Bybel lees ons in Psalm 92:13:

"Die regverdige sal groei soos 'n palmboom."

Die palmboom herinner ons daaraan dat ware leierskap nie net oor hoogte gaan nie, maar oor die diepte van karakter, die sterkte van wortels en die vermoë om ander skadu, beskerming en hoop te bied.

Vandag, op hierdie 10de dag, wil ons u bedank vir die eerste tree van u reis as ons waarnemende hoof. Mag hierdie eerste tien dae die begin wees van 'n tydperk van groei, wysheid, nuwe geleenthede en seën.

Soos die palmboom, mag u sterk staan in uitdagings, buig wanneer nodig, maar nooit breek nie. En soos die simboliek van die getal 10 ons leer, mag die fondament wat nou gelê word, die begin wees van iets besonders vir ons skool.

Geluk met Dag 10 — 'n nuwe siklus, nuwe groei en nuwe moontlikhede. 🌴✨

"Mag u wortels diep wees, u visie wyd wees, en u invloed ver strek."

VAKANTE POS

Sonneveld Akademie groet vir mnr. Pierre Nieuwenhuis eersdaags.
Ons allerbeste wense vergesel hom.

Boodskap van ons waarnemende skoolhoof.

Geagte ouers, personeel, leerders en vriende van Sonneveld Akademie,

Dit is met groot opgewondenheid, dankbaarheid en nederigheid dat ek graag myself wil voorstel as nuwe waarnemende skoolhoof van Sonneveld Akademie. Ek sien uit om saam met elkeen van u aan die volgende hoofstuk van ons skool se trotse geskiedenis te bou.

My visie is eenvoudig: 'n skool waar elke leerder waardeer word, elke personeellid ondersteun word en elke ouer welkom voel.

'n Skool waar ons met trots ons tradisies koester, maar ook met moed nuwe geleenthede aangryp. 'n Skool waar respek, integriteit, diensbaarheid en uitnemendheid nie net woorde is nie, maar deel van ons daaglikse leefwyse.

Ek sien uit om saam met u te werk, saam te leer en saam te groei. Die toekoms van ons skool is vol moontlikhede en ek glo dat ons, saam met ons Hemelse Vader, buitengewone dinge kan bereik.

Saam bou ons nie aan 'n skool nie - ons bou aan 'n toekoms.

Sonnies-groete

Sonja Jooste

Totsiens, maar nie vaarwel.
U sal steeds as ouer by skool gesien word.

Dankie vir alles.

Mag God u seën met die nuwe hoofstuk.