19/08/2026
Baie dankie, Konic's Tyres & 4x4 Fitment Centre Bethal !
Ons Volkskool Bethal Landbouvak leerders het die voorreg gehad om Konic’s Tyres Bethal te besoek vir ’n praktiese en baie leersame inligtingsessie.
’n Groot dankie aan Jaco wat sy tyd, kennis en ervaring met die leerders gedeel het en hulle deur die werkswinkel geneem het. Ons het soveel geleer oor verskillende tipes bande, wielbalansering, wielbelyning, bandveiligheid, hoe om jou bande behoorlik te versorg en wat om te doen wanneer ’n band nie meer veilig is om te gebruik nie.
Vir ons Landbouvak gaan leer nie net oor wat in ’n handboek staan nie. Dit gaan ook daaroor om leerders bloot te stel aan die mense, besighede en praktiese kennis wat deel vorm van die landboubedryf en die wêreld rondom hulle.
Konic’s Tyres speel ’n belangrike rol vir beide die landbougemeenskap en alledaagse motoriste, en dit was besonders waardevol vir ons leerders om eerstehands te sien hoeveel kennis en tegniese werk daar agter iets soos ’n band skuil.
Baie dankie aan die hele Konic’s Tyres Bethal span vir die vriendelike ontvangs en ’n wonderlike dag asook die geskenkpakkies! Ons het beslis baie geleer!
En nou moet ons net uitvind wie mooi na Jaco geluister het... 😄
Hou ons Facebook blad dop. Die video van die uitstappie volg binnekort, en ons het ’n paar vrae vir die leerders gevra om hulle kennis ná die sessie op die proef te stel! 🎥
