UNESCO Chair on Human Rights, Democracy and Peace/Azerbaijan

21/10/2016

13-16 oktyabr tarixlərində Azərbaycan Respublikasının Prezidenti yanında Gənclər Fondunun maliyyə, Azərbaycan Respublikasının Prezidenti yanında Dövlət İdarəçilik Akademiyasının YUNESKO mərkəzi və Tələbə Gənclər Təşkilatının təşkilati dəstəyi ilə həyata keçirilən “Cəm niyyətdə yox, Cəmiyyətdə yaşa!” layihəsi baş tutmuşdur.

Layihənin məqsədi gəncləri etiket və ictimai davranış qaydalarının təbliği, ictimai məsuliyyət hissinin artırılması, ictimai müzakirələrlə ictimai davranış qaydalarına riayət olunmasına nail olmaq, onları ətraf-aləmə, cəmiyyətə, insanlığa daha duyarlı və diqqətli olmağa təşviq etmək, gənclərin ictimai davranış qaydalarının təbliği sahəsində fəaliyyətlərini dəstəkləmək və tənzimləməkdir.

17/03/2016

12, 13 mart 2016-cı il tarixlərdə Dövlət İdarəçilik Akademiyası Diplomatiya və Araşdırmalar klubu, Dövlət İdarəçilik Akademiyasının İnsan Hüquqları, Demokratiya və Sülh Problemləri üzrə YUNESKO Mərkəzi və ASAN Könüllüləri Təşkilatının birgə tərəfdaşlığı ilə “Women in Leadership” layihəsi həyata keçirilib.

20 nəfərlik komandanın iştirakı ilə həyata keçirilən layihə qadın liderliyi, onun əsas xüsusiyyətləri, gender bərabərliyi və s. mövzuları əhatə edən təlimlər, müxtəlif komanda işləri, təqdimatlar, oyunlar, enercayzerlər, mövzulara uyğun praktiki işlərdən ibarət olub.

İştirak edən xanımlara təşəkkür edir, gələcək fəaliyyətlərində uğurlar arzulayırıq!

10/03/2016

Azәrbaycan Respublikasının Prezidenti yanında Dövlәt İdarәçilik Akademiyasının YUNESKO Mərkəzi regionlarda da gənclərin maarifləndirilməsi və iş həyatına hazırlanması üçün öz fəaliyyətini davam etdirir! Belә ki, Gәnclәr Fondunun maliyyә dәstәyi ilә Bərdə və Sabirabad rayonlarında “Əmək Bazarında Mövqem” adlı layihә çәrçivәsindә təlimlər keçiriləcək! Tәlimlә iki istiqamət üzrә aparılacaq. Birinci istiqamətdə iş psixologiyası, natiqliq bacarıqları və digər mövzular, ikinci istiqamətdә isə əmək hüquqları haqqında olacaq. Sonda isə hər bir iştirakçıya sertifikat verilməsi nəzərdə tutulur.
Qeydiyyat linki: http://goo.gl/forms/5wWScvbZjq

07/03/2016

3, 4, 5, tarixlərində "PROJECTor" layihəsinin ilkin mərhələsi baş tutmuşdur. Layihə çərçivəsində 40- dan çox DİA tələbəsi iştirak etmişdir. İştirakçılara layihə nədir, layihələrin yazılması, donorların tapılması, büdcə və icra planlarının yazılması, effektiv təqdimat və uğurlu müsahibə mövzularını əhatə edən təlimlər keçirilib, daha sonra isə iştirakçılar praktiki məşq mərhələsində təlimlər ərzində öyrəndiklərini tətbiq edərək müxtəlif komandalar şəklində layihələr hazırlamış, müsahibə mərhələsinin simulyasiyası zamanı isə layihəni effektiv təqdim etməyi mənimsəmişlər.

Qeyd edək ki, "PROJECTor " layihəsi Ramtiq Alızadənin fərdi layihəsi olub Dövlət İdarəçilik Akademiyasının YUNESKO Mərkəzi və Tələbə Gənclər Təşkilatının birgə təşkilatçılığı ilə həyata keçirilir. Layihənin yekunu olaraq iştirakçılar komandalar şəklində hazırladıqları layihələrlə təqdimat mərhələsində yarışacaqlar. Sonda qaliblər diplom və hədiyyələr, digər iştirakçılar isə sertifikatlarla təltif olunacaq.

20/02/2016

16 fevral 2016- cı il tarixində Azərbaycan Respublikasının Prezidenti yanında Dövlət İdarəçilik Akademiyasının Insan Hüquqları, Demokratiya və Sülh Problemləri üzrə YUNESKO Mərkəzi və Azərbaycan Respublikası Təhsil Nazirliyinin birgə təşkilatçılığı, YUNESKO üzrə Azərbaycan Respublikasının Milli Komissiyanın dəstəyi ilə həyata keçirilən, YUNESKO-nun yaranmasının 70 illik yubileyi münasibətilə 21 sentyabr Beynəlxalq Sülh Gününə həsr olunmuş “Sülh naminə birləşək!” movzusunda I respublika rəsm müsabiqəsinin mükafatlandırma mərasimi baş tutmuşdur.

14/02/2016

17-19 fevral 2016- cı il tarixlərində Azərbaycan Respublikası Təhsil Nazirliyi və Azərbaycan Respublikasının Prezidenti yanında Dövlət İdarəçilik Akademiyasının İnsan Hüquqları, Demokratiya və Sülh Problemləri üzrə YUNESKO Mərkəzinin birgə təşkilatçılığı ilə həyata keçirilən "Sülh Naminə Birləşək!" rəsm müsabiqəsi çərçivəsində rəsm sərgisi baş tutacaq. Sərgi Təsviri Sənət Qalereyasında keçiriləcək.

Sərgi 10: 00 - 17 : 00 aralığında fəaliyyət göstərəcək.

Ünvan: AZ1000,Bakı şəhəri, Nəsimi rayonu, Azadlıq pr. 16/21 (28 may metro stansiyasının və Azərbaycan Dövlət Neft Akademiyasının yanı)

Tel: (+99412) 498-15-52

07/01/2016

Azərbaycan Respublikası Prezidenti yanında Dövlət İdarəçilik Akademiyası İnsan Hüquqları, Demokratiya və Sülh Problemləri üzrə YUNESKO Mərkəzi və DİA Hüquq klubunun birgə təşkilatçılığı ilə " 10 dekabr - insan Hüquqları Günü " nə həsr olunmuş "Tələbələrarası I Hüquq Olimpiadası " başa çatmışdır. İki mərhələdən ibarət olimpiadanın nəticələrinə əsasən lV kurs tələbəsi Elnur Kərimov ən yüksək nəticə göstərərək birinci yerin qalibi olmuşdur.

Xəyalə Əfəndiyeva, Zəhra Nəzərova və Esmira Tağıyeva isə müvafiq olaraq l, ll və lll kurs üzrə ən yüksək nəticələr göstərək fərqlənmişlər.

Sonda bütün iştirakçılar sertifikatlarla, qaliblər isə diplom və müxtəlif hədiyyələrlə təltif olunmuşdur.

31/12/2015

Dünyada insan hüquqlarının və sülhün daha effektiv, daha səmərəli qorunacağına ümid edərək sizləri YUNESKO mərkəzi adından Dünya Azərbaycanlılarının Həmrəylik Günü ve Yeni il münasibətilə təbrik edirik!

11/12/2015

8 dekabr 2015-ci il tarixində Azərbaycan YUNESKO- nun "Silahlı Münaqişələr Zamanı Mədəni İrsin Qorunması üzrə Komitə" yə 4 il müddətinə üzv seçilmişdir.

10/12/2015

Bu gün 10 dekabr "Beynəlxalq İnsan Hüquqları" günüdür. İlk dəfə olaraq insan hüquqlarına Fransada 1789-cu ildə qəbul edilmiş "İnsan və Vətəndaş Hüquqları haqqında Deklarasiya" da rast gəlinir.

Keçən əsrdə insan haqları sahəsində əsas sənəd 10 dekabr 1948-ci ildə BMT təşkilatı tərəfindən qəbul olunmuş "İnsan Hüquqları Haqqında Ümumi
Deklarasiya" olmuşdur. 1950-ci ildən başlayaraq isə 10 dekabr "İnsan Hüquqları Günü" kimi qeyd edilir.

10/12/2015

BMT uşaq vә gәnclәr arasında sülh mövzusunda beynәlxalq müsabiqә elan etmişdir. Qaliblәr mükafatlandırılacaq.


Ətraflı məlumat üçün: http://www.unposterforpeace.org

In commemoration of the 70th anniversary of the first UN General Assembly resolution, which established the goal of eliminating nuclear weapons and all weapons of mass destruction, the United Nations Office for Disarmament Affairs is pleased to sponsor the UN Poster for Peace Contest.

03/12/2015

Azərbaycanın daha bir mədəniyyət nümunəsi UNESCO-nun Qeyri-maddi mədəni irs üzrə Reprezentativ siyahısına daxil edildi.

30 noyabr- 4 dekabr tarixlərində Namibiya Respublikasının paytaxtı Vindhuk şəhərində keçirilən UNESCO-nun Qeyri-maddi Mədəni İrsin Qorunması üzrə Hökumətlərarası Komitəsinin 10-cu sessiyasında Azərbaycan tərəfindən təqdim olunan “Lahıc misgərlik sənəti” nominasiyası Qeyri-maddi mədəni irs üzrə Reprezentativ siyahıya daxil edilib.

Unique copper craftsmanship of Ismayilli region’s small village of Lahij has been included in the UNESCO Representative List of Intangible Cultural Heritage of Humanity.
The decision was made at the tenth session of the Intergovernmental Committee for the safeguarding of intangible cultural heritage in the Namibian capital of Windhoek.
http://www.unesco.org/culture/ich/en/RL/copper-craftsmanship-of-lahij-00675