Gence Mir Celal Pasayev adina 39 sayli tam orta mekteb

Məktəbin təsviri incəsənət müəllimi Namidə Mustafayeva təhsilverənlərin sertifikasiya imtahanında 55 bal toplayaraq yüksək nəticə əldə edib.
Namidə müəllimi ürəkdən təbrik edir, ona daim uğur qazanmağı arzu edirik!

Məktəbimizin təsviri incəsənət müəllimi Nurtac Şükurova təhsilverənlərin sertifikasiya imtahanında 54 bal ilə yüksək nəticə əldə edib.
Nurtac müəllimi təbrik edir, ona gələcək fəaliyyətində uğurlar arzu edirik!

Vəd olunan hədiyyə sahibini tapdı!

Bugün məktəb rəhbərliyi RFM-də təbiət fənni üzrə bürünc medal qazanaraq məktəbimizi qürurlandıran şagirdimiz İsmayıl Şərifzadə, onun valideyni və üzərində böyük əməyi olan müəllimi Nərgiz Əliyeva ilə görüşü keçirib. Görüş zamanı məktəbin direktoru Nizami Rzayev qalib şagirdimizi təbrik edərək, əvvəlcədən vəd etdiyi hədiyyəsini ona təqdim edib.
İstedadların stimullaşdırılması və onlara dəstək olmaq bizim əsas hədəfimizdir!
İsmayılı, onun valideynlərini və müəllimini təbrik edir, İsmyıla yeni-yeni zirvələr fəth etməyi arzulayırıq! Uğurun bol olsun!

Növbəti medalçımız məlum olub.

Məktəbimizin 6-cı sinif şagirdi İsmayıl Şərifzadə Respublika Fənn Müsabiqələrində yüksək nəticə göstərərək bürünc medalın sahibi olub.
İsmayılı, onun valideynlərini və bu uğura nail olmasında böyük əməyi olan müəllimlərini təbrik edir, İsmayıla gələcək təhsil həyatında uğurlarının davamlı olmasını arzu edirik!

Məktəb illərinin son səhifəsi, yeni həyatın ilk addımları!
Bu gün məktəbimizdə "Son Zəng" sədaları ucaldı. Məzunlarımızın sevinc və həyəcan dolu anlarını paylaşır, onların bu xüsusi gününü ürəkdən təbrik edirik.
Əziz 11-cilər, həyatınızın növbəti mərhələsində hər birinizə sonsuz uğurlar!

RFO qaliblərinin mükafatlandırılması zamanı medalları təqdim olunan medalçı şagirdlərimiz, Kərimbala Əkbərov və Aytac Abbasova ilə görüş keçirilib.

Məktəbimizdə Pedaqoji Şuranın növbəti iclası keçirildi.
Bu gün məktəb rəhbərliyinin, pedaqoji və yardımçı-pedaqoji heyətinin iştirakı ilə tədris ilinin yekunlarına dair Pedaqoji Şuranın iclası baş tutmuşdur. İclasda tədris prosesinin cari vəziyyəti, qarşıda duran aktual məsələlər və gələcək hədəflər geniş müzakirə olunmuş, mühüm qərarlar qəbul edilmişdir.
İclasın sonunda tədris ili müddətində öz fədakar fəaliyyəti, yüksək məsuliyyəti ilə seçilən və məktəbimizin uğurlarında payı olan bir qrup pedaqoji, yardımçı-pedaqoji və texniki işçilərimiz məktəb rəhbərliyi tərəfindən təşəkkürnamə ilə təltif olunublar. Məktəbimizin hər bir uğurunun arxasında böyük bir komandanın əməyi dayanır.
Təltif olunan bütün əməkdaşlarımızı ürəkdən təbrik edir, onlara gələcək fəaliyyətlərində daha böyük uğurlar arzulayırıq!

Respublika Fənn Olimpiadaları qaliblərimiz mükafatlandırılıb.

Bu gün Bakı Dövlət Universitetində Respublika Fənn Olimpiadalarının humanitar fənlər üzrə qaliblərinin təntənəli mükafatlandırılması mərasimi keçirilib. Sevindirici haldır ki, bu möhtəşəm tədbirdə məktəbimizin iki fəxr fərdi olan şagirdimiz də yer alıb. Çəkdikləri zəhmətin bəhrəsini alan dəyərli şagirdlərimiz Kərimbala Əkbərov tarix fənni üzrə qızıl medal, Aytac Abbasova isə Azərbaycan dili və ədəbiyyat fənni üzrə bürünc medal ilə təltif olunublar.
Şagirdlərimizi, onların üzərində əməyi olan dəyərli pedaqoji heyətimizi və valideynlərimizi bu böyük nailiyyət münasibətilə ürəkdən təbrik edir, növbəti təhsil pillələrində yeni-yedi uğurlar arzulayırıq.

Məktəbimizə zəfər kuboku qazandıran komanda üzvləri ilə görüş keçirilib.

"Şəhərsalma və memarlıq ili"nə həsr olunmuş İntellektual bilik yarışında birincilik qazanaraq kuboku məktəbimizə gətirən qəhrəmanlarımızla məktəbin rəhbər heyəti görüş keçirib, onlara öz təşəkkürlərini bildirib və gələcək hədəflər barədə səmimi söhbətlər aparıblar. Məktəbin direktoru Nizami Rzayev bildirib ki, bu kubok təkcə bir yarışın nəticəsi deyil, həm də böyük bir əməyin, savadın və komanda ruhunun bəhrəsidir. Bu uğur məktəbimizin intellektual potensialının və şagirdlərimizin elmi hazırlığının növbəti sübutudur.
Bizə bu qüruru yaşadan hər bir şagirdimizə təşəkkür edir və onlarla fəxr edirik! Uğurlarınız bol olsun!