Swargiya Ganapatrao Gatade Divyang Vidyalay, Kagal.

02/07/2026

एम.आर. किट वाटप कार्यक्रम उत्साहात संपन्न
कागल : पंतप्रधान दिव्यांगजन सक्षमीकरण केंद्र (PMDK) योजनेअंतर्गत दिनांक 24 जून 2026 रोजी स्वर्गीय गणपतराव गाताडे निवासी व अनिवासी बौद्धिक अक्षम विद्यालय, कागल येथे विद्यार्थ्यांना एम.आर. किटचे वाटप करण्यात आले.
या कार्यक्रमामध्ये विद्यालयातील दिव्यांग विद्यार्थ्यांना आवश्यक साहित्य असलेल्या एम.आर. किटचे वितरण करण्यात आले. सदर किटचे वाटप कु. मयुरी चौगुले मॅडम व कु. सुशा कांबळे मॅडम यांच्या हस्ते करण्यात आले.
यावेळी विद्यालयाचे मुख्याध्यापक श्री. अनिल पाटील सर, परिचारक श्री. अक्षय निकम सर तसेच विशेष शिक्षक श्री. नितीन कांबळे सर उपस्थित होते. विद्यार्थ्यांना या योजनेचा लाभ मिळाल्याने त्यांच्यामध्ये आनंदाचे वातावरण निर्माण झाले.
पंतप्रधान दिव्यांगजन सक्षमीकरण केंद्राच्या माध्यमातून दिव्यांग विद्यार्थ्यांना शैक्षणिक व दैनंदिन जीवनात सहाय्यभूत ठरणारे साहित्य उपलब्ध करून देण्याचा हा उपक्रम अत्यंत उपयुक्त ठरत असून विद्यार्थ्यांच्या सर्वांगीण विकासासाठी महत्त्वपूर्ण योगदान देत आहे.

02/07/2026

02/07/2026

स्वर्गीय गणपतराव गाताडे निवासी व अनिवासी बौद्धिक अक्षम विद्यालय, धरणग्रस्त वसाहत, कागल, ता. कागल, जि. कोल्हापूर
हेलन केलर जयंती उत्साहात साजरी
आज दि. 27 जून 2026 रोजी स्वर्गीय गणपतराव गाताडे निवासी व अनिवासी बौद्धिक अक्षम विद्यालय, धरणग्रस्त वसाहत, कागल येथे हेलन केलर यांच्या जयंतीनिमित्त अभिवादन कार्यक्रम उत्साहात संपन्न झाला.
कार्यक्रमाची सुरुवात हेलन केलर यांच्या प्रतिमेचे पूजन व पुष्पहार अर्पण करून करण्यात आली. यावेळी आयेशा नदाफ मॅडम यांनी हेलन केलर यांच्या प्रेरणादायी जीवनकार्याची, संघर्षाची तसेच शिक्षण व समाजसेवेतील त्यांच्या योगदानाची विद्यार्थ्यांना सविस्तर माहिती दिली.
यानंतर विद्यार्थ्यांसाठी चित्रकला स्पर्धेचे आयोजन करण्यात आले. विद्यार्थ्यांनी उत्स्फूर्त सहभाग घेत आपल्या कल्पकतेचे सुंदर दर्शन घडविले. संपूर्ण कार्यक्रम आनंदी व प्रेरणादायी वातावरणात पार पडला.
या कार्यक्रमास विद्यालयाचे मुख्याध्यापक श्री. अनिल पाटील सर, सर्व शिक्षक, शिक्षकेतर कर्मचारी तसेच विद्यार्थी मोठ्या संख्येने उपस्थित होते. कार्यक्रमाचा समारोप सर्वांनी हेलन केलर यांच्या कार्याचा आदर्श घेऊन जीवनात जिद्द, चिकाटी व आत्मविश्वास जोपासण्याचा संकल्प करून झाला.

02/07/2026

राजर्षी छत्रपती श्री शाहू महाराज जयंती व वृक्षारोपण कार्यक्रम उत्साहात संपन्न
कागल तालुका कला, क्रीडा, शैक्षणिक व सांस्कृतिक मंडळ संचलित स्वर्गीय गणपतराव गाताडे निवासी व अनिवासी बौद्धिक अक्षम विद्यालय, कागल येथे राजर्षी छत्रपती श्री शाहू महाराज यांची जयंती मोठ्या उत्साहात व भक्तिभावाने साजरी करण्यात आली.
कार्यक्रमाच्या प्रारंभी राजर्षी शाहू महाराज यांच्या प्रतिमेचे पूजन व पुष्पहार अर्पण करून अभिवादन करण्यात आले. त्यानंतर विद्यार्थ्यांमध्ये सामाजिक समता, शिक्षणाचे महत्त्व आणि पर्यावरण संवर्धनाचा संदेश देण्यासाठी वृक्षारोपण कार्यक्रम आयोजित करण्यात आला. विद्यार्थ्यांनी शिक्षकांच्या मार्गदर्शनाखाली विविध रोपांची लागवड करून पर्यावरण संरक्षणाची शपथ घेतली.
यावेळी मुख्याध्यापक श्री. अनिल पाटील सर यांनी राजर्षी शाहू महाराज यांच्या शिक्षण, सामाजिक न्याय आणि सर्वसमावेशक विकासाच्या कार्याचा प्रेरणादायी आढावा घेतला. सौ. आयेशा नदाफ मॅडम यांनीही विद्यार्थ्यांना पर्यावरण संवर्धनाचे महत्त्व सांगत वृक्षसंवर्धनाचा संदेश दिला.
या कार्यक्रमास विद्यालयातील सर्व शिक्षक व शिक्षकेतर कर्मचारी उपस्थित होते. कार्यक्रमाचे सूत्रसंचालन श्री. प्रवीण मोरबाळे सर यांनी केले. कार्यक्रम उत्साहपूर्ण व प्रेरणादायी वातावरणात संपन्न झाला.

02/07/2026

जागतिक योग दिन उत्साहात साजरा
कागल : स्वर्गीय गणपतराव गाताडे निवासी व अनिवासी बौद्धिक अक्षय विद्यालय, कागल येथे २१ जून रोजी जागतिक योग दिन उत्साहपूर्ण वातावरणात साजरा करण्यात आला.
यावेळी शाळेचे मुख्याध्यापक श्री. अनिल पाटील सर यांनी विद्यार्थ्यांना योगाचे महत्त्व, आरोग्यदायी जीवनशैलीसाठी योगाची गरज तसेच नियमित योगाभ्यासाचे फायदे याविषयी मार्गदर्शन केले. क्रीडाशिक्षक श्री. प्रवीण मोरबाळे सर यांनी विविध योगासने व प्राणायाम यांची माहिती देत त्यांची प्रात्यक्षिके करून दाखवली.
विद्यार्थ्यांनी मोठ्या उत्साहाने योगासने व सूर्यनमस्कार सादर केले. योगाभ्यासाद्वारे शारीरिक व मानसिक स्वास्थ्य कसे जपता येते याची माहिती विद्यार्थ्यांना देण्यात आली. तसेच शाळेतील सर्व शिक्षक व शिक्षकेतर कर्मचारी यांनीही योग प्रात्यक्षिकांमध्ये सक्रिय सहभाग घेतला.

18/10/2024

Product list to order call 95451 59374.
Thank You.

15/10/2024

या वर्षीची दिवाळी बनवुया अधिक सर्वसमावेशक आणि साजरी करु बौद्धिक अक्षम मुलांनी बनवलेली उत्पादने खरेदी करुन.
आमची शाळा आणि संस्था दिव्यांग तरुणांना सक्षम बनवण्याच्या दिशेने काम करत आहे. आमच्या बौद्धिक अक्षम मुलांनी या सणासुदीच्या हंगामासाठी घर सजवण्यासाठी अनेक उत्पादने बनवली आहेत.
चला या वस्तु खरेदी करुन दिव्यांगजनांना स्वावलंबी बनण्यास हातभार लावुन हि दिवाळी साजरी करु.

**उन्नती बौद्धिक अक्षम मुलांचे प्रशिक्षण केंद्र, कागल, जि. कोल्हापुर. **

**ऑर्डर करण्यासाठी संपर्क- 95451 59374 **

प्रोडक्ट लिस्टसाठी लिंक वर क्लिक करा- https://drive.google.com/file/d/1Y-ZzZ8nhovUQ2rL2oJAeSVy4gffoeQcz/view?usp=drivesdk

फॅालो करा इंस्टाग्राम वर - https://instagram.com/gatade_divyangschool_kagal?igshid=YTQwZjQ0NmI0OA%3D%3D&utm_source=qr