مستر محمد علي كيمياء - Mr Mohamed Ali Chemistry

⛔الكيمياء مش سهلة أكيد ومن أكتر العقبات اللى ممكن تقابلك في الثانوية ، ولكن مع مدرس فاهم هيسهل عليك الرحلة يابطل .
🔴علشان كده جيتلك بأقوى كورس تأسيس للكيمياء🔴
ومش بس كورس لأ احنا هنطبق في الكورس بأدينا وكمان هنحل في الواجب بمعنى انك هتفهم يعني هتفهم،
⛔يلا مستني أي يابطل أملا الفورم دا 👇🏻 واحجز مكانك عشان الأعداد محدودة عشان نطلع بأحسن أداء وأعلى كفاءة👇🏻👇🏻


https://forms.gle/QkEKiRivaYCAkosYA

حبايب قلبي طلاب اولى ثانوي💙
حصة من اهم وامتع الحصص في العلوم المتكاملة 💫✨
بكره الساعة 4.30 في سنتر ابن خلدون في العمارة بشتيل في وش ابو ناصر السوري💥
مستني ايه احجز ويلا مستنيك يابطل علوم بشكل مختلف
وتعالى اقولك هنشرح ايه .👌🏻👌🏻
1-هنشرح الديناميكا الحرارية
وانواع وخصائص الانظمة💥💥
2-هنشرح الصيغة الرياضية للقانون والحالات الخاصة وهنحل مسائل✨💥
3-هنشرح المحتوى الحراري ومعادلاته وهنحل عليها 💥
وكده يابطل يبقى قفلنا اهم درس في العلوم المتكاملة ناقص بس انك تحل التدريبات في الكتاب بتاعنا وتبقى ضمنت مجهودك وقفلت الدرس🩵
وبالمناسبة خصم خاااص جدا 🚫💥على سعر الكتاب للناس اللى هتحضر بكرا 💥💥
ومع🧪الكيمترون⚗️ انت في امااان ومتشلش هم الامتحان 🔥💥

تعالى اقولك على اغرب المواد المستخدمة في التعرف على البصمات في الأدلة الجنائية،
طبعا من المعتاد عند مرتكبي الجرائم مسح اى بصمات خاصة بهم في مسرح الجريمة لكن في علم الأدلة الجنائية بيتم استخدام بعض الأصباغ الكيميائية اللى بدورها بتبين البصمات اللى مش بتقدر تشوفها العين المجرده،
ومن ضمن الأصباغ المستخدمة ياعزيزي القارئ
1-بودرة الطباعة اه والله زي ما بكلمك كده 😂 ودي بقا اللى بتستخدم في مكن الطباعة والتصوير واسمها بودرة الكربون الأسود وبيستخدموها على الاسطح الفاتحة.
2- بودرة الالمونيوم ودي زيها زي الكربون الاسود بس بتستخدم على الاسطح الداكنه.
طب ياسيدي لو كان السطح اللى حصل فيه الجريمة زجاج او بلاستيك هنا بقا بيستخدموا بودرة الماغنيسيوم وكل ده بيحصل بطريقة التعفير يعني بطريقة ميكانيكية من غير اى تفاعلات كيميائية.
طب وعمليات الإظهار اللى بتتم عن طريق التفاعلات الكيميائية دي بتكون معقدة شوية لأنها لازم تتم بواسطة الخبير ومن التفاعلات دي بقا
1-تفاعل الننهيدرين ودي بتتم غالبا على الاسطح المسامية زي الورق وبيتم رش مادة الننهيدرين المخفف مع مادة الاسيتون ثم تجفف في درجة حرارة 80 مئوية فبيحصل تفاعل المواد دي مع الاحماض الامينية اللى بتكون مخلوطة مع العرق فيتظهر بلون ارجواني وبيتم التعامل معها.
2-ابخرة اليود وده بقا بيتم استعمال فيها ابخرة اليود على الاسطح الغير مسامية وغير معدنية فبتتفاعل برضو مع الاحماض الأمينية زي الننهيدريد وبتظهر البصمات بلون اصفر بني
3- السيانو أكريليت ودي بقا بيتم تسخينها فبتتفاعل مع الرطوبة والاحماض الامينية في البصمات فبتكون مادة بيضاء تؤدي الى ظهور البصمات بوضوح على الاسطح البلاستيكية والمعدنية والزجاجية.
وأخيرا ياعزيزي القارئ تم عمل دراسات وابحاث في استخدام تكنولوچيا النانو المتناهية الصغر في التعرف على البصمات الجافة وغير واضحة وبيتم فيها استخدام الذهب في الصورة النانوية والكادميوم كبريتيد وكبريتيد الزنك لتحديد البصمات بصورة افضل واكثر وضوح عن الطرق الشائعة. طب وتكنولوجيا النانو وصلت لكده وبس في علم الأدلة الجنائية لأ طبعا دي تكنولوچيا النانو طلعت حاجه عظَمة اوي بس كمل للأخر دلوقتي بقا يتم استخدام تكنولوجيا النانو في التعرف على بصمة المخ ! بصمة المخ اه ياعزيزي ما هو المعروف عن المخ انه بينتج اشارات عصبية عشان يبعت اوامر لباقي اجزاء الجسم الاشارات دي اسمها P300 طب دي وظيفتها اى بص ياسيدي دي بيجيبوا فيها المشتبه به في الجريمه وبيعرضوا عليه اسلحة مختلفة واول ما بيظهر سلاح الجريمة بيتم اطلاق اشارت من المخ تلقائياً اللى انا لسه قايلك عليها دي ال P300 لأن الجريمة بتكون محفوظة في الذاكرة الدماغية وبيتم تحليلها عند استرجاع المعلومات دي وبتظهر على اجهزة الكومبيوتر وطبعا عشان يستخدموا الطريقة دي لازم تكون بشكل مفاجئ يعني المتهم ميكونش عارف انه هيتعرض عليه الحاجات دي عشان تظهر بصورة طبيعية.
وبس ياسيدي كده خلصنا المقال بتاعنا ولو وصلت لحد هنا وعجبك المقال متنساش تعمل لايك وشير للصفحة عشان يوصلك كل جديد

كلنا عارفين الكراميل وازاي بنحضره في المطبخ لكن اللي ما نعرفوش ان الكراميل علشان يتحضر بيحصل بعض التفاعلات الكيميائيه اللي بتتم خلال عمليه تصنيع الكراميل واول التفاعلات دي وهي
1. انصهار السكر:
لما بنسخن السكر (السكروز)، يبدأ في الانصهار عند درجة حرارة حوالي 160 درجة مئوية (320 درجة فهرنهايت). في المرحلةدي ، بيتحول السكر من حالة صلبة إلى سائلة. وبعد كده بيحصل التفاعل التاني وهو
2. التحلل الحراري (Thermal Decomposition):
مع استمرار التسخين، بيبدأ السكر في التحلل إلى جزيئات أصغر من خلال تفاعل يسمى التحلل الحراري. اللى هو السكر (السكروز) بيتحلل إلى جلوكوز وفركتوز:
وبعد كده بيحصل التفاعل الثالث وهو
3. تفاعلات التكثيف (Condensation Reactions):
الجلوكوز والفركتوز اللي تم انتاجهم من التحلل الحراري بيحصل لهم تفاعلات تكثيف، اللى هو بتتحد فيه جزيئات السكر الصغيرة عشان تكون مركبات أكبر وأكثر تعقيدًا. التفاعلات دي هي المسؤولة عن اللون البني ونكهة الكراميل.
وبعد كده بندخل على التفاعل الرابع اللي هو
4. تفاعلات نزع الماء (Deh*ydration Reactions):
درجة الحرارة المرتفعة بتعمل نزع لجزيئات الماء من السكريات، مما ينتج عنه مركبات مثل HMF (هيدروكسي ميثيل فورفورال):
وبعد كده التفاعل الخامس وهو
5. تفاعلات البلمرة (Polymerization Reactions):
بتتفاعل المركبات الناتجة من التفاعلات السابقة مع بعضها البعض لتكوين بوليمرات كبيرة ومعقدة. البوليمرات دي بتدي الكراميل لونه البني الغامق ونكهته المميزة.
وبس كده لو عجبك المقال ما تنساش تعمل لايك وفولو للصفحه علشان يوصلك كل جديد