Ayman El Sawy

Something is coming that I've been building for a long time.

I wasn't ready to talk about it — until now.

Because what I'm about to share isn't just a new service.

It's the result of thousands of coaching sessions — as a coach and as a client — and years of asking one question:

Why do people stay stuck, even when they're doing everything right?

The answer changed everything I thought I knew about coaching.

It's not the method. It's not the coach. It's not even the client.

It's the mirror.

Every human coach — no matter how skilled — brings their own lens into the room. And every AI tool out there just tries to make you feel better.

Neither one shows you yourself clearly.

What if the thing you feared most about AI — that it has no feelings, no ego, no investment in you — is exactly what makes the real breakthrough possible?
A coach with nothing to prove reflects you perfectly.

No agenda. No filter. Just your own thinking handed back so precisely that you finally see what was always there.

And when nothing feels like an attack, you finally say what you actually mean.

That's when everything shifts.

That's Co-AI Coaching. And this is its official announcement.
An AI co-coach with zero ego. A human co-coach who knows exactly when to step in. One session — awareness you didn't expect, in less time than you thought possible.

Not built overnight. Tried. Tested. Proven across real sessions with real people who said things like:

"I never thought about it this way before."

You don't need to have tried coaching before.
You just need to be ready to finally see clearly.

More details are coming very soon. Stay close.

كل عام وانتم بخير بمناسبة عيد الأضحى المبارك
اعاده الله علينا وعليكم بالخير واليمن والبركات

(موضوع النهاردة هشرحه بحاجة حصلتلي مع العربية)
كنت رايح لبتاع الكاوتش .. عشان العجلة فيها مسمار .. وبعدين قولت اجرب حد جديد غير اللي متعود عليه عشان بعيد .. فدخلت على الراجل .. وقولتله العجلة فيها مسمار .. المهم بص على العجلة وقالي تمام .. انا هصلح الخرم بلحام الخابور (دي احد طرق التصليح) وفي احتمالية ان العجلة تبوظ بسبب الطريقة دي .. لانه بيدخل فيها حاجة كدة ممكن تقطع حاجة من اساسيات تكوين العجلة

المهم قولتله ليه .. ما تعملها لحام عادي .. قالي والله العجلة عندك تعبانة. رديت عليه قولتله طيب هيا تعبانة نلحمها بطريقة تبوظها اكتر .. راح قالي اصل المنفاخ عندي بايظ دلوقتي .. والراجل جايلي يصلحه في خلال نص ساعة .. ممكن تجيلي كمان نص ساعة.

طبعا الموقف ده خلاني افقد ثقتي في الراجل .. لانه اظهرلي في كلامه انه كان هيصلح العجلة بطريقة مش افضل حاجة عشان هوا اللي عنده مشكلة.

المهم بعد ما مشيت كدة وفكرت في انه مش همه مصلحتى .. قررت اروح لحد تاني .. وروحت فعلا .. المهم انه قالي انه هيلحمه بالخابور برده .. قولتله ليه .. قالي اصل العجلة تعبانة وانا والله مش مكسل .. بس شوف هيا مشققة ازاي .. فمع الفك والتركيب .. هتشقق اكتر وممكن تبوظ خالص مننا .. وماتنفعش تركب تاني .. فالافضل ليها لحام الخابور .. قولتله طيب ومش هتبوظ العجلة والسلك بتاعها .. قالي لا والله .. لو هتبوظها اكيد مكنتش هعملهالك .. قالي ها اا ؟ .. مواقف

المهم وافقت

الغريب ان الراجل الاولاني قالي نفس الكلام تقريبا .. ولكن بطبيعة كلامه .. وانه اظهرلي ان المشكلة عنده(برغم طريقته اللي فيها ثقة في الكلام) .. فللاسف خلاني افقد الثقة فيه .. وده خلاني افهم حاجة مهمة قوي

ان ترتيب الكلام مهم .. بحيث تقول ايه قبل ايه

يعني لو كان قالي مثلا .. بص هوا انا كنت هقولك مش هينفع .. لان عندي المنفاخ بايظ .. بس خليني اقولك ان العجل بتاعك محتاج يتلحم بطريقة الخبور .. وده حفاظا عليه .. واي حد هيقولك غير كدة يبقى هيخاطر بالعجلة .. لان مع الفك والتركيب ممكن التشقيق ده يبوظ العجلة .. هاا ايه رآيك؟ .. اعملهالك ولا تروح لحد تاني او تستنى نصاية لما بتاع المنفاخ ييجي يصلحهالي واعملهالك لحام عادي بس هنخاطر بالعجلة

اعتقد ساعتها الموقف كان هيتغير تماما .. وكنت هثق فيه وهخليه يلحمهالي.

ولكن الحقيقة انه عمره ما كان هايعرف يعمل ده الا بشرط اساسي .. اني يكون مش حاسس انه خايف يخسر شغلانة لو قالي الحقيقة .. وده بنسميه انه مش needy .. يعني مش حاسس انه محتاجني. بمعني انه عايز اني يكسبني كعميل بس مش كإحتياج وانه هيتضايق جامد لو ماروحتلوش تاني

وده موقف بيبين قد ايه لما بتبقى خايف ان الزبون يضيع منك .. وتخبي عنه جزء من الحقيقة .. فانت بتضيعه بإيدك.. عشان كدة لو مش حاسس انك محتاج لعميل هتبقى بتقول الحقيقة .. وغالبا هتكسب ثقة العميل .. وكدة كدة الرزق بتاع ربنا.

أسيبكم على خير
سلاااااام
كان معكم كوتش/ ايمن الصاوي

ليه مش عارفة اقفل الموضوع جواية بعد نهاية الارتباط (باختصار بسبب متطلبات نفسية اتفتحت جواك)

التوضيح والحل:
لان دخوله في حياتك ومشروع الارتباط خلاه ياخد حيز نفسي جواك … وده جزء كبير من صعوبة قفل الموضوع برغم نهايته في الواقع.


طب ده بيحصل ازاي؟
اول ما بنثق > بنصدق ..كلامه بيبني احاسيس جوانا.. فبياخد مكانة وحيز شخص مهم بالنسبالنا .. واثره بيبقى زي الفيرس في النفسية .. و كل ماالمشاعر تجاهه تزيد بنبدا نتعلق بيه (بدون وعي)


المشكلة لو مكانش اهل للثقة او طلع كداب ..
لو كان بيوعد بشقة او وضع معين وظهر الوجه الاخر وقت التنفيذ .. وهنا كلامه ممكن يتغير .. والصدمة تبقى كبيرة ..


مش بنبقى قادرين نصدق ولا نستوعب اللي حصل .. ومهما طالت مدة الانفصال ، بتفضل آثاره .. زي عدم ثقة في اي حد او الخوف من تكرار اللي حصل ، وبالتالي بنرفض اي مشروع ارتباط جديد (اي حد تاني)



ولو عايزين الحياة ترجع طبيعية بعد كدة .. او يبقى في مجال لارتباط جديد
لازم نخرج الشخص من جوانا الاول .. وده صعوبته اننا بنحتاج نمر بتغيير نفسي عشان نتحرر من وجوده واثاره السلبية ..


التغيير ده بنمر فيه بتلات حاجات عشان نقدر نعدي الازمة.


اولا: بنبدأ باننا نشوف هو اتربط بنفسيتنا ازاي .
وده عن طريق الاحتياجات النفسية اللي اتلبت معاه - نفسية وعاطفية
لان دخوله في نفسيتنا كمصدراساسي لتلبية الاحتياجات .. هوالسر ورا صعوبة خروجه منها

الخبر الحلو ان الاحتياج مش للشخص …ولكن لحاجات كان بيحققها لنفسيتنا وبيرضيها ..
زي :الشعور بالتميز .. اوالشعور باننا مطلوبين … اوممكن احساسنا باننا فينا حاجة حلوة او being good enough او او ..

وده ملف نفسي اتفتح .. ملف مليان احتياجات نفسية مطلوبة … وعشان يتقفل ونرجع زي زمان محتاجين حاجة اسمها “الفصل” (ودي تاني حاجة)



ثانيا: محتاجين نفصل بين الوسيلة (الشخص) وبين الغاية (الاحتياجات دي)

لان الخلط بين وسيلة التلبية وبين ملف الاحتياجات مش بيخلينا نعرف نخرج الشخص من جوانا .. خوفا من التخلي عن الاحتياجات للابد .. فمش بنتحمل ان حياتنا تكمل بدونها (او بدونه في الحالة دي) ..


والحقيقة ان الشخص ما هو الا مجرد “مفتاح” لتلبية الاحتياجات دي
يعني في طرق ومفاتيح تانية بس مش شايفينها، وده يدخلنا في الخطوة الاخيرة



ثالثا: وهي ايجاد بدائل تلبي نفس الاحتياجات زي
انك ترمي نفسك في شغلك وكارييك .. او تدخل مجال جديد كان نفسك تدخله من زمان .. او تنشغل بدراسة حاجة كانت من اهتماماتك .. او تلعب رياضة بهدف تحقيق نتيجة او لقب معين …

ولما بنغذي الambition في حاجة منهم .. بنقدر نرضي النفسية بشكل مختلف عن فكرة العلاقة … و بنقدر نتعامل مع ألم الانفصال .. لان الألم بيتحل بمجرد ما الاحتياج الناقص بيتلبى .... وبكدة بنحل اللغز ونرتاح ونMOVE ON في حياتنا

ولو عايز تحمي نفسك من الوقوع مع حد مش اهل للثقة .. ممكن تقرأ المقال التاني
https://www.facebook.com/UStillAlive/posts/5790360897642847






تحذير مهم:
برغم ان في ناس بتعرف تخرج لوحدها من الموضوع .. في اللي بتعصلج معاه

فلو عصلجت ومش عارف تmove on في حياتك .. محتاج تعرف خطورة الموقف:
لما بتعطل في مراحل الخروج من التعلق اوفي الرجوع لطبيعتك .. الحياة مش بتقف عند كدة لان النفسية ممكن تلجأ لبدائل مضرة وتدمنها (مقصدش ادمان زي المخدرات بس) ممكن تدخل في علاقة بدون دراسة وتقع في نفس الاخطاء او تستسلم لحالة نفسية كئيبة او او ..

فلو عطلت و تعبت او عايز تتحرر و مستعجل تخرج من الازمة .. انصحك جدا تروح لمتخصص او كوتش فاهم هوا بيعمل ايه كويس! .. عشان ترجع لحياتك الطبيعية في اسرع وقت ان شاء الله

متنساش لو استفدت .. اعمل شير .. عشان يوصل للي محتاجه
يلا .. اسيبكم على خير

ريڤيو من أحد ال Clients عن برنامج ال Coaching 👌

ريفيو من Client
بعد جلسه واحده Coaching👌
بفضل الله... اللهم لك الحمد🤲

في شخص قريب مني .. كل شوية كدة يكلمني عن مشكلة معينة .. وبعدين بيتكلم معايا بنبرة التانييب … اني مش بساعده فيها .. واني المفروض اني اساعده لانه لو كان مكاني كان ساعدني فيها .. زي ما ساعدني في حاجات تانية كتير.

المهم اني كل اما بيحصل الموقف والتانيب ده .. انا بحس ان ضميري بيموتني .. بس رد فعلي تجاهه بيكون متماسك جدا .. برغم ان في ضيق الشديد جوايا .. والضيق والخنقة دي بتكون بسبب اني حاسس اني مقصر معاه فعلا.

المزعج بقى اني بحاول اتماسك واتعامل بشكل طبيعي في ده كله لانه يهمني جدا ومش بحب ازعله ..ولكن .. ببقى كاره جدا الكلام معاه .. لما المواضيع دي بتتفتح .. و بحاول اهرب من اي حاجة تودينا في سكة اني مقصر معاه او الحاجات اللي هوا عايزها مني .. وللاسف بقالي كتير قوي مش بحاول احل الموضوع .. وكل فترة لازم يجيلي نفس التآنيب منه

الغريب بقى ..اني اصلا مش مؤمن بالكلام اللي بيتقال .. يعني انا مش مؤمن اني المفروض اساعده .. لانه عكس مبادئي في المساعدة .. خصوصا انه طالب المساعدة بطريقة انا عارف انها مش هتجيب معاه نتيجة .. وطبيعي جدا ان متجيبش نتيجة خصوصا انه بيرمي عليا المسؤولية بتاعت انه يتغير .. ودي حاجة مش بإيدي ولا بإيد اي حد غير ان ياخد مسؤولية نفسه ومشاكله.

كل ده تمام .. ولكن المشكلة الاكبر بقى اني برغم فهمي ده بتوجع كل اما بيكلمني.امال ايه اللي بيوجعني بقى .. مدام انا فاهم ده؟؟!!!

اكتشفت ان عندي جزء تاني جوايا .. جزء حاسس ومصدق باني المفروض اعمل اللي هوا عايزه .. جزء شايف اني مقصر معاه … ومن هنا بقى بيجي تانيب الضمير الداخلي .. وكمان بيخليني بحاول اتجنب الكلام ده او حتى الشخص نفسه في الاوقات اللي بيتكلم فيها بالشكل ده .. وكتير بتضايق جدا لما الكلام بيطول.

وزي ما وضحت اني فعلا بحب الشخص ده .. ومهم بالنسبالي اني اريحه .. واني كمان احاول اساعده على قد ما اقدر .. ولكن (للاسف) بالطريقة دي كدة ببقى انا اللي بنتكس نفسيا .. وببقى مش طايق اساعده .. ولا قادر اقبل اي تانيب منه .. لاني انا اللي في الحقيقة اللي بدخل في تأنيب نفسي بشدة على حاجة مش من مسؤوليتي اصلا.

ولما بدأت افهم ده .. وبدأت اخد بالي من ان طريقة تفكيري هيا المشكلة .. فقولت طيب ما اجرب كدة اشوف اني مش المفروض اعمل اللي هوا بيقول عليه .. ولكن كان عندي رفض شديد ان اقبل حتى اتخيل الفكرة دي .. لاني حاسس اني لو عملت كدة هبقى مقصر تجاهه.

واللي خلاني اقدر اتخيل ده .. هوا الوعي بإني في الحالة الحالية already مقصر .. يعني فكرة اني لازم اساعده بالطريقة اللي هوا عايزها .. مش بتخليني اساعده خالص .. بل بالعكس بتخليني متضايق .. وغالبا هتعامل بحالتي المتضايقة دي معاه .. فبالتالي ايه الفايدة بقى ؟!!!

ولما فعلا قدرت افكر اني مش لازم اساعده .. حسيت براحة غريبة .. وتحرر من التانيب المستمر .. وبدأت افكر في افكار مختلفة ممكن تسعده .. وتساعده .. ولقيت اني كنت مقيد نفسي بطريقة مساعدة واحدة وبس .. عشان كدة كنت مخنوق ومش عارف اساعده

كل اللي عايز اقوله .. انك سعات بتبقى مقيد نفسك بشكل واحد .. وده لا بيخليك تعمله ولا تعمل غيره .. وكل ده بتكون بتعمله وانت مش واعي انك فعلا نفسك تساعد الناس القريبة منك .. فساعات لما بتتحرر من التشوهات الفكرية زي فكرة “المفروض” و”لازم” .. بتعرف تساعد بطريقة عمرها مكانت هتيجي على البال. لانهم بيحطوا الواحد في بوكس مش بيعرف يفكر براه .. ولما تفهم قد ايه انت مش عارف تريح ولا تستريح بيبقى سهل عليك تخرج من البوكس ده لانك بتكتشف انه ملوش لازمة لو مش بيحقق الهدف منه

هاااا .. كام بوكس هنكتشفه مع بعض .. يلا .. انا لسة بدور.. واضح ان عندي كتير!!

يلا .. اسيبكم على خير
سلاااام

كان معكم كوتش/ ايمن الصاوي

ريڤيو عن جلسه واحده Coaching 👌
بفضل الله...اللهم لك الحمد 🤲

ليه مش عارفة اقفل الموضوع جواية بعد نهاية الارتباط (باختصار بسبب متطلبات نفسية اتفتحت جواك)

التوضيح والحل:
لان دخوله في حياتك ومشروع الارتباط خلاه ياخد حيز نفسي جواك … وده جزء كبير من صعوبة قفل الموضوع برغم نهايته في الواقع.


طب ده بيحصل ازاي؟
اول ما بنثق > بنصدق ..كلامه بيبني احاسيس جوانا.. فبياخد مكانة وحيز شخص مهم بالنسبالنا .. واثره بيبقى زي الفيرس في النفسية .. و كل ماالمشاعر تجاهه تزيد بنبدا نتعلق بيه (بدون وعي)


المشكلة لو مكانش اهل للثقة او طلع كداب ..
لو كان بيوعد بشقة او وضع معين وظهر الوجه الاخر وقت التنفيذ .. وهنا كلامه ممكن يتغير .. والصدمة تبقى كبيرة ..


مش بنبقى قادرين نصدق ولا نستوعب اللي حصل .. ومهما طالت مدة الانفصال ، بتفضل آثاره .. زي عدم ثقة في اي حد او الخوف من تكرار اللي حصل ، وبالتالي بنرفض اي مشروع ارتباط جديد (اي حد تاني)



ولو عايزين الحياة ترجع طبيعية بعد كدة .. او يبقى في مجال لارتباط جديد
لازم نخرج الشخص من جوانا الاول .. وده صعوبته اننا بنحتاج نمر بتغيير نفسي عشان نتحرر من وجوده واثاره السلبية ..


التغيير ده بنمر فيه بتلات حاجات عشان نقدر نعدي الازمة.


اولا: بنبدأ باننا نشوف هو اتربط بنفسيتنا ازاي .
وده عن طريق الاحتياجات النفسية اللي اتلبت معاه - نفسية وعاطفية
لان دخوله في نفسيتنا كمصدراساسي لتلبية الاحتياجات .. هوالسر ورا صعوبة خروجه منها

الخبر الحلو ان الاحتياج مش للشخص …ولكن لحاجات كان بيحققها لنفسيتنا وبيرضيها ..
زي :الشعور بالتميز .. اوالشعور باننا مطلوبين … اوممكن احساسنا باننا فينا حاجة حلوة او being good enough او او ..

وده ملف نفسي اتفتح .. ملف مليان احتياجات نفسية مطلوبة … وعشان يتقفل ونرجع زي زمان محتاجين حاجة اسمها “الفصل” (ودي تاني حاجة)



ثانيا: محتاجين نفصل بين الوسيلة (الشخص) وبين الغاية (الاحتياجات دي)

لان الخلط بين وسيلة التلبية وبين ملف الاحتياجات مش بيخلينا نعرف نخرج الشخص من جوانا .. خوفا من التخلي عن الاحتياجات للابد .. فمش بنتحمل ان حياتنا تكمل بدونها (او بدونه في الحالة دي) ..


والحقيقة ان الشخص ما هو الا مجرد “مفتاح” لتلبية الاحتياجات دي
يعني في طرق ومفاتيح تانية بس مش شايفينها، وده يدخلنا في الخطوة الاخيرة



ثالثا: وهي ايجاد بدائل تلبي نفس الاحتياجات زي
انك ترمي نفسك في شغلك وكارييك .. او تدخل مجال جديد كان نفسك تدخله من زمان .. او تنشغل بدراسة حاجة كانت من اهتماماتك .. او تلعب رياضة بهدف تحقيق نتيجة او لقب معين …

ولما بنغذي الambition في حاجة منهم .. بنقدر نرضي النفسية بشكل مختلف عن فكرة العلاقة … و بنقدر نتعامل مع ألم الانفصال .. لان الألم بيتحل بمجرد ما الاحتياج الناقص بيتلبى .... وبكدة بنحل اللغز ونرتاح ونMOVE ON في حياتنا

ولو عايز تحمي نفسك من الوقوع مع حد مش اهل للثقة .. ممكن تقرأ المقال التاني
https://www.facebook.com/UStillAlive/posts/pfbid02SM4fXTux8UrWQeW25eAdhzseqk2LtWAPfa7Kqzya9W3SqUa9roKqyzCeFhGoEkBbl






تحذير مهم:
برغم ان في ناس بتعرف تخرج لوحدها من الموضوع .. في اللي بتعصلج معاه

فلو عصلجت ومش عارف تmove on في حياتك .. محتاج تعرف خطورة الموقف:
لما بتعطل في مراحل الخروج من التعلق اوفي الرجوع لطبيعتك .. الحياة مش بتقف عند كدة لان النفسية ممكن تلجأ لبدائل مضرة وتدمنها (مقصدش ادمان زي المخدرات بس) ممكن تدخل في علاقة بدون دراسة وتقع في نفس الاخطاء او تستسلم لحالة نفسية كئيبة او او ..

فلو عطلت و تعبت او عايز تتحرر و مستعجل تخرج من الازمة .. انصحك جدا تروح لمتخصص او كوتش فاهم هوا بيعمل ايه كويس! .. عشان ترجع لحياتك الطبيعية في اسرع وقت ان شاء الله

متنساش لو استفدت .. اعمل شير .. عشان يوصل للي محتاجه
يلا .. اسيبكم على خير