聲明: 專頁內容不構成投資建議，僅作教學參考用途。金融產品價格可升可跌，投資者有機會損失所有本金。筆者並非證監會及保監會下的持牌人士，並可能就專頁內提及的產品不時作出交易。
自小熱愛投資市場，大學時期獲得多個投資比賽獎項，參與市場至今逾廿八載，因緣際會下加入投資銀行從事衍生工具銷售及投資者教育工作十九年。曾任職荷蘭銀行、蘇格蘭皇家銀行及瑞信香港董事，將興趣變成事業。離開崗位後，現時有更大空間分享多年市場經驗，希望藉此改變散戶理財及投資的方法，歡迎交流。
內容只供學術分享及參考用途，只代表個人分享，並不構成任何證券、期貨、外匯、商品或其他金融工具的買賣、購買或認購的邀請、要約、招攬、誘使、任何種類或形式之陳述、或構成任何建議、推薦、投資意見、交易或管理服務。
30/05/2026
多謝各位澳門朋友今日到場，全場滿座。現時不單香港，澳門朋友也有不少積極參與美股市場交易，到場超過一半朋友也有買賣美股經驗，也難怪 #澳門商業銀行 大力推廣它們的美股交易服務了！
是日講座結束後，有粉絲送上了澳門晃記餅家的手信，大受何太歡迎，以往每次都是買肉切酥，原來還有咸老婆餅、金桃酥等，非常有趣，也感謝這位非常有心的朋友。還有一位朋友買來腸粉給我，但實在忙於與各位交流，未能即場試食，但也感謝您特意買過來呢！❤️
OK，上次澳門講座重點講既SAAS板塊，都算修成正果，頭先直播即時加買既ADBE都算不錯。下一個板塊是什麼呢？講真睇下大家點睇完戰概念。係既，同一啲升20-30%既比，大家可能都覺慢，但我覺得是揸得舒服啲的。
直播正常返，開返
29/05/2026
【六月加班］
六月份開始，我會加開一節午間直播。時間上應該會是二、四(12:30-13:15)，送完我個囡返學會開，大概45分鐘至一個鐘內，疏導一下現在晚間俾美股問題浸沒既港股問題之外，我亦會邀請一些ETF發行商朋友，深度講解一下一些ETF及答下大家既問題。大家返工睇唔到即時直播的話，可以問定問題，我保證大部份會幫大家問，之後重溫。
好啦，咁點解我要搞到自己咁忙呢？係咪個市差，搞唔掂要跑山呢？昨日在一個酒會中，有老友話有新野搞，見我呢排咁勤力，預我幫手得唔得？我話我勤力是因為我想試做唔同我想做好耐既野，但好大可能是勤力完一輪，做完哂想試既野，好似呢個ETF教學咁，就會突然見我唔再做落去。人生有好多唔同既選項，所以我現時所有工作，接的都不超過三個月，如果唔係短期內既野，就到時再算吧，以免到時影響到您。
坦白說，一人維持社交平台的時間與心力，與收益是不成正比的，而且我一直願收的廣告都唔多，至少推的一定俾收的多。而且時間上既犧牲大家未必感受到。我有時亦都會感覺到一段時間後，要聽的都聽了，講極唔明的，其實唔會突然開竅。而我一開始講得好清楚，我攪這個平台不是要帶炒，開群，只是想分享一些知識及策略而矣，唔係日日派number，講市，大家可能慢慢會覺得悶。
Anyway，我呢個係先預告我六七月會有更多既內容出，大家會突然覺得見多左我，大家要睇要like，嚟緊就記住大大力支持！
成交誇張到大時代咁，雖然因為MSCI指數換馬，但4000幾億，好一段時間無見過
29/05/2026
學精了，跌先買，一彈升即掛沽，千其唔好諗住即日買返住，今日港股又重覆割菜走勢…（認真說，今日很大可能是Pair trade 拆倉令港股上晝好返啲，但拆完即刻又頂唔住啲沽盤）
最近都是這樣，三點後深圳水又即日鮮了結，兼淨流出。
#又高開低走
29/05/2026
【周六見】嚟緊星期六第二場既講座，反應非常踴躍，多謝大家支持，銀行方面通知我已經滿左額，各位報左名既朋友，記得今個星期六（明天）準時出席了！
今次未參加到既朋友，嚟緊六月至七月仲有三場講座，大家記得留意之後嘅活動宣傳資訊！呢個星期我會同大家傾下美股當中的進取及防守部署，而港股又為何長期落後？最近大熱的硬科技股又是否值得部署？
29/05/2026
無意間睇到呢篇，他稱5月28日全沽舊經濟換科創板....慘烈。
前兩日先講消費板塊俾人狂洗到超平，科技就升到上天，然後這人在短頂全轉倉即輸6%，是否這才稱得上散戶？
29/05/2026
【為何成交大增卻日日感覺被割韭菜？】
呢排大家成日睇我寫話港股資金外流，但同時大市成交金額卻維持在高水平，近期甚至是日日三千億以上，這是什麼概念呢？
睇返港交所關於港股通佔港股成交比例既數字，去年第四季為23%，舊年全年平均都是大概兩成左右。而呢個比例，踏入左2026年後，突然上升至四成以上水平。
北水參與度大增，但為何港股表現疲弱？這要看淨資金流入額。去年日均流入額約59.6億（有機會有偏差，無時間非常準確計）；而今年第一季是34.5億；第二季至今跌至12.5億。換句話說，北水今年起在港股的參與度大增，但同時「坐貨」資金量沒有伴隨上升，即是多了大量的即日鮮活動。正因如此，就出現了大市跌但成交金額卻不斷上升的奇怪情況。
另一方面，為何大家經常覺得港股成日高開低走呢？越近收市越跌呢？您可以想像，如果市場一半成交是即日鮮，需求多在上午出現，而一追貨就很易當天成為韭菜了。也就是我為何說，港股跌市買，升市熄機/掛沽。而高開日想買貨，點都等佢獲利回吐一陣先入場。
29/05/2026
【段永平買泡泡馬特的獨特方式】
1.見到段永平正式公佈增持泡泡馬特至5%以上需申報水平，八掛左一下佢最後係點板樣增持既。發現佢呢個方式都幾特別，值得分享一下。
2.圖中有兩個數，大家記住先，第一個數係佢增持左正股9823200股，九球幾正股，而同時另一個數係37520000股，是衍生工具相關權益。而37520000/200，就是18萬7600，即是5月底155元行使價既認沽期權令佢可能要接既貨。
3.我睇返呢18萬張認沽期權合約，今個月係最後有人平哂倉，大概亳幾紙平既。當佢沽5-6蚊呢口價，咁最終呢18萬七千六百張合約變廢紙，就係袋左187600*200*5.5 = 206,360,000。即是袋左兩億幾期權金，咁您計返落個成本到，佢買泡泡馬特既價就會平左，由150蚊變左130蚊左右。（（150*9823200）-206360000）/9823200
4.要做到咁樣，似乎時間點上都有部署，又或者是恰巧五月底9992跌穿左155元，佢唔係選擇等接貨，而係買返隻股上去，以150元為最高限價，則可能接近隻Put既打和點（因為佢收左大概5蚊期權金）。
5.之後規則要在三日公佈超5%持股，隻股就剛好夾上，餘下當月沽出的認沽期權變廢紙。
5.呢個遊戲佢都玩左兩個月，下個月又玩，行使價移高到157.5/160/162.5，又係廿二萬張合約。睇嚟又係同一玩法，月中賺左時間值平1/5。再夾住隻股，跌佢就買貨頂返上去，升就贏期權金，而好似呢個月咁，又買到貨又贏期權金都好爽。
6.咁佢有無可能勁輸呢？有既，您睇下拼多多，佢輸唔少。最差情況係佢買完隻股再隊，而佢啲認沽期權又入哂價要買貨。但點都好，一開倉成本價已低一截，仲想點？
7.而且，佢本身唔介意買多啲貨，只是用呢個交易方式令自己買貨成本低一截。佢資金量大，可以用期權平啲攞到貨。而亦解釋到佢點解成日出口術話俾人知佢買左。
8.散戶有無可能學到？對唔住，無咁多錢是無得學的，因為您買隻股是零反應，甚至一買即跌😅
【講兩句】
1.昨晚又傳出美伊將近達成協議，美股先跌後揚，芯片股早段回吐後即市完成調整，費城半導體指數又轉升。昨晚較差的板塊則是光通信。
2.戴爾AI伺服器需求大爆發，盤後急升三成，美股最近就是經常出現這些盈利驚喜，而公司股價反應亦大，聯想今早高開競價時段清板。對香港的人工智能相關概念股也有帶動作用。
3.美股現時是升得少無謂講的地步。昨晚直播繼續跟望軟件股。NOW已突破，盤後繼續上揚，而ORCL亦終於突破了200元。這兩股也算是我在美股市場此前比較看好的選擇。
4.昨日直播另外講及的話題是內券是否被錯沽了，而我昨日亦身體力行地將沽出中銀香港的資金換了中金公司及中信証券，昨晚直播都說了。今早內券突然大爆發，特別是中信証券。當然，相比起美股現在單隻升幅，可能還是遠遠有所不及。而且，A股又是外圍一升便獨插，變相的確很難拿捏節奏。
5.恒指是日重上25000點，成交金額暫時早段是不錯的，要解釋資金流出但港股成交增，我的說法是港股通大量即日短炒，特別是科技類股份，令大市成交金額持續上升，而被抽走資金的則是舊經濟及中概科技股。
6.恒指即市支持25050/24900；阻力25250/25500
