Venus老師的親子成長伴旅

為咗預備今晚做guest speaker 嘅online talk，搵返以前同屋企兩位老細畫嘅和諧粉彩畫作出嚟！

正如我每次教畫都會講，唔會唔靚嘅，點都靚！呢一刻睇返，當時兩三歲嘅佢哋，都畫得好靚， #欣賞 👏👏👏👏👏

原來我做咗 #日本和諧粉彩 嘅準指導師已經有六年幾，正指道師都有五年幾。今晚其實只係一個小小啲經驗分享，有關點用和諧粉彩同小朋友有更多嘅交流，讓小朋友借畫作表達自己多啲！

活動link放一樓，要預先register先參加到！今晚8-9pm，原來主辦機構唔會錄影，所以睇到就睇啦，睇唔到都無辦法😅😅😅😅

《親子音樂活動推介》

話說上個月尾，妹妹因為肺炎入院住咗6日5夜。期間嘅娛樂就係睇港台電視節目，其中一個節目係講响內地嘅幾位視障人士，佢哋點樣克服重重困難，分別學習鋼琴、saxophone同打鼓。有一位最後成為特殊學校嘅音樂老師，有一位鼓手一邊做盲人按摩師謀生，一邊繼續打鼓。

而嗰位saxophone樂手，係我睇到最感動嘅一位。佢分享話細個時突然視力有問題，佢意志消沉時，遇到saxophone，令佢對生活提返起小小興趣。但係以佢嘅家庭經濟條件，一支saxophone 係好貴好貴。佢嘅父母分享話，當時佢哋知道個仔想學saxophone，決定無論嘅艱難都要成全佢，原因係有一日如果佢哋先離開呢個世界，佢哋希望個仔有音樂繼續陪伴。

睇到呢度我都感動流淚，立即同妹妹講，係呀，我畀你哋兩兄妹學古箏學鋼琴，唔係想你哋第日要成為古箏演奏家、音樂家，而係希望音樂可以陪伴你哋成長，你哋開心嘅時候，可以用音樂表達自己，痛苦傷心嘅時候，就算身邊暫時無其他人，都可以有音樂陪住你哋呀！

然後我就send message 同妹妹嘅鋼琴老師Miss Carol（真身係音樂治療師！）講話妹妹都好感動，點知Carol就話，其實佢都認識一啲「香港共融藝術音樂協會」嘅朋友，可以安排面對面同小朋友及家長做一啲分享，希望佢哋嘅經驗可以鼓勵小朋友，學習音樂嘅樂趣同喜悅。仲有呀，如果有視障嘅朋友都可以學習到音樂，咁好幸運身體健全嘅人，又點會學唔到練唔到呢？

咁個活動就係下圖呢一個啦！我當然係第一時間買咗飛㗎啦，我仲會同妹妹有個jam 歌嘅小表演。我學咗唔夠一年嘅ukelele終於可以同大家分享啦🤪🤪🤪大家有興趣嘅參加嘅話，都可以一齊表演jam 下歌！

想報名就掃下圖嘅QR code啦！留意之前post過話係30/6，宜家改咗去23/6星期日下午呀！

#香港共融藝術音樂協會 啲link放响一樓！

呢個活動係由妹妹嘅鋼琴老師Carol搞嘅，佢請咗兩位「不同能力人士」嘅音樂人，去分享佢哋儘管面對身體上嘅限制，都仍努力不懈咁學習音樂，並將音樂成為佢哋生命嘅一部分。呢種精神，係好值得我哋嘅小朋友去學習（尤其係嗰啲唔鍾意練習樂器，又唔係太清楚做乜要學樂器嘅小朋友）！

我都已經買咗飛帶哥哥同妹妹去參加，有興趣嘅話就直接掃QR code 搵Carol 報名，因為場地所限，參加人數都唔多，有興趣就快啲報名買飛啦（我一個人都買咗1/6嘅飛😅）！

推介推介推介！

#重要嘅嘢要講三次

活動推介👍🏻👍🏻👍🏻👍🏻
幼兒/兒童戲劇班～
有興趣嘅去體驗吓啦😉

有成幾個月無出過post，但係近日發生嘅 #殺校潮，係非常值得大家關注。好似訪問中嘅 #獻主會溥仁小學，一直都係為好多SEN同小數族裔學童，提供適合佢哋嘅教育。而其中今年嘅小一收生只係差一個名額，係一個呀！

教育局點解就要不近人情地殺校呢？？？？？？

正如訪問入面提及，香港小班教學嘅情況都仲係好唔理想，點解唔可以趁機優化教育制度，落實執行小班教學呢？

希望呢幾間學校最後都可以扭轉呢次嘅危機🙏🏻🙏🏻🙏🏻🙏🏻

殺校潮來勢洶洶 羅毓儀母校一息尚存 近年適齡學童人數大減，位於黃大仙的溥仁小學近日因小一收生尚欠一名學生，未達開班線而面臨殺校，家長頓感無助及突然，批評教育局不近人情，有特殊學習需要學童家長盛讚學校關愛學生；校長擔心殺校令學童難適應；藝...

親戚關係真係好難搞，呢首兒歌大人都要聽👍🏻👍🏻👍🏻👍🏻

一日一啱音兒歌 Yat Yat Yat Kids Song

《親戚關係知多少》|「#一日一啱音兒歌」NFT計劃 25/365 《親戚關係知多少》主唱： 、 #伍逸、 #伍賢 作曲／作詞／編曲／監製／錄音／混音／母帶後期處理：伍卓賢動畫：徐蠻 ------------------------------------------------------------------------關於「一日一...

今日一家四口去咗聽第一日嘅《寶寶冬日爵士世界》親子音樂會，除咗聽到聖誕歌曲興奮到跳晒舞嘅小朋友們，本身都喜歡Jazz嘅我都到un晒好enjoy。

主辦單位嘅坐位安排非常貼心，响地上放咗一張張軟綿綿嘅白色毛氈，就好似坐向屋企chill住咁聽Jazz。而小朋友就可以四圍郁，唔會因為要坐定定而發癲，家長表示非常滿意👍🏻👍🏻👍🏻

七歲嘅小二生show後感：「超好睇！」

12月22同23號响西九嘅音樂會仲有少量門票，前後仲可以去西九睇埋聖誕樹🎄，係一家大細歡度聖誕假期嘅好節目！

真心推介👍🏻👍🏻👍🏻

Winter Dreams | Little Flower Kids Music 🎶👯‍♀️ Dancing together, Moving again~! 👯‍♀️🎶Enjoy this holiday season as you swing along the grooves!Don’t forget to LIKE & SHARE! SUBSCRIBE and stay tun...