MUFTI ALLIE

ARABIC =ALLAH
ENGLISH =GOD
CHEWA =MULUNGU
YAO =MLUNGU
SWAHILI =MUNGU
JEWISH =ALLOH
PORTUGUESE =DEUS
TUMBUKA =CHIUTA
ITALIAN LATIN =DIO
SPANISH =DIO
CHINESE =上帝

OSAMASOKONEZA KULIBEKO MULUNGU WA ASILAMU KAPENA A KHIRISITU MULUNGU NDI MODZI ONLY MAYINA AMASIYANA CHIFUKWA CHOSINAYA ZILAKHULO

Speak only when your words are more beautiful than the silence

LAMULO LOCHITA CHIWEREWERE NDI CHINYAMA PA SHARIA
_____________________________
Ngati momwe Chisilamu chidamuletsera munthu kuchita chiwerewere ndi munthu nzake ndi chimodzi modziso zidaletsedwa kuthetsa zilakolako pa zinyama,ndi Chimodzi modzi kwa Mamuna kugonana ndi Chinyama chachikazi kapena mkazi kugonana ndi Chinyama chachimuna ndi Mchitidwe onyasa ndipo ndi oletsedwa mchisilamu , ndipo kukamba za Chilango cha ochita chiwerewere ndi Chinyama adasephanapo ma Scholar a chisilamu, ena adati sadzalangidwa Chifukwa kulibe umboni olanga yemwe wachita chiwerewere ndi Chinyama, pomwe ena adati adzalandira chilango cha chiwerewere, Choncho adzamenyedwa ndodo 100 Ngati ali osakwatira, ndipo okwatira adzagendedwa mpaka Imfa,pomwe ena adati adzapatsidwa chilango chodzudzula (التعزير ) chomwe mtsogoleri angachione kuti ndi choyenera pofuna kuthetsa mchitidwe onyasawo ,ndipo ma Scholar ena adati adzaphedwa chimodzi modzi kuti ndi okwatira kapena osakwatira Chifukwa Mtumiki adati 👇🏼

عن بن عباس رضي الله عنه أن رسول الله صلى الله عليه وسلم قال : (( من وقع على ذات محرم فاقتلوه ومن وقع على بهيمة فاقتلوه واقتلوا البهيمة )) رواه بن ماجه فى الحدود.

Hadith i kuchokera kwa Ibn Abbas Allah asangalale naye adati ndithu Mtumiki wa Allah adayankhula kuti : yemwe angachite Chisembwere ndi mkazi oletsedwa kukwatirana naye ( Monga kuchita Chisembwere ndi Mayi okupeza kapena okubereka,kapena mpongozi yemwe ali mayi a mkazi yemwe adamukwatira,kapena kuchita ndi mchemwali kapena achemwali a Mayi kapena a bambo omwe ndi aunt kapena kuchita ndi mwana wamkazi wa mchimwene kapena wa mchemwali ndi ena onse omwe ali Haram kukwatirana nawo ) mupheni,ndipo yemwe angachite Chisembwere ndi Chinyama muphe munthuyo ndi Chinyamacho .

Dziwaniso kuti kuchita Chisembwere ndi Chinyama kumadzetsa Mkwiyo Wa Allah ,akuyankhula Mtumiki 👇🏼

عن أبي هريرة رضي الله عنه أنه قال: قال رسول الله صلى الله عليه و سلم: "أربعة يصبحون في غضب الله ويمسون في سخط الله، قلت: من هم يا رسول الله؟ قال: المتشبهون من الرجال بالنساء والمتشبهات من النساء بالرجال والذي يأتي البهيمة والذي يأتي الرجال) رواه الطبراني رحمه الله".

Hadith ikuchokera kwa Abuhurairah Allah asangalale naye adati adayankhula Mtumiki Muhammad madalitso ndi mtendere zikhale pa iye Kuti : anthu anayi amadzuka ali mu Mkwiyo wa Allah ndipo kumawadera ali mu Mkwiyo wa Allah, ndidafunsa ( ofunsayo adali Abuhurairah yemwe akutifotokozera Hadithiyi ) kuti : ndi ndani amenewo Eeeh inu Mtumiki wa Allah ? ( omwe kumawachera ndikuwadera ali mu Mkwiyo wa Allah ) Mtumiki adayankha nati : amuna omwe amadzifanizira ndi Akazi ( posintha maonekedwe awo kapena kusintha mawu ndikumaveka achikazi kapena kuvala zovala za akazi ) ndi akazi omwe amadzifanizira ndi amuna,ndi ochita Chisembwere ndi Chinyama Ndi ogonana ndi amuna anzawo ( ochita mathanyula ) . ( anthu amenewa kumawachera ndi kuwadera ali mu mkwiyo wa Allah ).

Kupha Chinyama chomwe chachitidwa chiwerewere ndi munthu
_________________

Ma Scholar a chisilamu adasephana maganizo zokhudza Kupha Chinyama chomwe chachitidwa chiwerewere ndi munthu motere 👇🏼

1️⃣--osatira a Imaam Malik رحمه الله adati si chikakamizo Kupha Chinyama chomwe chachitidwa chiwerewere ndi munthu,Chifukwa palibe umboni ulionse pa Sharia omveka bwino olamula zozinga Chinyama chotero.

2️⃣-- otsatira a Imaam Abu Hanifa رحمه الله adati : ngati kuti Chinyamacho ndi cha munthu yemwe adachichita chiwerewereyo zidzakakamizika kuchizinga kuti Anthu asapeze zoyankhula akachiona Chinyamacho atha kumati '' auje aja adachita chiwerewere ndi Chinyama ichii '' ndi zina zotero,pomwe ngati Chinyamacho si chake sizikakamizika kuchizinga.

3️⃣--otsatira a Imaam Shafie رحمه الله adagawikana pawiri : ena mwa Iwo adati Chinyama chomwe chachitidwa chiwerewerecho ngati chili mu gulu lazinyama zodyedwa ( Monga mbuzi,Ng'ombe,nkhosa,Ngamira ndi zina zotero ...) Chizazingidwa ndipo ngati chili chosadyedwa ( Monga galu,bulu...) Sichizazingidwa ayi, pomwe ena mwa otsatira a Imaam Shafie omwewa adati Chinyama chomwe chachitidwa chiwerewere ndi munthu chidzazingidwa ndi Chimodzi modzi kuti ndi Chinyama chodyedwa kapena chosadyedwa ndi Cholinga chobisa zoyankhula za Anthu akachiona Chinyamacho.

4️⃣--Otsatira a Imaam Ahmad Ibn Hanbal adati : ndi chikakamizo kuzinga Chinyama chomwe chachitidwa chiwerewere ndi munthu chimodzi modzi kuti ndi Chinyama chake ( cha ochitayo ) kapena si chake,ndi Chimodzi modziso kuti chimadyedwa kapena sichidyedwa,ndipo adzalipira ngati Chinyamacho chili cha munthu wina Chifukwa chomuluzitsa nzake pa katundu wake ,zili Choncho Chifukwa chakuti pa Sharia munthu akaononga katundu wa nzake amayenera kulipira,ndiye kuphedwa kwa Chinyamako kwachitika Chifukwa chakuti iyeyo wachita nacho Chisembwere ndiye adzalipira ,Chonchoso padzayang'anidwa mtengo wake,mwachitsanzo ngati ili Ng'ombe yomwe adachita nayo Chisembwereyo adzalipira mtengo wake,Ngati ili mbuzi kapena Nkhosa adzalipira mitengo yakeso .

Mwina ena ndikumati nanga popeza masiku ano samayendera Malamulo a chisilamu ndiye munthu akapanga zimenezi zidzakhala bwanji ? poyankha tinene kuti : chomwe tingadziwe ndi chakuti Mchitidwe ulionse onyasa ndi oletsedwa ,choncho ukapulumuka ku Chilango cha pa dziko lapansi chifukwa cha malamulo omwe dzikolo limayendera pakukhala kuti siliyendera Malamulo a Allah, sizikutanthauza kuti udzapulumukaso kwa Allah ayi kotero chilangocho chidzasungidwa kudikira tsiku la Chiweruzo limodzi ndikukhala otembeleledwa pa dziko lapansi chifukwa cha Mchitidwe onyasawo,ndipo ngati Sitingamuope Allah pa zomwe akutiletsa tisakaikire za kutigwera chilango cha Allah mu njira zosiyanasiyana zomwe ife sitingayembekezere ngakhale pang'ono.

هذا والله أعلى وأعلم
________________________________________