Contact information, map and directions, contact form, opening hours, services, ratings, photos, videos and announcements from Fit by Phyu, Personal coach, .
Perform-Max Training System,
Fat Loss Specialist MFTA team,
MFTA team at Certified Personal Trainer,
Bootylicious-Training Techniques and Programming To Build 3D Gluteus
21/04/2025
ပြည်ပကချစ်ရသော သင်တန်းသူလေးတွေ💛
ကိုယ်လုပ်မှကိုယ်ရမှာ ကြိုးစားရင်ကြိုးစားသလို ကိုယ့်အတွက်ကြီးပဲ တီချယ်က သေချာဂရုစိုက် နည်းပြလမ်းညွှန်ပေးမယ် ရှင်လေးတို့က သေချာလိုက်လုပ်ပေးယုံပဲ ဘယ်နှလနဲ့ဘာဖြစ်ပါမယ်ဆိုပြီး
ဂျင်းတော့မကျွေးတတ်ဘူး😆
စိတ်ပါဝင်စားပါက CBမှာ အသေးစိပ်မေးမြန်းစုံစမ်းနိုင်ပါတယ်ရှင်
One by One Home/Gym PT
One by One Online PT
Online Group Class
မိန်းမကိုယ် မွေးလမ်းကြောင်း ကြွက်သားများကို ကျစ်လစ်သန်မာစေပြီး တင်ပါးလေးလုံးဝန်းလှပချင်သူများအတွက် ဆော့သင့်သောလေ့ကျင့်ခန်း
နှစ်ဆယ်ကြိမ် လေးကျော့ ဆော့ပေးရပါမယ်ရှင်
30/04/2024
အမျှင်ဓာတ်ပါဝင်တဲ့အစားအစာတွေကို ဘာကြောင့်စားသင့်သလဲ...?
အမျှင်ဓာတ်မြင့်မားစွာပါဝင်တဲ့အစားအစာတွေက ကျွန်တော်တို့ရဲ့ ကျန်းမာရေးကိစ္စအ၀၀မှာ မရှိမဖြစ်လိုအပ်ပါတယ်။ အမျှင်ဓာတ်ပါသောအစားအစာများက ကျွန်တော်တို့ခန္ဓာကိုယ်ထဲကရောဂါများနဲ့ နာမကျန်းမှုများကို ကူညီတိုက်ဖျက်ပေးနိုင်ပြီး ဝိတ်ကျဖို့လည်း ကူညီပေးနိုင်ပါတယ်။ အစာကိုအချိန်အတော်ကြာအောင် ပြည့်အင့်နေစေပါတယ်။ သင့်ရဲ့အစာစားတဲ့ပုံစံကိုပြောင်းလဲပစ်ချင်တယ်ဆိုရင်တော့ အမျှင်ဓာတ်များတဲ့အစားအစာကို ထည့်သွင်းစားသုံးသင့်ပါတယ်။ ဝမ်းချုပ်ခြင်ကိုလည်း ကာကွယ်နိုင်ပါတယ်။
အမျှင်ဓာတ်ကို ဘာကြောင့်လိုအပ်တာလဲ။
အမျှင်ဓာတ်များပြားတဲ့အစားအစာတွေက ပုံမှန်အစာချေနိုင်ဖို့အတွက် မရှိမဖြစ်အရေးပါပါတယ်။ ဝိတ်ကို ထိန်းပေးနိုင်ပါတယ်။ သွေးထဲကသကြားဓာတ်ကိုလည်း ထိန်းညှိပေးနိုင်ပါတယ်။၊
ကိုလက်စထရောကိုလည်း ထိန်းပေးနိုင်ပါတယ်။ အမျှင်ဓာတ်
များပြားတဲ့အစားအစာတွေကို စားသုံးခြင်းက ကင်ဆာရောဂါဖြစ်ပွားမှုကိုလည်း လျော့ကျစေနိုင်ပါတယ်။ အမျှင်ဓာတ်မြင့်မားစွာပါဝင်တဲ့အစားအစာတွေက ကျွန်တော်တို့ကို ဗီတာမင်ဓာတ်နဲ့ သတ္တုဓာတ်တွေကိုလည်း ထောက်ပံ့ပေးနိုင်တဲ့အတွက် ခုခံအားစနစ်အတွက် အကောင်းဆုံးပါပဲ။
အမျှင်ဓာတ်က ဘယ်လိုမျိုးလုပ်ဆောင်ပေးသလဲ။
အမျှင်ဓာတ်က ကာဗွန်ဟိုက်ဒရိတ်နဲ့ဆင်တူပါတယ်။ ဒါပေမယ့် starches တွေနဲ့မတူပါဘူး။ ကယ်လိုရီမပါဝင်ပါဘူး။ အမျှင်ဓာတ်တွေက ရေကိုစုပ်ယူတယ်။ အစာခြေလမ်းကြောင်းထဲမှာ ပြည့်အင့်နေစေပါတယ်။ ရေဓာတ်စုပ်ယူမှုကိုများစေတဲ့အတွက် ဝမ်းချုပ်ခြင်းကို ကာကွယ်နိုင်ဖို့ အမျှင်ဓာတ်များတဲ့အစားအစာကို စားသုံးသင့်ပါတယ်။
အမျှင်ဓာတ် ၂မျိုးရှိပါတယ်။ ရေမှာပျော်ဝင်တဲ့အမျှင်ဓာတ်နဲ့ မပျော်ဝင်နိုင်တဲ့အမျှင်ဓာတ်ဖြစ်ပါတယ်။ ရေမှာပျော်ဝင်တဲ့အမျှင်ဓာတ်က ရေထဲမှာ
ဂျယ်ပုံစံနဲ့ပျော်ဝင်ပါတယ်။ သွေးထဲက ကလူးကို့စ်နဲ့ကိုလက်စထရော
ဓာတ်ကို လျော့ကျဖို့ကူညီပေးပါတယ်။ ရေမှာမပျော်ဝင်တဲ့အမျှင်ဓာတ်ကတော့ အူလမ်းကြောင်းတစ်လျှောက်မှာ အစာတွေသယ်ယူရွေ့လျားမှုလွယ်ကူဖို့ ကူညီပေးပါတယ်။
အမျှင်ဓာတ်ပါဝင်မှုများတဲ့အစားအစာတွေကတော့….
အသီးအနှံတွေ(ပန်းသီး၊ သစ်တော်သီး၊ လိမ္မော်သီး၊ စတော်ဘယ်ရီ၊ စပျစ်သီး၊ ခရမ်းချဉ်သီး) ဟင်းသီးဟင်းရွက်တွေ(ပန်းပွင့်စိမ်း၊ ကန်စွန်းဥ၊ ဂေါ်ဖီထုပ်၊ သခွားသီး၊ အစိမ်းရင့်ရောင်အရွက်များ၊ ဖရုံသီး၊ ဥနီ) ပဲအမျိုးမျိုးပဲဖြစ်ပါတယ်။ အုတ်ဂျုံ၊ ဂျုံ၊ အစေ့အဆံ၊ ဆန်လုံးညို၊ အခွံမာသီးနဲ့ flax seeds တွေမှာလည်း ပါဝင်ပါတယ်။
သင့်ရဲ့ဝိတ်လျှော့မယ့်အစီအစဉ်ထဲမှာတော့ အမျှင်ဓာတ်များတဲ့အစားအစာကို ထည့်သွင်းစားသုံးသင့်ပါတယ်။ အမျှင်ဓာတ်က ကယ်လိုရီမပါဝင်ဘဲ အစာချေစနစ်ကို ကောင်းမွန်စေပါတယ်။ အမျှင်ဓာတ်က သင့်ကို အချိန်အတော်ကြာအောင် ဗိုက်ပြည့်နေစေတဲ့အတွက် မကြာခဏဗိုက်ဆာခြင်းကို တားဆီးပေးပါတယ်။
12/04/2024
သက်ြန်ပိတ်ရက် အသိပေးကြေငြာခြင်း
08/04/2024
ခိုတွေပေးတဲ့ ပြသနာ
...........................
မြန်မာနိုင်ငံမှာ ခိုစာကျွေးတာ ပေါ်ပြူလာ ဖြစ်ပါတယ်။
ဘာကြောင့် ခိုစာကျွေးကြသလဲ.....
(၁) ချစ်လို့
(၂) ကုသိုလ်ရအောင်လို့
(၃) ယတြာချေ ခိုင်းလို့
နိုင်ငံတကာမှာ ခိုတွေကို တော်တော်လေး ကန့်သတ်ထိန်းချုပ် ကြပါတယ်။ ဘာကြောင့်လဲ .....
ခိုတွေမှာ ပိုးမွှားတွေ အများကြီး သယ်ဆောင်ထားလို့ပါ။
(၁) Bird mites (ငှက်လှေး)
(၂) Pigeon ticks (ခိုမွှား)
(၃) Bird fleas (ငှက်သန်း)
(၄) ဘတ်တီးရီးယား ပိုးများ
(၅) ဗိုင်းရပ်စ် ပိုးများ
လှေး မွှား သန်း တွေကို အကောင်သေးလို့ အထင်မသေးပါနဲ့။
လူ့ အရေပြားမှာ စိုက်ဝင်နေပြီး ညစဥ်ညတိုင်း သင့်သွေးတွေကို စုပ်နေမှာပါ။ (ညဘက်မှာ အဓိက အစာရှာထွက်ပါတယ်)
လူ့ရဲ့ ခြေထောက် နဲ့ လက်နဲ့ ကို အဓိက ကိုက်တတ်ပါတယ်။
သင်ဟာ ညဘက်မှာ ခြေလက်တွေ ယားလေ့ရှိရင် သတိထားပါ။ ယားတဲ့နေရာကို ကုတ်လိုက်ရင် အဖုအပိန့်တွေ အစဥ်းကြောင်းတွေ ထွက်လာတယ် ဆိုရင် သင် အကိုက်ခံရပါပြီ။
သင့်ရဲ့ သွေးတွေကို အစုပ်ခံနေရလို့ လူက ပုံမှန်အတိုင်း စားသောက် အိပ်စက်ပေမယ့် အားမရှိဘဲ နုံးချိနေတတ်ပါတယ်။
ခြေလက်မှာ အနီစက်တွေပေါ်ပြီး ယားတိုင်း ခြင်ကိုက်တယ်လို့ မထင်ပါနဲ့နော်။ ခြင်ကိုက်တာလား လှေးတွေ မွှားတွေကိုက်တာလား ခွဲခြားလို့ရအောင် ခွဲခြားနည်း ဇယားကွက်လည်း အောက်မှာ ထည့်ထားပေးပါတယ်။
ညဘက်အိပ်ပျော်နေချိန်မှာ ခန္ဓာကိုယ်နဲ့ သွေးက ယားယံနေတဲ့အတွက် နှစ်ခြိုက်စွာ အိပ်မပျော်တော့ဘဲ မနက် အိပ်ရာထချိန်မှာ ညမအိပ်ထားရသေးသလိုမျိုး မူးနောက်နောက် ခံစားရတတ်ပါတယ်။
အဲ့ဒီ့ အကောင်လေးတွေကို သာမန်မျက်စိနဲ့ မြင်နိုင်ဖို့ ခက်ပေမယ့် သူတို့ ထုတ်တဲ့ အဆိပ်ဓာတ်က ကြောက်စရာပါ။
သူတို့ရဲ့ အဆိပ်ကြောင့် သွေးယားစေပါတယ်။
Allergy (အလာဂျီ) ဖြစ်တာနဲ့ ဆင်တူပါတယ်။
ဒါကြောင့် အကြောင်းရင်း တစ်စုံတစ်ရာ ရှာမတွေ့ဘဲ မကြာခန Allergy ရတတ်တယ်ဆိုရင် ဒီအကောင်တွေကြောင့် ဖြစ်နိုင်တယ်လို့ အဂ်လန် မှ ပညာရှင်များက ပြောထားပါတယ်။
မကြာခန ယားလွန်းလို့ အရေပြားဆေးခန်း ပြနေရရင် သတိထားသင့်ပါတယ်။ ယားလွန်းလို့ ကုတ်ဖဲ့ရင်လည်း အနာတွေ ဖြစ်တတ်ပါသေးတယ်။
ဒီအကောင်လေးတွေဟာ သွေးကို ပုံမှန်စုပ်နေရမယ်ဆိုရင် ၃ လအထိ အသက်ရှည်ပါတယ်။ ၃ လအတွင်း ဘယ်လောက်အထိ မျိုးပွားမလဲ ဆိုတာကတော့ မတွေးရဲစရာပါဘဲ။
ဒီသန်းတွေ လှေးတွေက ခုန်တတ်ပါတယ်။
အလျားလိုက် ဆိုရင် (၁၃)လက်မ အကွာအဝေးအထိ ခုန်နိုင်တယ်။ ဒေါင်လိုက်ဆိုရင် (၇)လက်မ အထိ ခုန်နိုင်တယ်။
ခိုမှ တဆင့် လူဆီကို ကပ်ပါလာမယ်။ လူ့ရဲ့ အိမ်ထဲ ရောက်လာမယ်။ အိမ်ထဲမှာ မှောင်တဲ့နေရာ၊ ချောင်ကျတဲ့နေရာ၊ လေဝင်လေထွက်နည်းတဲ့ နေရာမှာ အသိုက်ဖွဲ့ပါတော့တယ်။
အိမ်တံခါးဘောင်တွေ၊ အိမ်ခေါင်မိုးတွေ၊ မျက်နှာကျက်တွေ၊ သစ်သားကြမ်းပြင်တွေ၊ ထုတ်တန်းတွေ မှာ အဓိက နေတတ်တယ်။လူအနံ့ရမှ လူပေါ်ကို ခုန်တက်လာပြီး ကိုက်ပါတော့တယ်။ သွေးစုပ်လို့ ဝသွားရင် သူ့အသိုက်ကို ပြန်ပါတယ်။
ဒါဆို ခိုက ဘာမှ မဖြစ်ဘူးလား ????
သန်း လှေး မွှားတွေက ခိုရဲ့ သွေးကိုလည်း စုပ်ယူပါတယ်။
ဘတ်တီးရီးယားနဲ့ ဗိုင်းရပ်စ်တွေကို တော့ ခိုက ကယ်ရီယာ လုပ်ပေးပါတယ်။ ကြက်ငှက်တုပ်ကွေးရောဂါကို ကြားဖူးကြမှာပါ။ ခိုကတဆင့် လူတွေဆီ ကူးစက်ပြီး ကပ်ရောဂါအဆင့်အထိ ဖြစ်ပွားတတ်ပါတယ်။
ခိုမွေးတဲ့သူတွေ၊ ခိုစာကျွေးတဲ့သူတွေ
ကိုယ့်အန္တရာယ် ကိုယ်မြင်ကြပါစေ။
🔹ချစ်လို့ ခိုမွေးမယ်ဆိုရင် စနစ်တကျ မွေးတတ်အောင် လေ့လာပါ။
🔹 ကုသိုလ်ရအောင် ခိုစာကျွေးတယ်ဆိုရင် တခြားနည်းနဲ့ ကုသိုလ်ယူပါ။
🔹တနလ်ာနံကို အစာကျွေးရမယ် ဆိုရင် ငါးအစာ ကျွေးပါ။
ခြင်အကိုက်ခံတာလည်း တနလ်ာနံကို အစာကျွေးတာဘဲနော် 😂
လူတွေအစာမကျွေးလည်း ခိုတွေက ရှာစားတတ်ပါတယ်။ ခိုတွေ သေမသွားပါဘူး။
ခိုစာ မဖြစ်မနေ ကျွေးကိုကျွေးရမှ ဆိုရင်တော့
PPE ဝတ်ပါ။ N95 mask တပ်ပါ။ ပြီးရင် အစာသွားကျွေးပါ။
ကိုယ့်အနီးအနားမှာ ခိုအသိုက်ရှိတယ်ဆိုရင်တော့ သူအသိုက်ပြောင်းမလား၊ ကိုယ်အိမ်ပြောင်းမလား စဥ်းစား။
ကိုယ့်အိမ်ရှေ့အိမ်အနီးမှာ ခိုစာကျွေးကြသူတွေရှိရင်တော့ အဲ့လူတွေကို နားလည်အောင် ပြောပြပါ။ စည်းရုံးပါ။
ပြေလို့မရရင်တော့ နေ့တိုင်း မေတ္တာ များများပို့ပါလေ။
ကျွန်မလည်း မေတ္တာပို့ပါတယ်။ သူတို့က ကျွန်မအိမ်ရဲ့ sunshade ပေါ်ကို နေ့တိုင်း ဆန်တွေကြဲချပြီး ခိုစာကျွေးလို့ ကျွန်မအိမ်မှာ အကောင်တွေ အများကြီး အသိုက်ဖွဲ့နေပြီလေ။ 😫
ကျန်းမာကြပါစေ။ ချမ်းသာကြပါစေ။
ကျွန်မလည်း အသေဝနာ စဗာလာနံ ဟူသော မဂ်လာနဲ့ ပြည့်စုံ၍ ဗာလနံ လူမိုက်တို့နှင့် အမြန်ဆုံး ဝေးဝေးနေနိုင်ပါစေ....
ခွေးသန်း၊ ကြောင်သန်းတွေ အကြောင်းလည်း ရေးဦးမယ်။
သန်းတွေ လှေးတွေကို ဘယ်လို သုတ်သင်ရမလဲ ဆိုတာလည်း ရေးပါဦးမယ်။
Dr.KhineSandarMaw
16-11-2021
(သက်ဆိုင်သူများသို့)
04/04/2024
အမျှင်ဓာတ်ပါဝင်တဲ့အစားအစာတွေကို ဘာကြောင့်စားသင့်သလဲ...?
အမျှင်ဓာတ်မြင့်မားစွာပါဝင်တဲ့အစားအစာတွေက ကျွန်တော်တို့ရဲ့ ကျန်းမာရေးကိစ္စအ၀၀မှာ မရှိမဖြစ်လိုအပ်ပါတယ်။ အမျှင်ဓာတ်ပါသောအစားအစာများက ကျွန်တော်တို့ခန္ဓာကိုယ်ထဲကရောဂါများနဲ့ နာမကျန်းမှုများကို ကူညီတိုက်ဖျက်ပေးနိုင်ပြီး ဝိတ်ကျဖို့လည်း ကူညီပေးနိုင်ပါတယ်။ အစာကိုအချိန်အတော်ကြာအောင် ပြည့်အင့်နေစေပါတယ်။ သင့်ရဲ့အစာစားတဲ့ပုံစံကိုပြောင်းလဲပစ်ချင်တယ်ဆိုရင်တော့ အမျှင်ဓာတ်များတဲ့အစားအစာကို ထည့်သွင်းစားသုံးသင့်ပါတယ်။ ဝမ်းချုပ်ခြင်ကိုလည်း ကာကွယ်နိုင်ပါတယ်။
အမျှင်ဓာတ်ကို ဘာကြောင့်လိုအပ်တာလဲ။
အမျှင်ဓာတ်များပြားတဲ့အစားအစာတွေက ပုံမှန်အစာချေနိုင်ဖို့အတွက် မရှိမဖြစ်အရေးပါပါတယ်။ ဝိတ်ကို ထိန်းပေးနိုင်ပါတယ်။ သွေးထဲကသကြားဓာတ်ကိုလည်း ထိန်းညှိပေးနိုင်ပါတယ်။၊ ကိုလက်စထရောကိုလည်း ထိန်းပေးနိုင်ပါတယ်။ အမျှင်ဓာတ်များပြားတဲ့အစားအစာတွေကို စားသုံးခြင်းက ကင်ဆာရောဂါဖြစ်ပွားမှုကိုလည်း လျော့ကျစေနိုင်ပါတယ်။ အမျှင်ဓာတ်မြင့်မားစွာပါဝင်တဲ့အစားအစာတွေက ကျွန်တော်တို့ကို ဗီတာမင်ဓာတ်နဲ့ သတ္တုဓာတ်တွေကိုလည်း ထောက်ပံ့ပေးနိုင်တဲ့အတွက် ခုခံအားစနစ်အတွက် အကောင်းဆုံးပါပဲ။
အမျှင်ဓာတ်က ဘယ်လိုမျိုးလုပ်ဆောင်ပေးသလဲ။
အမျှင်ဓာတ်က ကာဗွန်ဟိုက်ဒရိတ်နဲ့ဆင်တူပါတယ်။ ဒါပေမယ့် starches တွေနဲ့မတူပါဘူး။ ကယ်လိုရီမပါဝင်ပါဘူး။ အမျှင်ဓာတ်တွေက ရေကိုစုပ်ယူတယ်။ အစာခြေလမ်းကြောင်းထဲမှာ ပြည့်အင့်နေစေပါတယ်။ ရေဓာတ်စုပ်ယူမှုကိုများစေတဲ့အတွက် ဝမ်းချုပ်ခြင်းကို ကာကွယ်နိုင်ဖို့ အမျှင်ဓာတ်များတဲ့အစားအစာကို စားသုံးသင့်ပါတယ်။
အမျှင်ဓာတ် ၂မျိုးရှိပါတယ်။ ရေမှာပျော်ဝင်တဲ့အမျှင်ဓာတ်နဲ့ မပျော်ဝင်နိုင်တဲ့အမျှင်ဓာတ်ဖြစ်ပါတယ်။ ရေမှာပျော်ဝင်တဲ့အမျှင်ဓာတ်က ရေထဲမှာ ဂျယ်ပုံစံနဲ့ပျော်ဝင်ပါတယ်။ သွေးထဲက ကလူးကို့စ်နဲ့ကိုလက်စထရောဓာတ်ကို လျော့ကျဖို့ကူညီပေးပါတယ်။ ရေမှာမပျော်ဝင်တဲ့အမျှင်ဓာတ်ကတော့ အူလမ်းကြောင်းတစ်လျှောက်မှာ အစာတွေသယ်ယူရွေ့လျားမှုလွယ်ကူဖို့ ကူညီပေးပါတယ်။
အမျှင်ဓာတ်ပါဝင်မှုများတဲ့အစားအစာတွေကတော့….
အသီးအနှံတွေ(ပန်းသီး၊ သစ်တော်သီး၊ လိမ္မော်သီး၊ စတော်ဘယ်ရီ၊ စပျစ်သီး၊ ခရမ်းချဉ်သီး) ဟင်းသီးဟင်းရွက်တွေ(ပန်းပွင့်စိမ်း၊ ကန်စွန်းဥ၊ ဂေါ်ဖီထုပ်၊ သခွားသီး၊ အစိမ်းရင့်ရောင်အရွက်များ၊ ဖရုံသီး၊ ဥနီ) ပဲအမျိုးမျိုးပဲဖြစ်ပါတယ်။ အုတ်ဂျုံ၊ ဂျုံ၊ အစေ့အဆံ၊ ဆန်လုံးညို၊ အခွံမာသီးနဲ့ flax seeds တွေမှာလည်း ပါဝင်ပါတယ်။
သင့်ရဲ့ဝိတ်လျှော့မယ့်အစီအစဉ်ထဲမှာတော့ အမျှင်ဓာတ်များတဲ့အစားအစာကို ထည့်သွင်းစားသုံးသင့်ပါတယ်။ အမျှင်ဓာတ်က ကယ်လိုရီမပါဝင်ဘဲ အစာချေစနစ်ကို ကောင်းမွန်စေပါတယ်။ အမျှင်ဓာတ်က သင့်ကို အချိန်အတော်ကြာအောင် ဗိုက်ပြည့်နေစေတဲ့အတွက် မကြာခဏဗိုက်ဆာခြင်းကို တားဆီးပေးပါတယ်။
01/04/2024
အကြောလျှော့ဖို့ ဘာကြောင့်လိုအပ်တာလဲ...?
ခန္ဓာကိုယ် ကြံ့ခိုင်ဖို့အတွက် ကြွက်သားတည်ဆောက်ဖို့ပဲ အရေးကြီးတာ မဟုတ်ပါဘူး။ ကြွက်သားတွေ ပျော့ပျောင်းမှုရှိဖို့လည်း အရေးကြီးပါသေးတယ်။ ကြွက်သားတွေ ပျော့ပျောင်းဖို့အတွက်ကိုတော့ အကြောလျှော့
ခြင်းက ကူညီပေးနိုင်ပါလိမ့်မယ်။
အကြောလျှော့တယ်ဆိုတာ အားကစားသမားတွေနဲ့ လေ့ကျင့်ခန်းလုပ်တဲ့သူတွေပဲ လုပ်ရတဲ့အလုပ်လို့ ထင်နေကြပါလိမ့်မယ်။ တကယ်က လူတိုင်းလုပ်ရမယ့်အလုပ်ပါ။ ခန္ဓာကိုယ်ကြွက်သားတွေ ကောင်းကောင်းလှုပ်ရှားနိုင်ဖို့နဲ့ ဒဏ်မဖြစ်ဖို့အတွက် လူတိုင်း အကြောလျှော့ပေးဖို့ လိုအပ်ပါတယ်။
>> ဘာကြောင့် အကြောလျှော့ဖို့ အရေးကြီးတာလဲ?
အကြောလျှော့ခြင်းဟာ ကြွက်သားတွေကို ပျော့ပျောင်းစေပါတယ်။ ကြွက်သားပျော့ပျောင်းမှသာ အဆစ်တွေ ကောင်းကောင်းလှုပ်ရှားလို့ရမှာပါ။ ပျော့ပျောင်းမှုမရှိရင် ကြွက်သားတွေဟာ တောင့်တင်းနေပြီးတော့ လှုပ်ရှားလိုက်ရင် ကြွက်သားတွေဒဏ်ဖြစ်ပြီးတော့ ပျက်စီးနိုင်ပါတယ်။ ဒဏ်ဖြစ်သွားတဲ့ကြွက်သားဟာ အဆစ်တွေကို အထောက်အပံ့ မပေးနိုင်တော့လို့ အဆစ်တွေပါ ထိခိုက်ဒဏ်ရာရလာပါတယ်။ ဒါကြောင့် ကြွက်သားနဲ့အဆစ်တွေကို ကာကွယ်ဖို့အတွက် အကြောလျှော့ပေးဖို့ အရေးကြီးတာပါ။
>> ခန္ဓာကိုယ်ရဲ့ဘယ်ကြွက်သားတွေကို အကြောလျှော့ပေးဖို့ လိုသလဲ?
တစ်ကိုယ်လုံးမှာရှိတဲ့ ကြွက်သားတွေကို အကြောလျှော့ပေးဖို့ မလိုပါဘူး။ လှုပ်ရှားသွားလာဖို့ အရေးပါတဲ့ကြွက်သားတွေကိုပဲ အကြောလျှော့ပေးပါ။ ခြေသလုံးကြွက်သား၊ ပေါင်ရှေ့နောက်ရှိကြွက်သားများ၊ တင်ပဆုံရိုးကြွက်သား စတာတွေကို လုပ်ပေးရင် လုံလောက်ပါပြီ။ ခန္ဓာကိုယ်အပေါ်ပိုင်းမှာတော့ ပခုံး၊ လည်ပင်းနဲ့ နောက်ကျောတို့ကို အကြောလျှော့ပေးပါ။
>> တစ်ပတ်ကို ဘယ်နှကြိမ်လုပ်ရမလဲ?
နေ့တိုင်းလုပ်ရင် ပိုကောင်းပါတယ်။ မလုပ်နိုင်ဘူး၊ ဒါမှမဟုတ် လုပ်ဖို့အချိန်မရှိဘူးဆိုရင် တစ်ပတ်ကို သုံး၊ လေးကြိမ်လောက်တော့ လုပ်ပေးပါ။
>> ဘယ်လောက်ကြာကြာလုပ်ရမှာလဲ?
တစ်ကြိမ်တည်းလုပ်ရုံနဲ့တော့ မပျော့ပျောင်းနိုင်ပါဘူး။ အပတ်ပေါင်းများစွာ၊ လပေါင်းများစွာကြာအောင် အချိန်ယူရပါတယ်။ တကယ်လို့ ကြွက်သားတွေ ပျော့ပျောင်းသွားပြီဆိုရင်တောင်မှ ဒီပျော့ပျောင်းမှုကို ထိန်းသိမ်းထားနိုင်ဖို့ ဆက်လက်လုပ်ဆောင်နေရဦးမှာပါ။
>> အကြောလျှော့တာကို ဘယ်လိုလုပ်ရမှာလဲ?
အကြောလျှော့ခြင်းကိုယ်တိုင်က လေ့ကျင့်ခန်းလုပ်တာပါ။ ဒါကြောင့် အကြောမလျှော့ခင် ကြွက်သားတွေ သွေးပူအောင်လုပ်ပေးဖို့ လိုပါလိမ့်မယ်။ အကြောမလျှော့ခင်မှာ ခပ်သွက်သွက် လမ်းလျှောက်တာမျိုးစတဲ့ ပေါ့ပေါ့ပါးပါး ကိုယ်လက်လှုပ်ရှားမှုတစ်ခုကို (၅) မိနစ် သို့မဟုတ် (၁၀) မိနစ်ခန့် လုပ်ပေးပါ။
အကြောလျှော့တဲ့ ပုံမှန်အမှန်ကိုသိအောင် အရင်လေ့လာပါ။ ကြွက်သားတစ်ခုကို အကြောလျှော့ရင် စက္ကန့် (၃၀) လောက် ထိန်းထားပါ။ ပုံစံမပြောင်းလိုက်ပါနဲ့။ ဒီလိုလုပ်တာဟာ ကြွက်သားကို ထိခိုက်ဒဏ်ရာရစေပါတယ်။
အကြောလျှော့နေတဲ့အချိန်မှာ ကြွက်သားတင်းတာကို ခံစားရပါလိမ့်မယ်။ ဒါပေမဲ့ နာကျင်တာကိုတော့ ခံစားရမှာ မဟုတ်ပါဘူး။ အကယ်၍ ကြွက်သားနာကျင်တာကို ခံစားရရင် ကြွက်သားထိခိုက်ဒဏ်ရာရတာ ဖြစ်နိုင်လို့ အကြောလျှော့တာကို ရပ်လိုက်ပြီး ဆရာဝန်နဲ့ပြပါ။
31/03/2024
2024 လဲရောက်လာပြီ အသီးလေးနည်းနည်း အရွက်လေးနည်းနည်းပဲစားပြီး ဝိတ်ချနေတုန်းပဲလား? 🙄
ပိုထိရောက်ပြီး ပိုလျှင်မြန်တဲ့နည်းလမ်းတွေရှိနေတဲ့ကြားထဲမှာမှ ကျွန်တော်တို့အများစုက အငတ်ခံပြီးအစားစားမှ ဝိတ်ကျမယ်လို့ခံယူထားကြတုန်းပါပဲ။ 😩 ဝိတ်ကျဖို့အတွက် အဓိကအရေးကြီးဆုံးကတော့ မိမိရဲ့ စိတ်ပိုင်းဆိုင်ရာပဲဖြစ်ပါတယ်။ စိတ်မရှည်ဘူး ကျွန်တော်၊ ကျွန်မတို့က ဝိတ်ကိုအမြန်ကျချင်တာဆိုတာမျိုး အချိန်အနည်းငယ်လုပ်ပြီး စိတ်မနိုင်တော့လို့ ဆက်မလုပ်ဖြစ်တော့တာမျိုးတွေက ဝိတ်ချတဲ့သူအများစုမှာ ကြုံတွေ့နေရတဲ့ ပြဿနာတွေပါ။ ယနေ့ခေတ်မှာ ပိုမိုကောင်းမွန်တဲ့ နည်းလမ်းပိုမှန်တဲ့ ကျန်းမာရေးနဲ့အညီ ဝိတ်ချတဲ့နည်းလမ်းတွေများစွာရှိလာပါပြီ။ အဲ့ဒီနည်းလမ်းတွေထဲမှာမှ တစ်ခုကတော့ Calorie Deficit ပဲဖြစ်ပါတယ်။ 🤩
Calorie Deficit ဆိုတာဘာလဲ?
Calorie Deficit ဆိုတာ အစားရှောင်စရာမလိုပဲ စားချင်တာစားနေလဲ ဝိတ်ကျတဲ့ ဝိတ်ချနည်း ပရိုဂရမ်တစ်ခုဖြစ်ပါတယ်။ ခင်ဗျားဟာက
ဟုတ်ပါ့မလား? 😒 စားချင်တာစားနေမှတော့ ဘယ်မှာဝိတ်ကျပါ့မလဲဆို၊ ဟုတ်ပါတယ် စားချင်တာစားလို့ရပါတယ် အများကြီး စိတ်ရှိတိုင်းအားရပါးရစားလို့မရတာပါ။ တစ်နည်းအားဖြင့် ကျွန်တော်တို့တစ်နေ့တာစားသမျှ အစားအသောက် အကုန်လုံးကိုတွက်ချက်ပြီး သင့်တင့်မျှတစွာ စားသုံးပြီး ဝိတ်ချတဲ့နည်းလမ်းကို Calorie Deficit လို့ခေါ်ပါတယ်။ 😉
ကျွန်တော်တို့ဟာ တစ်နေ့တာလှုပ်ရှားသွားလာ နေထိုင်ဖို့စွမ်းအင်လိုအပ်ပါတယ်။ အဲ့ဒီလိုအပ်တဲ့စွမ်းအင်ကို ကျွန်တော်တို့စားသောက်နေတဲ့ အစားအသောက်တွေကနေ ရရှိပါတယ်။ အဲ့တာကို Calorie လို့ခေါ်ပါတယ်။ လူတစ်ယောက်ဟာ သူ့ရဲ့အသက်အရွယ်၊ အရပ်အနိမ့်အမြင့်၊ ကိုယ်အလေးချိန်၊ နောက်ပြီးတော့ တစ်နေ့တာလှုပ်ရှားမှုဘယ်လောက်ရှိလဲပေါ်မူတည်ပြီး တစ်ဦးနဲ့တစ်ဦးလိုအပ်တဲ့ Calorie စွမ်းအင်ပမာဏတွေ ကွာခြားကြပါတယ်။ တစ်ချို့လှုပ်ရှားမှုများတဲ့လူတွေက တစ်နေ့တာအတွက် ကယ်လိုရီ သုံး လေးထောင်အထိလိုအပ်နေပေမယ့် တစ်ချို့ကလဲ အသက်အရွယ်တူ၊ အရပ်အနိမ့်အမြင့်တူ၊ ကိုယ်အလေးချိန်တူတူလောက်မှာကို Calorie ၁၅၀၀၊ ၂၀၀၀ သာလိုအပ်နေပါတယ်။ 😳 လှုပ်ရှားမှုအတော်ကိုနည်းလို့ဖြစ်ပါတယ်။
ဆိုတော့ မိမိလက်ရှိ Weight ကိုချဖို့ဆုံးဖြတ်နေပြီဟေ့ဆိုရင် မိမိလိုအပ်နေတဲ့ Calorie ထက်ကျွန်တော်တို့ဟာလျှော့စားရပါတော့မယ်။ ဒီနေရာမှာ လေ့လာတွေ့ရှိချက်တွေအရ တစ်နေ့တာလိုအပ်တဲ့ Calorie ပမာဏထက် ပမာဏ ၅၀၀ ဝန်းကျင် လျှော့စားခြင်းကသာ ကျန်းမာရေးနဲ့အညီညွတ်ဆုံးဖြစ်ပါတယ်လို့ ဆိုထားပါတယ်။ ကိုယ်က တစ်နေ့တာအတွက် Calorie ပမာဏဘယ်လောက်လိုအပ်နေသလဲဆိုတာ သိချင်ရင် အောက်ကလင့်မှာ ဝင်ရောက်တွက်ကြည့်နိုင်ပါတယ်။ 👇
calculator.me/planning/weight-loss.php
အပေါ်မှာပြောခဲ့သလိုပဲ ဝိတ်ချတော့မယ်ဟေ့ဆိုရင် ဘယ်နည်းလမ်းကကောင်းသလဲ ဘယ်လိုချရင်ကောင်းမလဲဆိုတာတွေထက် မိမိစိတ်ကိုမိမိပြင်ဆင်ဖို့ အရေးအကြီးဆုံးပါပဲ။ စိတ်ရှည်ရပါမယ် စိတ်နိုင်ရပါမယ်။ 😕 အဲ့ဒီနှစ်ခုကို လုပ်နိုင်ပြီဟေ့ဆိုရင်တော့ ဝိတ်ကျဖို့က မခဲယဉ်းတော့ပါဘူး။