Islamia Model School Sub Campus Mian Mandi District Mohmand

تمام عالمِ اسلام کو عیدالاضحیٰ کی پُرنور خوشیاں مبارک!

یہ بابرکت دن ہمیں حضرت ابراہیمؑ اور حضرت اسماعیلؑ کی بے مثال اطاعت، صبر اور اللہ کی رضا کے لیے ہر چیز قربان کر دینے کے جذبے کی یاد دلاتا ہے۔
عیدالاضحیٰ صرف جانور کی قربانی کا نام نہیں بلکہ اپنے نفس، انا اور خواہشات کو اللہ کی رضا کے تابع کرنے کا پیغام بھی ہے۔

آئیے اس عید پر محبت، اخوت اور ہمدردی کو فروغ دیں، اپنے اردگرد موجود سفید پوش، یتیم اور مستحق افراد کو اپنی خوشیوں میں شامل کریں تاکہ عید کی مسکراہٹ ہر چہرے تک پہنچ سکے۔

اللہ تعالیٰ ہماری قربانیاں، عبادات اور دعاؤں کو اپنی بارگاہ میں شرفِ قبولیت عطا فرمائے اور ہمارے گھروں کو امن، برکت اور خوشیوں سے بھر دے۔
آمین یا رب العالمین

عیدالاضحٰی کی تعطیلات کا اعلان!!
تمام اساتذہ کرام، طلبہ کرام اور محترم والدین کو مطلع کیا جاتا ہے کہ اسلامیہ ماڈل سکول سب کیمپس میاں منڈی ضلع مہمند میں عیدالاضحٰی کی پرمسرت موقع پر چھٹیوں کا سلسلہ کل بروز پیر مورخہ 25 مئی سے 31 مئی تک جاری رہے گا۔
سکول یکم جون بروز پیر سے معمول کے مطابق کھولا رہے گا۔

اسلامیہ ماڈل سکول کی انتظامیہ کی طرف سے آپ سب کو پیشگی عید الاضحٰی مبارک! > اللہ تعالیٰ آپ کی قربانی اور عبادات کو اپنی بارگاہ میں قبول فرمائے۔ (آمین)

پرنسپل: اسلامیہ ماڈل سکول سب کیمپس میاں منڈی ضلع مہمند

💻✨ نئی شروعات، روشن مستقبل! ✨💻

اسلامیہ ماڈل سکول سب کیمپس میں کمپیوٹر کلاسز کا آغاز کر دیا گیا ہے۔
اب ہمارے طلبہ جدید ٹیکنالوجی اور کمپیوٹر تعلیم سے بھرپور فائدہ اٹھا سکیں گے۔ 📚🌐

ہماری کوشش ہے کہ بچوں کو صرف نصابی تعلیم ہی نہیں بلکہ جدید دور کی ضروری آئی ٹی اسکلز بھی سکھائی جائیں تاکہ وہ آنے والے کل کے کامیاب شہری بن سکیں۔ 🚀
کمپیوٹر بیسکس
🌟 ایم ایس آفس ٹریننگ
🌟 انٹرنیٹ اور ڈیجیٹل اسکلز
🌟 جدید تعلیمی ماحول
اسلامیہ ماڈل سکول — جہاں تعلیم ملے جدید انداز کے ساتھ۔

آئیں! اپنے بچوں کے بہتر اور کامیاب مستقبل کیلئے آج ہی اسلامیہ ماڈل سکول کا انتخاب کریں۔ 🌟

مورخہ: 21_مئی_2026

السلام علیکم محترم والدین!
امید ہے آپ سب خیریت سے ہوں گے۔
برائے مہربانی اپنے بچوں کے لیے عیدالاضحیٰ کے موقع پر چارسدہ وال چپل خریدیں،
کیونکہ یہ نہ صرف مضبوط اور پائیدار ہیں بلکہ مناسب قیمت میں بھی دستیاب ہیں۔ مزید یہ کہ سکول ڈسپلن کے مطابق چائنہ چپل سکول میں منع ہیں۔
*آپ کے تعاون کا شکریہ*

السلام علیکم محترم والدین اور عزیز طلباء!
جماعت دہم ( 10th )کے تمام طلبہ کو اطلاع دی جاتی ہے کہ نئے تعلیمی سیشن کا باقاعدہ آغاز ہوچکا ہے۔

لہٰذا تمام طلبہ کل سے اپنی حاضری کو یقینی بنائیں اور باقاعدگی کے ساتھ سکول آئیں۔
بحکم: پرنسپل اسلامیہ ماڈل سکول سب کیمپس، میاں منڈی، ضلع مہمند

اہم اطلاع برائے جماعت دہم!!
جماعت دہم کے تمام طلباء کرام کو مطلع کیا جاتا ہے کہ کل بروز پیر بتاریخ 11 مئی 2026 سے باقاعدہ کلاسز کا آغاز ہورہا ہے۔

لہذا تمام طلباء کل اپنی حاضری کو یقینی بنائیں۔

پرنسپل: اسلامیہ ماڈل سکول سب کیمپس میاں منڈی ضلع مہمند

اسلامیہ ماڈل سکول سب کیمپس میں طلبہ کی سہولت اور صحت کو مدِنظر رکھتے ہوئے گرمی سے بچاؤ کے لیے مزید پنکھے نصب کرنے کا فیصلہ کر لیا گیا ہے۔

اس اقدام کا مقصد تعلیمی ماحول کو مزید بہتر بنانا اور طلبہ کو خوشگوار، ٹھنڈا اور سازگار ماحول فراہم کرنا ہے تاکہ وہ اپنی تعلیم پر بھرپور توجہ دے سکیں۔

انتظامیہ کا کہنا ہے کہ طلبہ کی فلاح و بہبود ہماری اولین ترجیح ہے، اور ہم مسلسل ایسے اقدامات کرتے رہیں گے جو ان کے لیے آسانیاں پیدا کریں۔