Jana Neta Hemanta Kumar Deka Memorial Trust

জননেতা হেমন্ত কুমাৰ ডেকা সোঁৱৰণী ন্যাসৰ উদ্যোগত আৰু পুত্ৰ কিশোৰী নন্দন ডেকাৰ সৌজন্যত বুঢ়া, বৰবড়ী , বৰপথাৰ, ভেৰৱা আদি বিভিন্ন অঞ্চলত স্থানীয় ৰাইজৰ সহযোগত কালি ইং ১১/০৪/২০২৬ তাৰিখ শনিবাৰে জননেতা হেমন্ত কুমাৰ ডেকা দেৱৰ ৫৩ সংখ্যক জন্মদিন উপলক্ষে গছপুলি ৰোপণ কৰে। পঞ্চায়তী ৰাজ ব্যৱস্থাৰ দৰং জিলা পৰিষদৰ দুনী- দিপীলা জিলা পৰিষদ সমষ্টিৰ সদস্য ৰূপে তৃতীয় বাৰৰ বাবে প্ৰতিনিধিত্ব কৰাৰ সময়ত হেমন্ত কুমাৰ ডেকাই বিভিন্ন স্থানত উন্নয়ন মূলক কাম কৰিছিল। ইয়াৰ উদাহৰণ স্বৰূপে বৰবড়ী চ'কৰ ২৫ লাখ টকীয়া বজাৰ গৃহ, ভেৰুৱাত ৮ লাখ টকীয়া ৰাজহুৱা প্ৰেক্ষাগৃহ, ৩ লাখ ৮৫ হাজাৰ টকীয়া গভৰা নাথ চুবুৰীৰ ৰাজহুৱা স্থানৰ চৌহদৰ বেৰ,বুঢ়া প্ৰাথমিক বিদ্যালয়ৰ ১ লাখ টকা ব্যয়ৰে মূল তোৰণ নিৰ্মাণ, শ্ৰী শ্ৰী পদ্মাথান দেৱালয়ৰ পকী চৌহদ বেৰ নিৰ্মাণ ইত্যাদি। এই ঠাই সমূহত ৰাইজে কালি খুব সুন্দৰ ভাৱে তেওঁৰ জন্মদিনটো উদযাপন কৰে। লগতে অনাগত ভৱিষ্যতত তেখেতৰ নামত নিৰ্মাণ এন্যাসৰ সকলো সমাজ কল্যাণমুখী কাম কাজত ৰাইজে সহযোগ কৰিব বুলি জানিব দিয়ে।

জননেতা হেমন্ত কুমাৰ ডেকাৰ তৃতীয় কাৰ্যকালত পূৰ্ৱৰ দুনী- দিপীলা জিলা পৰিষদ সমষ্টিৰ ৰাইজলৈ আগবঢ়োৱা সেৱাৰ স্থান সমূহত কাইলৈ স্থানীয় ৰাইজৰ সহযোগত বৃক্ষ ৰোপণ কৰা হব। আপোনালোকক সেৱাৰে আমন্ত্ৰণ জনালোঁ।

Jana Neta Hemanta Kumar Deka Memorial Trust Hemanta Kumar Deka

আপোনালোকক জনাবলৈ পাই মই সুখ অনুভৱ কৰিছো যে যোৱা ইংৰাজী ২৪ জানুৱাৰী ২০২৬ তাৰিখে মোৰ পিতৃৰ নামত মেধাৱী শিক্ষাৰ্থীসকলৰ বাবে যি স্কলাৰশ্বিপ আঁচনিৰ ব্যৱস্থা কৰিছিলোঁ সেই আঁচনিৰ অধীনত আজি সকলো ছাত্ৰ ছাত্ৰীৰ এডমিচন সম্পূৰ্ণ হৈছে।

আগন্তুক দুবছৰৰ বাবে সেই সকল ছাত্ৰ ছাত্ৰীৰ শৈক্ষিক খৰছ আমি বহন কৰাৰ যি প্ৰতিশ্ৰুতি দিছিলো সেই প্ৰচেষ্টা আজিৰ পৰা আৰম্ভ হৈছে।

কিছু দিনৰ পাছত আমি আনুষ্ঠানিক ভাৱে সেই সকল মেধাৱী শিক্ষাৰ্থীক সম্ভাষণ জনাম।

কালি গভৰা-চমুৱাপাৰা স্পৰ্টচ ক্লাৱৰ উদ্যোগত অনুষ্ঠিত হোৱা প্ৰাইজমানি দলীয় বেডমিণ্টন প্ৰতিযোগিতাত "জননেতা হেমন্ত কুমাৰ ডেকা সোঁৱৰণী বঁটা" ৰূপে প্রথম আৰু দ্বিতীয় পুৰস্কাৰৰ দুটি ট্ৰফী পৰিয়ালে ক্লাৱলৈ আগবঢ়ায়।