Dr. Varsha Patil Women's college of Computer Application, Jalgaon.

25/06/2026

23/06/2026

डॉ. वर्षा पाटील महिला कॉम्प्युटर ॲप्लिकेशन कॉलेजमध्ये आंतरराष्ट्रीय योग दिन उत्साहात साजरा!
डॉ. वर्षा पाटील महिला कॉम्प्युटर ॲप्लिकेशन कॉलेज, जळगाव येथे कार्यक्रम समन्वयक शिवानी महाजन यांच्या नियोजनाखाली आंतरराष्ट्रीय योग दिन साजरा करण्यात आला. संस्थेतील शिक्षक व शिक्षकेतर कर्मचाऱ्यांचे शारीरिक आरोग्य व तणाव व्यवस्थापन सुधारणे हा या सत्राचा मुख्य उद्देश होता. कार्यक्रमाची सुरुवात डॉ. नीलिमा वारके यांच्या हस्ते मुख्य वक्त्या सौ. दीपा विशाल कोल्हे (संचालिका, शिवम योग सेंटर आणि 'योगिनी २०२६' पुरस्कार विजेत्या) यांच्या सत्काराने झाली.
एम.ए. योगिक सायन्समध्ये सुवर्णपदक विजेत्या सौ. दीपा कोल्हे यांनी दैनंदिन जीवनात 'ओंकार साधना' व नियमित सूक्ष्म व्यायामाचे महत्त्व सांगितले. त्यांनी स्पष्ट केले की, रोज किमान ५ मिनिटे ओंकार जप केल्याने शारीरिक आरोग्यासोबतच उत्तम मानसिक शांतता लाभते आणि कामाच्या ठिकाणी उत्पादकता वाढते.
केवळ व्याख्यान न घेता त्यांनी उपस्थितांकडून प्रात्यक्षिके करून घेतली. कर्मचाऱ्यांनी संगणकासमोर सतत बसून राहिल्याने मान, खांदे आणि पाठीवर येणारा ताण दूर करण्यासाठी 'सूक्ष्म व्यायाम', काही मूलभूत आसने आणि मज्जासंस्थेला त्वरित शांत करणाऱ्या श्वसन तंत्राचे (प्राणायाम) थेट प्रशिक्षण घेतले.
सर्व कर्मचाऱ्यांकडून या सत्राला अत्यंत सकारात्मक प्रतिसाद मिळाला.

17/06/2026

डॉ.वर्षा पाटील कॉलेज ऑफ कॉम्पुटर एप्लीकेशन महाविद्यालयात राजमाता जिजाऊ पुण्यतिथीनिमित्त अभिवादन !

जळगाव - राजमाता जिजाऊ यांची पुण्यतिथी १७ जून रोजी साजरी केली जाते, आज राजमाता जिजाऊ यांच्या पुण्यतिथीनिमित्त महाविद्यालयात अभिवादन कार्यक्रमाचे आयोजन करण्यात आले. कार्यक्रमाची सुरुवात राजमाता जिजाऊ यांच्या प्रतिमेचे पूजन व पुष्पहार अर्पण करून झाली. यावेळी प्राध्यापक, कर्मचारी आणि विद्यार्थ्यांनी उपस्थित राहून जिजाऊंना आदरांजली वाहिली.

कार्यक्रमात उपस्थित प्रा. वैजयंती असोदेकर यांनी जिजाऊंच्या कार्याचे स्मरण करून त्यांचे व्यक्तिमत्त्व आजच्या काळातही तितकेच प्रेरणादायी असल्याचे सांगितले ,राजमाता जिजाऊ यांनी छत्रपती शिवाजी महाराजांना संस्कार, शौर्य आणि स्वराज्याची प्रेरणा दिली. त्यांच्या विचारांचा आदर्श विद्यार्थ्यांनी आपल्या जीवनात अंगीकारावा. जिजाऊंचे कार्य आणि साम्राज्य उभारणीतले योगदान आजही प्रेरणादायी आहे.

यावेळी सर्व शिक्षक व शिक्षकेतर महाविद्यालयातील कर्मचारी उपस्थित होते, कार्यक्रमाचे आयोजन प्रा. शिवानी महाजन यांनी केले.

05/06/2026

डॉ.वर्षा पाटील कॉलेज ऑफ कॉम्पुटर एप्लीकेशन महाविद्यालयात जागतिक पर्यावरण दिन साजरा !

जळगाव - आज 5 जून रोजी महाविद्यालयात जागतिक पर्यावरण दिन मोठ्या उत्साहात साजरा करण्यात आला कार्यक्रमाची सुरुवात प्रा. शिवानी महाजन यांनी विद्यार्थ्यांना पर्यावरण संवर्धनाचे महत्त्व पटवून देत पर्यावरण संरक्षणासाठी प्रत्येकाने जबाबदारीने कार्य करण्याचे आवाहन त्यांनी केले.

या निमित्ताने महाविद्यालयात स्वच्छता मोहीम आणि पर्यावरण जनजागृतीचे आयोजन करण्यात आले विद्यार्थ्यांना प्लास्टिक मुक्त परिसर जलसंवर्धन आणि जैवविविधतेचे संरक्षण याबाबत संदेश दिले व सर्व विद्यार्थी व प्राध्यापकांनी प्लास्टिक मुक्त परिसर स्वच्छ केला.

यंदाचा विश्व पर्यावरण दिन हवामान बदल आणि पर्यावरण संरक्षण याविषयी जनजागृती करण्यावर केंद्रित आहे जगभरात हा दिवस पर्यावरण संरक्षण ना साठी कृती करण्याचे आवाहन करणारा दिवस म्हणून साजरा केला जातो.

या उपक्रमामुळे विद्यार्थ्यांमध्ये पर्यावरणाबद्दल जागरूकता निर्माण झाली, यावेळी सर्व शिक्षक व शिक्षकेतर महाविद्यालयातील कर्मचारी उपस्थित होते.

13/04/2026

डॉ.वर्षा पाटील वुमन्स कॉलेज ऑफ कॉम्प्युटर एप्लीकेशन महाविद्यालयात डॉ. बाबासाहेब आंबेडकर जयंती उत्साहात साजरी !
जळगाव - 14 एप्रिल रोजी भारतरत्न डॉ. बाबासाहेब आंबेडकर यांची जयंती संपूर्ण देशभर मोठ्या उत्साहात साजरी करण्यात येते ही त्यांची 135 वी जयंती असून विद्यार्थ्यांमध्ये विशेष उत्साह पाहायला मिळाला.
महाविद्यालयात यानिमित्त विविध कार्यक्रमांचे आयोजन करण्यात आले प्राचार्य डॉ. निलीमा वारके यांनी कार्यक्रमाची सुरुवात डॉ. आंबेडकर यांच्या प्रतिमेचे पूजन व पुष्पहार अर्पण करून करण्यात आली त्यानंतर वंदना व अभिवादन करण्यात आले.
डॉ. आंबेडकरांचे भारतीय राज्यघटनेतील योगदान, सामाजिक समता, आणि शिक्षणाचे महत्त्व या विषयांवर, तसेच त्यांच्या विचारांवर, सामान्य माणसासाठी अस्पृश्यता कमी करण्याचे काम त्यांनी केले. त्यांचे विचार आपण आत्मसात केले पाहिजे संविधान, अर्थव्यवस्था यामध्ये बाबासाहेबांचे समाजासाठी योगदान खूप मोठे आहे.
कार्यक्रमास शिक्षक, शिक्षकेतर कर्मचारी आणि विद्यार्थी यांची उपस्थिती होती. कार्यक्रमाचे आयोजन प्रा. मानसी अहिरे यांनी केले.

02/04/2026

डॉ. वर्षा पाटील कॉलेज ऑफ कॉम्पुटर एप्लीकेशन महाविद्यालयाची “लोकमत” येथे औद्योगिक भेट !

जळगाव - आज रोजी 2 एप्रिल 2026 डॉ. वर्षा पाटील कॉलेज ऑफ कॉम्पुटर एप्लीकेशन महाविद्यालयाची लोकमत येथे औद्योगिक भेटीचे आयोजन करण्यात आले होते.

धीरज टेनी एच.आर हेड यांनी या औद्योगिक भेटीची परवानगी दिली, त्याप्रमाणे मास मीडिया पत्रकारिता किंवा तांत्रिक मुद्रण, तंत्रज्ञान, बातमी संकलन आणि वृत्तपत्र वितरणाची प्रत्यक्ष प्रक्रिया अनुभवास मिळाली.

यावेळी विद्यार्थिनींना प्रिंटिंग प्रक्रिया, अत्याधुनिक प्रिंटिंग मशिनरी, वेब ऑफसेट तंत्रज्ञान आणि छपाईची प्रक्रिया जवळून पाहता आली. संपादकीय विभाग वृत्तपत्र कसे तयार होते बातमीची निवड आणि मांडणी कशी केली जाते याची माहिती मिळाली. वितरण व्यवस्था वृत्तपत्र चपाईनंतर विविध ठिकाणी वितरित करण्याची प्रक्रिया प्रत्यक्ष पाहण्याची संधी मिळाली.

लोकमतच्या निलेश चौधरी, सुधीर बाजल, अनिल जोशी या अधिकाऱ्यांनी विद्यार्थ्यांच्या प्रश्नांची उत्तरे देत पत्रकारिता व मुद्रण क्षेत्रातील करिअरच्या संधी बाबत मार्गदर्शन केले.

महाविद्यालयाचे प्राध्यापक वर्ग उपस्थित होते, औद्योगिक भेटीचे आयोजन डॉ. प्राजक्ता पाटील यांनी केले.

01/04/2026

गोदावरी आय एम आर, लॉ कॉलेज, होम सायन्स, बीसीए महाविद्यालय मध्ये गोदावरी आजींना जयंतीदिनी आदरांजली !

जळगाव - गोदावरी आय एम आर च्या सभागृहात गोदावरी फाउंडेशन अंतर्गत येणाऱ्या विविध महाविद्यालय व शाळेतर्फे गोदावरी आजींना जयंतीदिनी आदरांजली अर्पण करण्यात आली.

यावेळी कार्यक्रमास महाविद्यालयाचे संचालक डॉ. प्रशांत वारके, गोदावरी इंग्लिश मीडियम स्कूल जळगावच्या प्रिन्सिपल नीलिमा चौधरी, डॉ उल्हास पाटील लॉ कॉलेजच्या प्राचार्या डॉ नयना झोपे, डॉ वर्षा पाटील वुमन्स महाविद्यालयाच्या प्रिन्सिपल डॉ. नीलिमा वारके तसेच होम सायन्स महाविद्यालयाच्या प्रिन्सिपल कविता देशमुख व सर्व महाविद्यालयांमधील प्राध्यापक व शिक्षकेतर कर्मचारी यांची उपस्थिती होती.

याप्रसंगी बोलताना प्रास्ताविकात प्रा स्मिता चौधरी यांनी गोदावरी आजींचा जीवन प्रवासाची माहिती दिली त्यांनी आजींवर लिहिलेले हितगुज नावाचे आत्मचरित्र पर पुस्तक यातील छोट्या छोट्या प्रसंगांना त्यांनी विशद केले.

बीसीए महाविद्यालयाच्या प्रिन्सिपल डॉ. नीलिमा वारके यांनी आदरांजली अर्पण करताना सांगितले की, एक प्रेमळ व्यक्तिमत्व म्हणजे गोदावरी आजी, लोकांची श्रीमंती ही पैशांमध्ये असते पण आजींची लोकांमध्ये होते व लोकांशी संबंधांमध्ये होते, आजी कोणालाही भेटल्या की तब्येतीची विचारपूस करायचे, आजींवरती लिहिलेलं पुस्तक वाचलं पाहिजे जेणेकरून आपल्याला आजींचे कार्य कळेल अशा शब्दात त्यांनी आजींना आदरांजली वाहिली .

गोदावरी इंग्लिश मीडियम स्कूलच्या प्रिन्सिपल नीलिमा चौधरी यांनी याप्रसंगी आजी एकदम प्रेमळ आणि उच्च विचार होते आजींची आजच आठवण येत नाही आजींची आठवण रोज येत असते. शाळेमध्ये अजून काय गोष्टी केल्या पाहिजे हे देखील आजी सांगत असत, आजींचे आशीर्वाद आपल्या सोबत असेच राहतील. असे सांगून आदरांजली अर्पण केली.

होम सायन्स च्या प्रिन्सिपल कविता देशमुख यांनी याप्रसंगी आजीन सोबतच्या आठवणींना उजाळा दिला व त्यांच्या मार्गदर्शन रुपी स्नेहाच्या शिदोरीवर महाविद्यालय मार्गक्रमण करेल असेही सांगितले.

संचालक डॉ. प्रशांत वारके यांनी आपल्या भाषणाची सुरुवात प्रसिद्ध शायर मुनवर राणा यांची आई वरील कविता बुलंदी की बुलंदी का बडे से बडा आसमान छुवा, जब माँ ने गोद मे उठाया तो आसमान छुवा. या शब्दात मातृ सामर्थ्य वर्णन करून आजींना आदरांजली वाहिली गोदावरी परिवार हा खूप मोठा आहे सत्तावीसशे लोक आज कार्यरत आहेत, 27 संस्था उभ्या आहेत आजींची साधी राहणीमान होती त्यांचा अफाट असा जनसंपर्क होता. भाव स्पर्शी उदाहरण म्हणजे आजी नेहमी संस्थेसाठी आणि लोकांसाठी कार्यतत्पर असायच्या आजींचे सगळ्यांवरती प्रेम होतं त्यांची शिकवण आपण आचरणात आणावी. असे सांगितले

शिक्षकांकडून प्रतिनिधिक स्वरूपात मनोगत व्यक्त करताना डॉ प्राजक्ता पाटील यांनी आजींचे सर्वांना कायम मिळणारे प्रेम व संस्थेतील कौटुंबिक वातावरण व संत ज्ञानेश्वर महाराजांची ओवी इवलेसे रोप लावियेले द्वारी तयाचा वेलू गेला गगनावरी या शब्दात आजींना आदरांजली अर्पण केली

याप्रसंगी गोदावरी फाउंडेशनच्या विविध महाविद्यालयातील विद्यार्थी व शिक्षकांची उपस्थिती होती

कार्यक्रमाचे सूत्रसंचालन प्रा. स्मिता चौधरी यांनी केले

10/03/2026

📰 Self-Defence Training Program on International Women’s Day

On the occasion of International Women’s Day, a Self-Defence Training Program was organized on 10 March 2026 at 11:00 AM at Dr. Varsha Patil Women’s College of Computer Application, Jalgaon to promote awareness about personal safety, confidence, and women empowerment among students.

At the beginning of the program, the trainers were felicitated by Principal Dr. Neelima Warke for their valuable contribution. The session was conducted by Mr. Gopal Jonwal (State Guide – Swayamsiddha Women’s Self Defence & NIS Karate Instructor) and Mrs. Premlata Jonwal (Government Master Trainer – Swayamsiddha Women’s Self Defence). Students learned wrist-release techniques, basic karate moves, and simple escape techniques for self-protection.

The program was organized under the guidance of Principal Dr. Neelima Warke. The arrangements were made by Co-curricular Committee Coordinator Prof. Mansi Ahire, and the program was anchored by Miss Devyani Mahajan (BCA – III Year). All the teaching and non-teaching staff were present for the program.

The program proved to be informative and empowering, helping students build confidence and awareness for personal safety.

05/03/2026

डॉ. वर्षा पाटील कॉलेज ऑफ कॉम्पुटर एप्लीकेशन महाविद्यालयात पर्यावरणपूरक होळी साजरी !
जळगाव - डॉ. वर्षा पाटील कॉलेज ऑफ कॉम्पुटर एप्लीकेशन महाविद्यालयात पर्यावरणाचे महत्त्व लक्षात घेऊन इको फ्रेंडली होळी उत्साहात साजरी करण्यात आली या उपक्रमातून विद्यार्थ्यांना पर्यावरण संवर्धनाचा संदेश देण्यात आला.
महाविद्यालयाच्या आवारातील झाडांची झेडप पाणी गोळा करून परिसर स्वच्छ करण्यात आला या सुकलेल्या पानांची होळी का दहन करण्यात आले महाविद्यालयाचे संचालक डॉ. प्रशांत वारके यांनी होळीचे पूजन करून होळी पेटवण्यात आली यावेळी डॉ. प्रशांत वारके यांनी आपण पारंपारिक रित्या ओळीचे दहन करत असतो महर्षी कर्वे संत गाडगेबाबा नेहमी म्हणत असत आजूबाजूचा परिसर स्वच्छ ठेवा जेणेकरून रोगराई पसरणार नाही युवा पिढीने सोशल मीडियापासून दूर राहिले पाहिजे व होळीच्या सर्वांना खूप खूप शुभेच्छा दिल्या.
यावेळी विद्यार्थ्यांनी कोरड्या रंगाचा वापर करून होळी खेळली तसेच पाण्याचा वापर न करता कोरडी होळी खेळण्याचे आवाहन करण्यात आले.
पर्यावरण पूरक पद्धतीने सण साजरे केल्यास निसर्गाचे नुकसान टाळता येते आणि आरोग्यालाही धोका कमी होतो असा संदेश या कार्यक्रमातून देण्यात आला.