Myanmar Association of Japan Alumni (MAJA)

၂၀၂၆ ခုနှစ်၊ ဇူလိုင်လ JLPT စာမေးပွဲအတွက် စာမေးပွဲဖြေဆိုခွင့်ကတ်ပြား (Online Test Voucher) ထုတ်ယူရန် ကြေငြာခြင်း

၂၀၂၆ ခုနှစ်၊ ဇူလိုင်လ စာမေးပွဲအတွက် Online မှ လျှောက်ထားသူများအနေဖြင့် ၂၀၂၆ ခုနှစ်၊ ဇွန်လ (၁) ရက်နေ့မှ စတင်၍ စာမေးပွဲဖြေဆိုသည့်နေ့အထိ စာမေးပွဲဖြေဆိုခွင့်ကတ်ပြား (Online Test Voucher) အား အောက်ပါအတိုင်း ထုတ်ယူနိုင်မည် ဖြစ်ပါကြောင်း အသိပေးအပ်ပါသည်။

စာမေးပွဲဖြေဆိုသည့်နေ့တွင် စာမေးပွဲဖြေဆိုခွင့်ကတ်ပြား (Online Test Voucher) အား Color Print ထုတ်၍ ယူဆောင် လာရမည် ဖြစ်ပါသည်။ (ဖုန်းဖြင့်ပြသ၍မရပါ။)

စာမေးပွဲဖြေဆိုခွင့်ကတ်ပြား (Online Test Voucher) ဝင်ရောက်ထုတ်ယူရမည့် Website Link

Individual - https://jlpt-maja.org.mm/
School - http://schoolform.jlpt-maja.org.mm

Online Test Voucher ထုတ်ယူပုံ အဆင့်ဆင့်အား အောက်ဖော်ပြပါပုံများတွင်ကြည့်ရှုနိုင်ပါသည်။

Online Test Voucher တွင် စာမျက်နှာ ၃ မျက်နှာ ပါဝင်ပါသည်။

စာမျက်နှာ ၁ - Online Test Voucher (ခုံနံပါတ်၊ ဖြေဆိုရမည့်ရက်၊ အချိန် နှင့် နေရာ ပါဝင်ပါသည်။)
စာမျက်နှာ ၂ - စာမေးပွဲစည်းကမ်းများ
စာမျက်နှာ ၃ - စာမေးပွဲဖြေဆိုရမည့်နေရာပြမြေပုံ
စာမေးပွဲလာရောက်ဖြေဆိုသည့်နေ့တွင် အဆိုပါ စာမျက်နှာလုံး (၃) ခုလုံး color Print ထုတ်၍ ယူဆောင်လာရန် လိုအပ်ပါသည်။

Online result ကြည့်ရှုရာတွင် Form C တွင် ဖြည့်သွင်းထားခဲ့သော Passcode 8လုံးအား ထည့်သွင်းကြည့်ရှုရမည် ဖြစ်သောကြောင့် Application Form (Form C) စာရွက်ကိုလဲသိမ်းဆည်းထားရန်လိုအပ်ပါသည်။

Online Test Voucher ထုတ်ရန် မိမိတို့၏ Login ID အား မှတ်သားထားခြင်း မရှိပါက Online Application Website တွင်၊ "Login" > "Forget Password & Login ID" သို့ ဝင်ရောက်ပြီး၊ မိမိ၏ Email Address ထည့်သွင်းကာ "Show Login ID" ကို နှိပ်ပြီး Login ID ကို ရယူနိုင်ပါသည်။

စာမေးပွဲဖြေဆိုခွင့်ကတ်ပြား (Online Test Voucher) ထုတ်ယူသူများ အထူးစစ်ဆေးရန်
၁။ ဖြေဆိုမည့် level (N1, N2, N3, N4, N5) မှန်ကန်ရမည်။
၂။ ဖြေဆိုမည့် level နှင့် ခုံနံပါတ် ကိုက်ညီမှန်ကန်ရမည်။
၃။ ဖြေဆိုမည့် သူ၏ အမည်နှင့် မွေးသက္ကရာဇ် မှန်ကန်ရမည်။
၄။ ဖြေဆိုမည့် Test Site ပါရှိရမည်။
၅။ Level အလိုက်စာဖြေဌာနသို့ ရောက်ရှိရမည့် Check-in time မှန်ကန်ရမည်။ (N1, N2 Level-8:00 AM to 8:45 AM / N3, N4, N5 Level-10:00 AM to 10:45 AM)

စာမေးပွဲဖြေဆိုမည့်နေ့တွင် ယခု Online Test Voucher (စာမေးပွဲဖြေဆိုခွင့်ကတ်) Print စာရွက်နှင့်အတူ အောက်ပါ သက်သေခံကတ် (မူရင်း) တစ်ခုခု မပါရှိလျှင် “စာမေးပွဲဖြေဆိုခွင့် မပြုပါ။”

(၁) မှတ်ပုံတင် (၁၀ နှစ်ပြည့်ဖြစ်စေ၊ ၁၈ နှစ်ပြည့်ဖြစ်စေ အကျုံးဝင်ပါသည်။)
(၂) သက်တမ်းရှိ နိုင်ငံကူးလက်မှတ်
(၃) သက်တမ်းရှိ ယာဉ်မောင်းလိုင်စင် (အမည် နှင့် မွေးသက္ကရာဇ် မပါသောလိုင်စင်များ အကျုံးမဝင်ပါ)
(၄) မွေးစာရင်း (၁၀ နှစ်အောက် လျှောက်လွှာတင်သူများအတွက်သာ အကျုံးဝင်ပါသည်။)
(၅)သာသနာဝင်စိစစ်ရေးကတ်ပြား၊ သာသနာနွယ်ဝင်စိစစ်ရေးကတ်ပြား (ရှင်သာမဏေ၊ ရဟန်းတော်၊ သီလရှင်များ အတွက်သာ အကျုံးဝင်ပါသည်။)

အသေးစိတ်သိရှိလိုသည်များကို (ရန်ကုန်ရုံး- ၀၁-၇၅၇ ၁၀ ၁၅ နှင့် မန္တလေးရုံး - ၀၉-၂၅၅ ၁၆၂ ၅၃၃) သို့ ဆက်သွယ်မေးမြန်းနိုင်ပါသည်။

ဇူလိုင်လတွင် ကျင်းပမယ့် TOP J စာမေးပွဲဖောင်များ စတင်လျှောက်ထားနိုင်ပါပြီ။ (Online System)

၂၀၂၆ ခုနှစ်၊ (၇) လပိုင်းတွင် ရန်ကုန်နှင့် မန္တလေးမှာ ကျင်းပပြုလုပ်သွားမယ့် TOP J စာမေးပွဲကြီးအတွက် လျှောက်လွှာဖောင်များတင်လို့ရနေပါပြီနော်။

📌 TOP J စာမေးပွဲကို နှစ်စဉ် တစ်နှစ်လျှင် “ဇန်နဝါရီ၊ မတ်၊ မေ၊ ဇူလိုင်၊ စက်တင်ဘာ၊ နိုဝင်ဘာ” လများတွင် (၆) ကြိမ်တိတိ MAJA Education Centre မှ ကျင်းပပေးလျက်ရှိပါတယ်။

📌 စာမေးပွဲ ရလဒ်များကို စာမေးပွဲဖြေပြီး နှစ်ပတ်အကြာတွင် Online Result အဖြစ် မြန်မြန်ဆန်ဆန် သိရှိနိုင်ပြီး တစ်လအကြာတွင် Certificate များ ထုတ်ယူနိုင်ပါတယ်။

📌 လာမယ့် မေလ စာမေးပွဲတွင် Basic (N5 & N4 Level), Intermediate (N3 & N2 Level) များကို ဝင်ရောက်ဖြေဆိုနိုင်ပါတယ်။

နယ်ဝေးမှ ဖြေဆိုလိုသူများပါ အလွယ်တကူ လျှောက်ထားနိုင်ရန် Google Form ဖြင့် TOP J စာမေးပွဲ လျှောက်လွှာများအား လက်ခံသွားမှာပဲဖြစ်ပါတယ်။

✅ စာမေးပွဲ ကျင်းပမည့်နေ့ရက် - ၁၂.၇.၂၀၂၆ (တနင်္ဂနွေနေ့)
✅ စာမေးပွဲ ကျင်းပမည့်နေရာ - ရန်ကုန်နှင့် မန္တလေး။
✅ စာမေးပွဲကြေး - ၇၂,၀၀၀ ကျပ်
✅ စာမေးပွဲလျှောက်လွှာတင်ရန် - https://forms.gle/RP7b9kbeeYaw2Gp66

လျှောက်လွှာများအား (၁၆.၆.၂၀၂၆) ရက်နေ့ နောက်ဆုံးထားကာ လျှောက်ထားနိုင်ပြီး “ဖြေဆိုရမည့် အချိန်၊ ဖြေဆိုရမည့် နေရာနှင့် စာမေးပွဲဖြေဆိုခွင့်ကတ်ပြား (Test Voucher)” တို့အား Email မှတဆင့် ပြန်လည်ပေးပို့သွားမှာဖြစ်ပါတယ်။

ကိုယ့်ရဲ့ ဂျပန်စာအရည်အချင်းကို စစ်ဆေးရင်း Certificate အမြန်ရယူနိုင်မယ့် TOP J စာမေးပွဲကို ဝင်ရောက်ဖြေဆိုဖို့ အခုပဲ လျှောက်လွှာတင်လိုက်တော့နော်။

㊗️ အနာဂတ်ပညာရေးလှပဖို့ . . . မာဂျာစင်တာနဲ့လက်တွဲစို့ ㊗️

📍 Free Consultation ရယူရန်နှင့် အတန်းများစုံစမ်းရန် >> 09 428 613 848
🏫 အမှတ် (၄၄၀/ဘီ)၊ ဇေယျ (၁၄) လမ်း၊ (၁၀) ရပ်ကွက်၊ သစ္စာလမ်းမအနီး၊ တောင်ဥက္ကလာပမြိုနယ်၊ ရန်ကုန်မြို။ (ဂိတ်ဟောင်းမှတ်တိုင်အနီး၊ တောင်ဥက္ကလာတရားရုံးဘေးလမ်း)

🟢 Telegram Channel : https://t.me/majaeducentre
🟢 Tiktok : https://www.tiktok.com/?_r=1&_t=ZS-93CHQRo9TwG

၂၀၂၅ ခုနှစ် ဇူလိုင်လ (၆)ရက် JLPT - အမှားပြင်ဆင်ရန်တင်ထားသည့် အောင်လက်မှတ်များ ထုတ်ယူခြင်းနှင့် ပတ်သက်၍ (တတိယအသုတ်)

၂၀၂၅ ခုနှစ် ဇူလိုင်လ (၆)ရက် နေ့ JLPT စာမေးပွဲ အောင်လက်မှတ်များတွင် အမည်စာလုံးပေါင်း၊ မွေးသက္ကရာဇ် စသည့်အချက်အလက်များ အမှားပြင်ဆင်ရန်လျှောက်ထားသော စာဖြေသူများ၏ အောင်လက်မှတ်များအား ပြင်ဆင်ပြီး ပြန်လည်ပေးပို့လာသည် ဖြစ်ပါသဖြင့် အောက်‌ဖော်ပြပါအတိုင်း ပြန်လည်ထုတ်ယူနိုင်မည် ဖြစ်ပါသည်။

ရန်ကုန်ရုံးတွင်ပြင်ဆင်ခွင့်တင်ခဲ့သူများ

နေရာ။ ။ JLPT Centre
အမှတ်(၂ဘီ-၃)၊ နှင်းဥယျာဉ်အိမ်ရာ သုမင်္ဂလာလမ်း၊ သင်္ဃန်းကျွန်းမြို့နယ်၊ ရန်ကုန်မြို့။
နေ့ရက်။ ။ ၂၀.၅.၂၀၂၆ ရက်မှစတင်၍ ထုတ်ယူနိုင်ပါသည်။
အချိန် ။ ။ မနက် ၉း၃၀ မှ ညနေ ၄း၀၀ ထိ။
(ထမင်းစားချိန် ၁၂ နာရီ မှ ၁နာရီထိ) အစိုးရရုံးပိတ်ရက် နှင့် စနေ၊ တနင်္ဂနွေ ပိတ်ပါသည်။

မန္တလေးစာဖြေဌာနများတွင်ပြင်ဆင်ခွင့်တင်ခဲ့သူများ
နေရာ။ ။ MAJA Office (Mandalay Branch)
ပထမထပ်၊ တိုက် (၁)၊ အခန်း (၆)၊ ရေလမ်း၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေး။
နေ့ရက်။ ။ ၂၂.၅.၂၀၂၆ ရက်မှစတင်၍ ထုတ်ယူနိုင်ပါသည်။
အချိန် ။ ။ မနက် ၉း၃၀ မှ ညနေ ၄း၀၀ ထိ။
(ထမင်းစားချိန် ၁၂ နာရီ မှ ၁နာရီထိ) အစိုးရရုံးပိတ်ရက် နှင့် စနေ၊ တနင်္ဂနွေ ပိတ်ပါသည်။

ပြန်လည်ထုတ်ယူရာတွင် ကာယကံရှင်၏ သက်သေခံကတ်ပြား မူရင်းနှင့် မိတ္တူတစောင် ယူဆောင်လာရပါမည်။

မှတ်ချက်။ ။ ပြင်ဆင်ထားသည့်အောင်လက်မှတ်များအား စတင်ထုတ်ယူနိုင်သည့်ရက်မှ စတင်၍ (၁)နှစ် အတွင်း ထုတ်ယူနိုင်ပါမည်။ ပြင်ဆင်ပြီးစီးသည့် အောင်လက်မှတ်အား ပြင်ဆင်ရန် ထပ်မံပြင်ဆင်ခွင့် မရှိပါ။ အောင်လက်မှတ်တခုအား တကြိမ်သာ ပြန်လည်ပြင်ဆင်ရန် လျှောက်ထားနိုင်ပြီး လျှောက်ထားသည့်အခါတွင်လဲ မိမိပြင်ဆင်လိုသည်အား သေချာစွာ စစ်ဆေးလျှောက်ထားရန် လိုအပ်ပါသည်။

JLPTစာမေးပွဲကျင်းပရေးကော်မတီ
မြန်မာနိုင်ငံဂျပန်ပြန်ပညာသင်ဟောင်းအသင်း

N3 Vocab, Kanji, Grammar (၃) လပြတ် အတန်း မေလ (၁၈) ရက် စဖွင့်မည်။ 📢

ဂျပန်စာသင်တဲ့အခါ N4 အပြီး N3 စတက်ကြတဲ့ အချိန်မှာ နောက်ထပ် Level တစ်ခုကို ရောက်သွားသလို၊
ဘာမှမသက်ဆိုင်တဲ့ စာတွေသင်နေရသလို ဖြစ်မှာကို ကြောက်နေကြသူတွေရှိလား ❓

ဒီလိုမျိုး မကြောက်ရအောင် (၃) လပြတ် သင်ရိုးအပြည့်အစုံနဲ့ စနစ်တကျ သင်ကြားလေ့ကျင့်ပေးသွားမယ့်
N3 (Vocab, Kanji, Grammar) အတန်း မေလ (၁၈) ရက်နေ့ စတင်ဖွင့်လှစ်ပေးသွားပါမယ်နော်။

(၃) လပြတ်သင်ကြားပေးသွားမယ့် ဒီ N3 အတန်းကို -

✅N4 သင်ပြီးသား ကျောင်းသား၊ ကျောင်းသူတွေ၊
✅N3 Level တစ်ခါတည်း ဖြေဆိုဖို့ ရည်ရွယ်ထားသူတိုင်း တက်ရောက်ထားသင့်တဲ့အတန်းလေးဖြစ်ပါတယ်။

📍သင်တန်းစမည့်ရက် - ၁၈.၅.၂၀၂၆ (တနင်္လာနေ့)
📍သင်တန်းချိန် - တနင်္လာ‌နေ့နဲ့ကြာသပတေးနေ့ နေ့လယ် ၁ နာရီမှ ၄ နာရီထိ
📍သင်တန်းကာလ - (၃) လ
📍သင်တန်းကြေး - ၃ သိန်းကျပ် + စာအုပ်ကြေး

အတန်းအပ်နှံလိုသူများအနေဖြင့် MAJA Education Centre Campus သို့ လူကိုယ်တိုင် လာရောက်၍ဖြစ်စေ၊
Viber (09 428 613 848) သို့ ဆက်သွယ်၍ Online ကတဆင့်လည်း အတန်းများအပ်နှံနိုင်ပါတယ်။

㊗️ အနာဂတ်ပညာရေးလှပဖို့ . . . မာဂျာစင်တာနဲ့လက်တွဲစို့ ㊗️

📍 Free Consultation ရယူရန်နှင့် အတန်းများစုံစမ်းရန် >> 09 428 613 848
🏫 အမှတ် (၄၄၀/ဘီ)၊ ဇေယျ (၁၄) လမ်း၊ (၁၀) ရပ်ကွက်၊ သစ္စာလမ်းမအနီး၊ တောင်ဥက္ကလာပမြိုနယ်၊ ရန်ကုန်မြို။ (ဂိတ်ဟောင်းမှတ်တိုင်အနီး၊ တောင်ဥက္ကလာတရားရုံးဘေးလမ်း)

လူဦးရေအကန့်အသတ်ဖြင့် ဖွင့်လှစ်သွားမည့် MAJA Education Centre ၏ “EJU ZOOM” အတန်းများ

EJU Exam Preparation Class အား In Person အတန်းများအပြင် ဂျပန်ရောက် ကျောင်းသား၊ ကျောင်းသူများနဲ့ ရပ်ဝေးမှ ကျောင်းသားလူငယ်များ တက်ရောက်သင်ယူနိုင်ဖို့ ZOOM Online အတန်းများအဖြစ် ဖွင့်လှစ်ပေးသွားမည်ဖြစ်ပါသည်

EJU အတန်းကို ဘယ်သူတွေတက်ရောက်သင့်လဲ ?
⭕️ မြန်မာနိုင်ငံ ပညာရေး စနစ်ဟောင်း တက္ကသိုလ် (ပထမနှစ်) ပြီးထားသူများ၊
⭕️ စနစ်သစ် (၁၂) တန်းအောင် ကျောင်းသား/သူများ၊
⭕️ IGCSE (A) Level, GED ပြီးထားသူများ၊
⭕️ ဂျပန်နိုင်ငံတွင် တက္ကသိုလ်တက်ရောက်ချင်သူများ၊ Language School မလိုဘဲ တက္ကသိုလ်တိုက်ရိုက်ဝင်ခွင့်ရချင်သူများ လျှောက်ထားချင်သူများ အားလုံးတက်ရောက်လိုရပါတယ်။

📌 တက်ရောက်နိုင်မည့် ဘာသာရပ်များ
===============================
🔰 Japanese As A Foreign Language (JFL)
🔰 Physics
🔰 Chemistry
🔰 Biology
🔰 Maths 1
🔰 Maths 2
🔰 Japan & The World

➡️ Japanese as a Foreign Language (JFL) နှင့် Japan & The World ဘာသာရပ်တိုသည် ဂျပန်ဘာသာသင်ရိုးဖြင့်သာ သင်ကြားမည် ဖြစ်ပါသောကြောင့် လျှောက်ထားသူများသည် ဂျပန်စာအရည်အချင်း “N3 အောင်မြင်ပြီး N2 သင်ကြားနေဆဲ” ဖြစ်ရန် လိုအပ်ပါသည်။

ဝိဇ္ဇာတွဲ ယူမည့် ကျောင်းသား/သူများ ရွေးချယ်တက်ရမည့် ဘာသာရပ်များ - JFL, Japan & The World, Maths 1 (Course I)
သိပ္ပံတွဲ ယူမည့် ကျောင်းသား/သူများ ရွေးချယ်တက်ရမည့် ဘာသာရပ်များ - JFL, Science 2 Subjects (Physics or Chem or Bio), Maths 2 (Course II)
❓ဘာသာရပ်ရွေးချယ်မှုအကြောင်း ဖတ်ရှုရန် - https://www.facebook.com/share/p/1BqjeL2BZh/

📌 သင်တန်းအကြောင်း အသေးစိတ်
============================
သင်တန်းစတင်ဖွင့်မည့်ရက် : 15.6.2026
သင်တန်းကာလ : (6) လ
သင်တန်းကြေး : တစ်ဘာသာလျှင် 6 လစာအတွက် (4) သိန်းခွဲကျပ် + စာအုပ်ကြေး
သင်ကြားမည့်ပုံစံ : ZOOM Online Class

📝 ယခု အတန်းအား တက်ရောက်လိုသူများအနေဖြင့် အောက်ဖော်ပြပါ Google Form လျှောက်လွှာအား ဖြည့်စွက်ကာ စာရင်းသွင်းအပ်နှံနိုင်ပါသည်။
🔗 Google Form Link : https://forms.gle/CkWwfun1ercN6Zyg6

သင်တန်းနှင့်ပတ်သက်ပြီး အသေးစိတ်ထပ်မံသိရှိလိုသည်များနှင့် မေးမြန်းစုံစမ်းလိုသည်များကို -
➡️ MAJA Education Centre ၏ ရုံးဖုန်း (09 428 613 848) သို ဖုန်းခေါ်ဆို၍ ဖြစ်စေ၊ Viber မှ တဆင့်မေးမြန်း၍ဖြစ်စေ စုံစမ်းနိုင်ပါသည်။ (ရုံးချိန် - တနင်္လာနေ့မှ သောကြာနေ့ : မနက် ၉ နာရီမှ ညနေ ၄ နာရီခွဲအတွင်း)

🏡 Campus Address : အမှတ် (၄၄၀/ဘီ)၊ ဇေယျ (၁၄) လမ်း၊ (၁၀) ရပ်ကွက်၊ သစ္စာလမ်းမအနီး၊ တောင်ဥက္ကလာပမြိုနယ်၊ ရန်ကုန်မြို။ (ဂိတ်ဟောင်းမှတ်တိုင်အနီး၊ တောင်ဥက္ကလာတရားရုံးဘေးလမ်း)

📢ミャンマー日本語教師セミナーのお知らせ 📢

📢ဂျပန်ဘာသာသင်ကြားရေးဆရာ၊ဆရာမများအတွက် ဆွေးနွေးပွဲ 📢
（ミャンマー語の後に日本語が続きます）

ဂျပန်ဘာသာစကားသင်ကြားရေး ဆရာများအားလုံး မင်္ဂလာပါ
ယခုတစ်ကြိမ်တွင် "ကျွမ်းကျင်မှုကို ပျိုးထောင်ပေးမယ့် ဂျပန်စာအတန်း" ဆိုသည့် ခေါင်းစဉ်ဖြင့် ၂ရက်တာ ဆွေးနွေးပွဲကို ကျင်းပသွားမည် ဖြစ်ပါသည်။ ဆွေးနွေးပွဲတွင် သင်ကြားပို့ချပေးသွားမှာကတော့ Acras Japanese Language Education Institute မှ ကိုယ်စားလှယ် ဆရာမ Shimada Kazuko ဖြစ်ပါသည်။ ဆရာမ Shimada ကတော့ အားလုံးလည်း ရင်းနှီးပြီးဖြစ်တဲ့ Dekiru Nihongo, Kanji Tamago, Connecting with People: Japanese for Caregiving စတဲ့ ဖတ်စာအုပ်များကို ရေးသားပြုစုခဲ့သူဖြစ်ပါသည်။ ထိုသင်ထောက်ကူ၏ အခြေခံဖြစ်သည့် "ကျွမ်းကျင်မှုကို ပျိုးထောင်မည်" ဟူသည့် သင်ကြား‌နည်းသည် "JLPTစာမေးပွဲကို အောင်မြင်ထားသော်လည်း ဂျပန်လိုပြောထွက်ဖို့ အခက်အခဲဖြစ်နေတယ်" ဟူသည့် မြန်မာနိုင်ငံမှ သင်ယူသူများနှင့် ဆရာများ၏ အခက်အခဲများကို ဖြေရှင်းပေးနိုင်မည့် လမ်းစတစ်ခု ဖြစ်မည်ဟုမျှော်လင့်ပါသည်။ ဤဆွေးနွေးပွဲသို့ တက်ရောက်ပြီး အခြေခံသဘောတရားနှင့် သင်ကြားနည်းအသေးစိတ်ကို လေ့လာကြည့်ကြရအောင်။
ဆွေးနွေးပွဲနှင့် Panel Discussion ကို ဂျပန်ဘာသာစကားဖြင့်သာ ပြုလုပ်သွားမည်ဖြစ်ပါသည်။
အစီအစဉ်တစ်ခုချင်းစီအတွက် သီးခြားစီ လျှောက်ထားပေးပါရန် မေတ္တာရပ်ခံပါသည်။

【မေလ ၉ရက်နေ့ (စနေနေ့)】နေရာ：ဂျပန်ဖောင်ဒေးရှင်းရန်ကုန် ဂျပန်ယဥ်ကျေးမှုစင်တာ（JFYG）
● နံနက်ပိုင်းအစီအစဥ်（9:00－11:30）「ကျွမ်းကျင်မှုကို ပျိုးထောင်ပေးမည့် ဂျပန်စာအတန်း -ဆရာကပြောင်းလဲမှ ကျောင်းသားလည်းပြောင်းလဲမည်」
လျှောက်လွှာတင်ရန် URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUNEJBN0xOVkZYS1VLSk1NTFlYUUdCUFBIQyQlQCN0PWcu

●နေ့လည်ပိုင်းအစီအစဥ်（13:00－16:00）「ကျွမ်းကျင်မှုကို အလေးထားသည့် လက်တွေ့ပညာရေးဆိုသည်မှာ - Dekiru Nihongo ကို အသုံးပြု၍ - 」
လျှောက်လွှာတင်ရန် URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUQUs4QzdGUkMyNURJMUtRUFNWNjE1VDdHMSQlQCN0PWcu

【မေလ ၁၀ရက်နေ့ (တနင်္ဂနွေနေ့)】နေရာ：MAJA Education Center（MEC）
●နံနက်ပိုင်းအစီအစဥ်（9:00－11:30）「ခန်းဂျီးအသစ်များ လေ့လာရာတွင် ပျော်ရွှင်စရာအတန်းလေးဖြစ်အောင် - Kanji Tamago စာအုပ်ကို အသုံးပြု၍ - 」
လျှောက်လွှာတင်ရန် URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUN0g1OExFMk1JTVA2SEdJTDgzMlEyVlNETSQlQCN0PWcu

●နေ့လည်ပိုင်းအစီအစဥ်（13:30－16:00）
I) Panel Discussion
Myanmar x Care Giving = ∞ ～မြန်မာနိုင်ငံ၏ ဘိုးဘွားစောင့်ရှောက်‌ပညာရေးတွင် လိုအပ်သည့်အရာ～
II) ဆွေးနွေးပွဲ
Connecting with People: Japanese for Caregiving နှင့် JOPT-K မှတဆင့် ဘိုးဘွားစောင့်ရှောက်အတွက် ပြောဆိုဆက်ဆံရေးစွမ်းရည်ကို အကဲဖြတ်ခြင်း
လျှောက်လွှာတင်ရန် URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUNExZNTRRQUdKQVI3T09KWEsxTklPOE1BRyQlQCN0PWcu

လျှောက်လွှာပိတ်ချိန်： မေလ ၄ ရက်နေ့ (တနင်္လာနေ့) ညနေ ၄နာရီ
＊လျှောက်လွှာတင်သူများပြားသောအခါမျိုးတွင် လျှောက်လွှာဖောင်ကို စော၍ပိတ်ခြင်းမျိုး ရှိနိုင်ပါသဖြင့် နားလည်ပေးပါရန် မေတ္တာရပ်ခံအပ်ပါသည်။

★မေးမြန်းစုံစမ်းရန်：[email protected]
★ဂျပန်ဖောင်ဒေးရှင်းရန်ကုန် ဂျပန်ယဥ်ကျေးမှုစင်တာ၏ ဖုန်းနံပါတ်：01-430920・ 01-430921
★ဂျပန်ဖောင်ဒေးရှင်းရန်ကုန် ဂျပန်ယဥ်ကျေးမှုစင်တာ၏ page
：https://www.facebook.com/JFYangon

--------------------------------------------------------------------------

ミャンマー日本語教師セミナーのお知らせ
日本語教師のみなさん、こんにちは！　
この度、「プロフィシェンシーを育てる日本語教育」と題し、２日間にわたって日本語教師セミナーを開催することとなりました。講師にはアクラス日本語教育研究所 代表理事の嶋田和子先生をお迎えします。嶋田先生はみなさんもよくご存じの『できる日本語』や、『漢字たまご』、『人とつながる介護の日本語』などの教科書をご執筆されています。その教材の根底にある「プロフィシェンシーを育てる」という考え方は、「JLPTには合格したけど、なかなか日本語で話せない。」というミャンマーの学習者や先生の悩みを解決するための糸口になるはずです！このセミナーに参加して、そのコンセプトや具体的な教え方について学びましょう。
※セミナー及びパネルディスカッションは日本語で実施いたします。
※それぞれの部にお申し込みをお願いいたします。

【5月9日（土）】会場：国際交流基金ヤンゴン日本文化センター（JFYG）
●午前の部（9:00－11:30）
プロフィシェンシーを伸ばす日本語教育～教師が変われば、学習者が変わる！～
申込URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUNEJBN0xOVkZYS1VLSk1NTFlYUUdCUFBIQyQlQCN0PWcu

●午後の部（13:00－16:00）
プロフィシェンシー重視の教育実践とは～『できる日本語』を例として～
申込URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUQUs4QzdGUkMyNURJMUtRUFNWNjE1VDdHMSQlQCN0PWcu
【5月10日（日）】会場：MAJA教育センター（MEC）

●午前の部（9:00－11:30）
新しい漢字学習で「わくわく授業」を！～『漢字たまご』を例として～
申込URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUN0g1OExFMk1JTVA2SEdJTDgzMlEyVlNETSQlQCN0PWcu

●午後の部（13:30－16:00）
Ⅰ）パネルディスカッション
ミャンマー×介護＝∞ ～ミャンマーの介護人材教育に何が必要か～
Ⅱ）セミナー
『人とつながる介護の日本語』とJOPT-Kによる介護コミュニケーション能力評価
申込URL：https://forms.office.com/Pages/ResponsePage.aspx?id=oy_HkJxhhky73GK1b_fZOcWtO0v6BiJKvnO6c8nsHvxUNExZNTRRQUdKQVI3T09KWEsxTklPOE1BRyQlQCN0PWcu

申込締切：5月4日（月）16:00
＊申込者が多い場合、早めに締め切ることがございます。ご了承ください。

問い合わせ：[email protected]
01-430920,　01-430921

★ヤンゴン日本文化センターFacebookページ：https://www.facebook.com/JFYangon
★ヤンゴン日本文化センターTelegramチャンネル：https://t.me/JFYangon
★ヤンゴン日本文化センターInstagramページ：https://www.instagram.com/jf_yangon?igsh=Zmx6c3Zibnp6OHY1





#国際交流基金

အားလုံး စောင့်မျှော်နေကြတဲ့ EJU အတန်းအပ်များ စတင်လက်ခံပါတော့မယ်နော်။ (In Person အတန်း)
(သင်တန်းကြေး Scholarship ပါ လျှောက်ထားနိုင်မည့် အခွင့်အရေး)

မြန်မာနိုင်ငံမှာတင် EJU စာမေးပွဲရလဒ်နဲ့အတူ Pre-arrival Admission နဲ့ ဂျပန်နိုင်ငံမှာ တက္ကသိုလ်၊ ကောလိပ်တက်ရောက်ချင်သူများ၊
MEXT Scholarship အပါအဝင် အခြားသောပညာသင်ဆုများ လျှောက်ထားချင်သူများအတွက်
(၁၁) လပိုင်း EJU စာမေးပွဲအမီ စနစ်တကျကြပ်မက်ပြင်ဆင်ပေးမယ့် EJU Exam Preparation အတန်းများတက်ရောက်နိုင်ပါပြီ။

ဘယ်သူတွေတက်ရောက်သင့်လဲ။

⭕️ မြန်မာနိုင်ငံ ပညာရေး စနစ်ဟောင်း တက္ကသိုလ် (ပထမနှစ်) ပြီးထားသူများ၊
⭕️ စနစ်သစ် (၁၂) တန်းအောင် ကျောင်းသား/သူများ၊
(**၁၂ တန်း ဖြေဆိုထားပြီးသူများလည်း တက်ရောက်နိုင်သည်။**)
⭕️ IGCSE (A) Level, GED ပြီးထားသူများ၊
⭕️ ဂျပန်နိုင်ငံတွင် တက္ကသိုလ်တက်ရောက်ချင်သူများ၊ Language School မလိုဘဲ တက္ကသိုလ်တိုက်ရိုက်ဝင်ခွင့်ရချင်သူများ၊
⭕️ ပညာသင်ဆု Scholarship လျှောက်ထားချင်သူများ အားလုံးတက်ရောက်သင့်ပါတယ်။

EJU (In Person) အတန်းတွင် သင်ကြားမည့် ဘာသာရပ်များ
==================================
✅ Japanese As A Foreign Languages – JFL
(အနည်းဆုံး ဂျပန်စာ N3 အောင်မြင်ပြီး N2 သင်ကြားနေသူဖြစ်ရန်လိုသည်။)
✅ Physics
✅ Mathematics (Course II) – Maths 2

📌 သင်တန်းစမည့်ရက် - ၁၅.၆.၂၀၂၆
📌 သင်တန်းကာလ - (၆) လ
📌 သင်တန်းကြေး - တစ်ဘာသာလျှင် ၆ သိန်းကျပ် + ဖတ်စာအုပ်ကြေး

အတန်းအပ်နှံလိုသူများအနေဖြင့် အောက်ပါ Application Form အား ဖြည့်စွက်ကာ Kpay မှတဆင့် သင်တန်းကြေးပေးသွင်းအပ်နှံနိုင်ပါသည်။
➡️ သင်တန်းအပ်နှံရန်လင့် - https://forms.gle/2P1QREDH7cKxKWfu5

ယခုဖွင့်လှစ်မည့် EJU (In Person) အတန်းကို “သင်တန်းကြေး ပညာသင်ဆု” ဖြင့် တက်ရောက်နိုင်မယ့် အခွင့်အရေးအား MAJA Education Centre မှ ပေးအပ်သွားမှာဖြစ်လို့ ပညာသင်ဆု လျှောက်ထားလိုသော ကျောင်းသား၊ ကျောင်းသူများအနေနဲ့ အောက်ပါ Google Form မှတဆင့် စာရင်းပေးသွင်းလျှောက်ထားနိုင်ပါသည်။
➡️ Scholarship လျှောက်ထားရန်လင့် - https://forms.gle/LLJdhkvku6ThU7uG7

ပညာသင်ဆုလျှောက်ထားသည့် ကျောင်းသား၊ ကျောင်းသူများအား [ပထမအဆင့် Essay ရေးသားမှုအပိုင်းနှင့် ဒုတိယအဆင့် လူတွေ့အင်တာဗျူးတို့ဖြင့် ရွေးချယ်စိစစ်သွားမည်ဖြစ်ပါသည်။]

သင်တန်းနှင့်ပတ်သက်ပြီး အသေးစိတ်ထပ်မံသိရှိလိုသည်များနှင့် မေးမြန်းစုံစမ်းလိုသည်များကို -
➡️ MAJA Education Centre ၏ ရုံးဖုန်း (09 428 613 848) သို ဖုန်းခေါ်ဆို၍ ဖြစ်စေ၊ Viber မှ တဆင့်မေးမြန်း၍ဖြစ်စေ စုံစမ်းနိုင်ပါသည်။ (ရုံးချိန် - တနင်္လာနေ့မှ သောကြာနေ့ : မနက် ၉ နာရီမှ ညနေ ၄ နာရီခွဲအတွင်း)

🏡 Campus Address : အမှတ် (၄၄၀/ဘီ)၊ ဇေယျ (၁၄) လမ်း၊ (၁၀) ရပ်ကွက်၊ သစ္စာလမ်းမအနီး၊ တောင်ဥက္ကလာပမြိုနယ်၊ ရန်ကုန်မြို။ (ဂိတ်ဟောင်းမှတ်တိုင်အနီး၊ တောင်ဥက္ကလာတရားရုံးဘေးလမ်း)

“ရုံးပိတ်ရက်များ ကြေညာခြင်း”
“ညောင်ရေသွန်းပွဲတော်” ၃၀.၄.၂၀၂၆ (ကြာသပတေးနေ့)၊ “ကမ္ဘာ့ အလုပ်သမားနေ့” ၁.၅.၂၀၂၆ (သောကြာနေ့)၊ ၂.၅.၂၀၂၆ (စနေနေ့) နှင့် ၃.၅.၂၀၂၆ (တနင်္ဂနွေနေ့) များအား MAJA Head Office, MAJA Education Centre, MAJA Office (Mandalay Branch) နှင့် JLPT Test Management Centre များ၏ ရုံးပိတ်ရက်များအဖြစ် သတ်မှတ်ထားပါကြောင်း ကြေညာအပ်ပါသည်။

Application Announcement for MEXT Scholarship 2027
(Undergraduate, College of Technology, Specialized Training)

ဂျပန်နိုင်ငံ၏ Ministry of Education, Culture, Sports, Science and Technology (MEXT) မှ 2027 ခုနှစ် ပညာသင်နှစ်အတွက် ပေးအပ်မည့် အောက်ပါ Undergraduate Students Scholarship Program များအတွက် ဧပြီလ ( ၂၂ ) ရက်နေ့မှ စတင်၍ စာရင်းသွင်းနိုင်ပြီး၊ မေလ ( ၁၄ ) ရက်နေ့မှ လျှောက်လွှာစာရွက်စာတမ်းများကို စတင်လက်ခံမည်ဖြစ်ကြောင်း အသိပေးကြေငြာအပ်ပါသည်။
1. Undergraduate Students Program
2. College of Technology Students Program
3. Specialized Training College Students Program

(က) လျှောက်လွှာပုံစံများ၊ အရည်အချင်းသတ်မှတ်ချက်များနှင့် လိုအပ်ချက်များအပါအ၀င် အသေးစိတ်အချက် အလက်များကို အောက်ပါ link များတွင် download ရယူပြီး ကြည့်ရှုလေ့လာလျှောက်ထားနိုင်ပါသည်။
(Undergraduate)
https://www.studyinjapan.go.jp/en/smap-stopj-applications-undergraduate.html

(College of Technology)
https://www.studyinjapan.go.jp/en/smap-stopj-applications-technology.html

(Specialized Training College)
https://www.studyinjapan.go.jp/en/smap-stopj-applications-specialized.html

Undergraduate Students Program, College of Technology Students Program, Specialized Training College Students Program များနှင့် ပတ်သက်၍ အောက်ပါအတိုင်း လျှောက်ထားနိုင်မည်ဖြစ်ပြီး ဆက်လက် ဖော်ပြထားသည့်အတိုင်း ရွေးချယ်သွားမည် ဖြစ်ပါသည်။
လျှောက်ထားရန် ပညာအရည်အချင်း လိုအပ်ချက်
Undergraduate Student Program အား တက္ကသိုလ်ဝင်စာမေးပွဲတွင် အမှတ်ပေါင်း ၄၅၀ နှင့် အထက် (သို့မဟုတ်) EJU, Cambridges International (A) Level, iGCSE, GCE (A) Level စသည့် နိုင်ငံတကာ အသိအမှတ်ပြု စာမေးပွဲများ*တွင် အမှတ်ပေါင်း ၆၀% အထက် ရရှိထားသူများ လျှောက်ထားနိုင်ပါသည်။
College of Technology Training Student Program နှင့် Specialized Training College Students Program အား တက္ကသိုလ်ဝင်စာမေးပွဲတွင် အမှတ်ပေါင်း ၄၂၀ နှင့် အထက် (သို့မဟုတ်) EJU, Cambridges International (A) Level, iGCSE, GCE (A) Level စသည့် နိုင်ငံတကာ အသိအမှတ်ပြု စာမေးပွဲများ*တွင် အမှတ်ပေါင်း ၅၀% အထက် ရရှိထားသူများ လျှောက်ထားနိုင်ပါသည်။
(*) နိုင်ငံတကာ အသိအမှတ်ပြု စာမေးပွဲများနှင့် ပတ်သက်၍ မရှင်းလင်းသည်များရှိပါက MAJA ရုံးခန်းသို့ ရုံးချိန်အတွင်း ဆက်သွယ်မေးမြန်း စုံစမ်းနိုင်ပါသည်။

***

(ခ) မိမိနှင့်ကိုက်ညီသော Scholarship Program (တစ်ခု) ကို ရွေးချယ်၍ အောက်ဖေါ်ပြပါအစီအစဥ်အတိုင်း လျှောက်ထားနိုင်ပါသည်။ MEXT မှ သတ်မှတ်ထားသည့် Guidelines အရ လက်ရှိ မြန်မာနိုင်ငံတွင်း နေထိုင်သူများ သာလျှောက်ထားနိုင်ပါသည်။

၁။ လျှောက်လွှာလက်ခံရက်
စာရင်းသွင်းခြင်း (Google Form) – April 22nd 2026 မှ May 13th 2026 အတွင်း (ပိတ်ရက်မရှိ) (မေလ ၁၃ ရက်နေ့ ညနေ ၃း၀၀ နာရီ အထိသာ)
လျှောက်လွှာစာရွက်စာတမ်းများ ပေးပို့တင်သွင်းခြင်း - May 14th 2026 မှ May 21st 2026 အတွင်း
(ပိတ်ရက်မရှိ) (နေ့စဉ် နံနက် ၉း၀၀ နာရီမှ ညနေ ၃း၀၀ နာရီ အတွင်းသာ)
(April 22nd 2026 မှ May 13th 2026 အတွင်း Google Form တွင် စာရင်းသွင်းထားခြင်းမရှိပါက လျှောက်လွှာ စာရွက်စာတမ်းများအား လက်ခံမည်မဟုတ်ပါ။)

၂။ လျှောက်ထားရမည့်နည်းလမ်း
(၂-၁) Google Form တွင် စာရင်းသွင်းခြင်း - သတ်မှတ်ရက်နှင့်အချိန်အတွင်း အောက်ဖေါ်ြပပါ Google Form တွင် အချက်အလက်များကို ဖြည့်သွင်းပြီး စာရင်းပေးသွင်းရမည် ဖြစ်ပါသည်။
(Undergraduate)
https://forms.gle/UrtRFNH7czzwPAsU7

(College of Technology)
https://forms.gle/nus1tq4RdGRGJ99y7

(Specialized Training College)
https://forms.gle/qNGD2Fduah7KtRun6

(၂-၂) လျှောက်လွှာစာရွက်စာတမ်းများ ပေးပို့ခြင်း - ဂျပန်နိုင်ငံ၏ MEXT (Ministry of Education, Culture, Sports, Science and Technology) မှ သတ်မှတ်ထားသည့် လျှောက်လွှာနှင့်အတူ ပညာအရည်အချင်းနှင့်ပတ်သက်သည့် အောက်ဖော်ပြပါ စာရွက်စာတမ်းများအား MAJA ရုံးခန်းသို့ လူကိုယ်တိုင်/ ကိုယ်စားဖြစ်စေ၊ စာတိုက်/ အမြန်ချောပို့များ မှတဆင့်ဖြစ်စေ May 21st 2026 ညနေ ၃း၀၀ နာရီ နောက်ဆုံးထား၍ ပေးပို့လျှောက်ထားရမည် ဖြစ်သည်။

1. Application Form
(အပိုဒ်-က ပါ link တွင် ဝင်ရောက် download ရယူ၍ လက်ရေးဖြင့်ဖြစ်စေ၊ ကွန်ပျူတာဖြင့်ဖြစ်စေ ပြည့်စုံစွာ ဖြည့်စွက်ရန်။)

2. Academic Transcript(s) for all school/ university years
(တက္ကသိုလ်ဝင်စာမေးပွဲ အောင်မြင်ထားသူ (သို့မဟုတ်) တက္ကသိုလ် ပထမနှစ် တက်ရောက်နေသူ ဖြစ်ပါက တက္ကသိုလ်ဝင်တန်းအမှတ်စာရင်းမိတ္တူ တင်ပြရမည်။ တက္ကသိုလ်ဒုတိယနှစ်နှင့်အထက် တက်ရောက်နေသူဖြစ်ပါက တက္ကသိုလ်ဝင်တန်းအမှတ်စာရင်းမိတ္တူနှင့်တကွ တက်ရောက်ခဲ့ပြီးသော စာသင်နှစ်များ၏ အမှတ်စာရင်းများကိုပါ တင်ပြရမည်။ နိုင်ငံတကာအသိအမှတ်ပြုစာမေးပွဲ ဖြေဆို ထားသူများအနေဖြင့် သက်ဆိုင်ရာစာမေးပွဲများ၏ အမှတ်စာရင်းမိတ္တူများအား တင်ပြရမည်။)

3. Certificate of Graduation of School
(တက္ကသိုလ်ဝင်တန်းအောင်လက်မှတ်မိတ္တူ (သို့မဟုတ်) နိုင်ငံတကာအသိအမှတ်ပြု စာမေးပွဲ ဖြေဆိုထားသူများအနေဖြင့် သက်ဆိုင်ရာစာမေးပွဲအောင်လက်မှတ်မိတ္တူကို တင်ပြရမည်။)

4. Screenshot Proof of Application
(April 22nd 2026 မှ May 13th 2026 အတွင်း Google Form တွင် စာရင်းသွင်းပြီးပါက လျှောက်ထားသူ၏ email သို့ အလိုအလျောက်ဝင်လာမည့် response email အား အနည်းဆုံး မိမိအမည်ပေါ်သည်အထိ screenshot ရိုက်ယူ၍ print ထုတ်ပြီး ပူးတွဲတင်ပြရမည်။)

ပေးပို့ရမည့် လိပ်စာ
မြန်မာနိုင်ငံဂျပန်ပြန်ပညာသင်ဟောင်းအသင်း (MAJA)
အမှတ် 2B(4)၊ နှင်းဥယျာဉ်အိမ်ရာ၊ သုမင်္ဂလာလမ်း၊ သင်္ဃန်းကျွန်းမြို့နယ်၊ ရန်ကုန်မြို့။
စာတိုက်/ အမြန်ချောပို့များဖြင့် ပေးပို့လိုပါက “ညနေ ၃း၀၀ နာရီ မတိုင်ခင် ပို့ပေးပါရန်” ဟု မှတ်ချက် ထည့်ပေးရန်။

***
(ဂ) MAJA မှ အောက်ဖေါ်ပြပါအဆင့်များဖြင့် ပဏာမရွေးချယ်သွားပါမည်။
(၁) လျှောက်လွှာနှင့် ပညာအရည်အချင်းအထောက်အထားများကို စိစစ်ခြင်း။
(သတ်မှတ်ချက်နှင့် ပြည့်စုံသော လျှောက်ထားသူများအား ရေးဖြေစာမေးပွဲဖြေဆိုရန်
ဖြေဆိုခွင့်ရရှိသူစာရင်းကို May 22nd 2026 တွင်ကြေငြာသွားပါမည်။)
(၂) ရေးဖြေစာမေးပွဲဖြင့်အကဲဖြတ်ခြင်း။
1. Undergraduate Students ဖြေဆိုရမည့်ဘာသာများ
(Japanese Language and Mathematics A or B)
2. College of Technology Students ဖြေဆိုရမည့်ဘာသာများ
(Japanese Language and Mathematics B)
3. Specialized Training College Students ဖြေဆိုရမည့်ဘာသာများ
(Japanese Language and Mathematics A)
(၃) ရေးဖြေစာမေးပွဲကျင်းပမည့်ရက် - May 30th 2026 (Saturday)
(၄) ရေးဖြေစာမေးပွဲဖြေဆိုရမည့်နေရာ - ဖြေဆိုခွင့်ရရှိသူစာရင်းနှင့်အတူ အကြောင်းကြားပါမည်။

***

(ဃ) ပဏာမအဆင့်အောင်မြင်သူများကို မြန်မာနိုင်ငံဆိုင်ရာဂျပန်သံရုံးမှ ဆက်လက်စစ်ဆေးရွေးချယ်ခြင်းများ ပြုလုပ်မည် ဖြစ်ပါသည်။
***
(င) စာမေးပွဲကျင်းပမည့်အစီအစဉ်အသေးစိတ်အား စာမေးပွဲဖြေဆိုခွင့်ရရှိသူများထံ မေလ ၂၇ ရက်၊ ၂၈ ရက်နှင့် ၂၉ ရက်နေ့များတွင် Email ဖြင့် ပေးပို့သွားမည် ဖြစ်ပါသည်။
***
(စ) MEXT Scholarship 2027 အတွက် လျှောက်ထားသူများ/ ရွေးချယ်ခံရသူများအနေဖြင့်လည်း အခြေအနေ အရပ်ရပ်ပေါ်မူတည်၍ ပြောင်းလဲမှုများ ရှိလာနိုင်သည်ကိုလည်း ကြိုတင် အသိပေးအပ်ပါသည်။

***
သတိပြုရန်
မိမိဖြည့်စွက်ထားသော Email Address မှားယွင်းခြင်း၊ အချိန်မှီ Email စစ်ဆေးခြင်း မပြုသောကြောင့် ဖြစ်ပေါ်လာသော နောက်ကျခြင်းများသည် လျှောက်ထားသူ၏ တာဝန်သာ ဖြစ်ပါသည်။

အသေးစိတ်သိရှိလိုပါက MAJA ရုံးခန်း၏ တယ်လီဖုန်းအမှတ်များဖြစ်သည့် ၀၁ - ၇၅၇၁၀၁၅ (Ext: ၁)၊
၀၉ - ၂၆၂၆၀၂၁၂၁ ၊ ၀၉ - ၄၂၈၆၁၂၁၅၁ သို့ ရုံးချိန်အတွင်း ဆက်သွယ်မေးမြန်း စုံစမ်းနိုင်ပါသည်။

မြန်မာနိုင်ငံဂျပန်ပြန်ပညာသင်ဟောင်းအသင်း
MAJA

Application Announcement for MEXT Scholarship 2027
(Research Students Program)

ဂျပန်နိုင်ငံ၏ Ministry of Education, Culture, Sports, Science and Technology (MEXT) မှ 2027 ခုနှစ် ပညာသင်နှစ်အတွက် ပေးအပ်မည့် Research Students Scholarship Program အတွက် ဧပြီလ ( ၂၂ ) ရက်နေ့မှ စတင်၍ စာရင်းသွင်းနိုင်ပြီး၊ မေလ ( ၁၄ ) ရက်နေ့မှ လျှောက်လွှာစာရွက်စာတမ်းများကို စတင်လက်ခံမည် ဖြစ်ကြောင်း အသိပေးကြေငြာအပ်ပါသည်။

(က) လျှောက်လွှာပုံစံများ၊ အရည်အချင်းသတ်မှတ်ချက်များနှင့် လိုအပ်ချက်များအပါအ၀င် အသေးစိတ် အချက်အလက်များကို အောက်ပါ link တွင် download ရယူပြီး ကြည့်ရှုလေ့လာလျှောက်ထားနိုင်ပါသည်။

https://www.studyinjapan.go.jp/en/smap-stopj-applications-research.html

***

(ခ) ပြည်တွင်း/ပြည်ပ တက္ကသိုလ် တစ်ခုခုမှ ဘွဲ့ရရှိပြီးသူများ ယခု Scholarship Program ကို အောက်ဖေါ်ပြပါ အစီအစဥ်အတိုင်း လျှောက်ထားနိုင်ပါသည်။ MEXT မှ သတ်မှတ်ထားသော Guidelines အရ လက်ရှိမြန်မာနိုင်ငံ တွင် နေထိုင်သူများသာ လျှောက်ထားနိုင်ပါသည်။

၁။ လျှောက်လွှာလက်ခံရက်
စာရင်းသွင်းခြင်း (Google Form) – April 22nd 2026 မှ May 13th 2026 အတွင်း (ပိတ်ရက်မရှိ) (မေလ ၁၃ ရက်နေ့ ညနေ ၃း၀၀ နာရီ အထိသာ)
လျှောက်လွှာစာရွက်စာတမ်းများ ပေးပို့တင်သွင်းခြင်း - May 14th 2026 မှ May 21st 2026 အတွင်း
(ပိတ်ရက်မရှိ) (နေ့စဉ် နံနက် ၉း၀၀ နာရီမှ ညနေ ၃း၀၀ နာရီ အတွင်းသာ)
(April 22nd 2026 မှ May 13th 2026 အတွင်း Google Form တွင် စာရင်းသွင်းထားခြင်းမရှိပါက လျှောက်လွှာ စာရွက်စာတမ်းများအား လက်ခံမည်မဟုတ်ပါ။)

၂။ လျှောက်ထားရမည့်နည်းလမ်း
(၂-၁) Google Form တွင် စာရင်းသွင်းခြင်း - သတ်မှတ်ရက်နှင့်အချိန်အတွင်း အောက်ဖေါ်ြပပါ Google Form တွင် အချက်အလက်များကို ဖြည့်သွင်းပြီး စာရင်းပေးသွင်းရမည် ဖြစ်ပါသည်။
https://forms.gle/qGin9ph5LmukSsas6

(၂-၂) လျှောက်လွှာစာရွက်စာတမ်းများပေးပို့ခြင်း - ဂျပန်နိုင်ငံ၏ MEXT (Ministry of Education, Culture, Sports, Science and Technology) မှ သတ်မှတ်ထားသောလျှောက်လွှာနှင့် ပညာအရည်အချင်းနှင့် ပတ်သက်သည့် အောက်ဖော်ပြပါစာရွက်စာတမ်းများအား MAJA ရုံးခန်းသို့ လူကိုယ်တိုင်/ကိုယ်စားဖြစ်စေ၊ စာတိုက်/ အမြန်ချောပို့ များမှတဆင့်ဖြစ်စေ May 21st 2026 ညနေ ၃း၀၀ နာရီ နောက်ဆုံးထား၍ ပေးပို့လျှောက်ထားရမည် ဖြစ်သည်။

1. Application Form
(အပိုဒ်-က ပါ link တွင် ဝင်ရောက် download ရယူ၍ လက်ရေးဖြင့်ဖြစ်စေ၊ ကွန်ပျူတာဖြင့်
ဖြစ်စေ ပြည့်စုံစွာ ဖြည့်စွက်၍ ပေးပို့ရမည်။)

2. Academic Transcript for all academic year of university attended
(မိမိနောက်ဆုံးရရှိခဲ့သည့် Bachelor Degree သို့မဟုတ် Master Degree အတွက် တက်ရောက်ခဲ့ သော စာသင်နှစ်အားလုံး၏ အမှတ်စာရင်းမိတ္တူများ တင်ပြရမည်။)

3. Certificate of Graduation
(မိမိနောက်ဆုံးရရှိခဲ့သည့် Bachelor Degree သို့မဟုတ် Master Degree ဘွဲ့လက်မှတ်မိတ္တူကို တင်ပြရမည်။)

4. Research Plan
(အပိုဒ်-က ပါ link တွင် Research Plan Format အား ဝင်ရောက် download ရယူ၍ ကွန်ပျူတာဖြင့် စာစီရေးသားရပါမည်။ အနည်းဆုံး ၂ မျက်နှာမှ အများဆုံး ၄ မျက်နှာထိ ရေးသား တင်ပြရပါမည်။ ရေးဖြေစာမေးပွဲအား အကဲဖြတ်သည့်အချိန်တွင် Research Plan အားလည်း ပူးတွဲ အကဲဖြတ် အမှတ်ပေးသွားမည်ဖြစ်သည်။)

5. Screenshot Proof of Application
(April 22nd 2026 မှ May 13th 2026 အတွင်း Google Form တွင် စာရင်းသွင်းပြီးပါက လျှောက်ထားသူ၏ email သို့ အလိုအလျောက်ဝင်လာမည့် response email အား အနည်းဆုံး မိမိအမည်ပေါ်သည်အထိ screenshot ရိုက်ယူ၍ print ထုတ်ပြီး ပူးတွဲတင်ပြရမည်။)

ပေးပို့ရမည့် လိပ်စာ
မြန်မာနိုင်ငံဂျပန်ပြန်ပညာသင်ဟောင်းအသင်း (MAJA)
အမှတ် 2B(4)၊ နှင်းဥယျာဉ်အိမ်ရာ၊ သုမင်္ဂလာလမ်း၊ သင်္ဃန်းကျွန်းမြို့နယ်၊ ရန်ကုန်မြို့။
စာတိုက်/ အမြန်ချောပို့များဖြင့် ပေးပို့လိုပါက “ညနေ ၃း၀၀ နာရီ မတိုင်ခင် ပို့ပေးပါရန်” ဟု မှတ်ချက် ထည့်ပေးရန်။

(ဂ) MAJA မှ အောက်ဖေါ်ပြပါ အဆင့်များဖြင့် ပဏာမရွေးချယ်သွားပါမည်။
(၁) လျှောက်လွှာနှင့် ပညာအရည်အချင်းအထောက်အထားများကို စိစစ်ခြင်း။
(သတ်မှတ်ချက်နှင့် ပြည့်စုံသော လျှောက်ထားသူများအား ရေးဖြေစာမေးပွဲဖြေဆိုရန်
ဖြေဆိုခွင့်ရရှိသူစာရင်းကို May 22nd 2026 တွင်ကြေငြာသွားပါမည်။)
(၂) ရေးဖြေစာမေးပွဲဖြင့်အကဲဖြတ်ခြင်း။
(English Language and Basic Japanese) or (Japanese Language N2 Level)
(၃) ရေးဖြေစာမေးပွဲ ကျင်းပမည့်ရက် - May 31st 2026 (Sunday)
(၄) လူတွေ့စစ်ဆေးအကဲဖြတ်ခြင်း။
(ရေးဖြေစာမေးပွဲဖြေဆိုအောင်မြင်သူများအနေဖြင့် လူတွေ့စစ်ဆေးအကဲဖြတ်ခြင်းအတွက်
ရန်ကုန်မြို့ရှိ သတ်မှတ်စာဖြေဌာနသို့ လူကိုယ်တိုင်လာရောက်ရပါမည်။ အသေးစိတ်အား
ဇွန်လ (၂) ရက်နေ့တွင် ရေးဖြေစာမေးပွဲ အောင်စာရင်းနှင့်တကွ အကြောင်းကြားသွားပါမည်။)
(၅) လူတွေ့စစ်ဆေးအကဲဖြတ်မည့်နေ့ရက် - June 15th 2026 နှင့် June 16th 2026 (Monday & Tuesday)

***

(ဃ) ပဏာမအဆင့်အောင်မြင်သူများကို မြန်မာနိုင်ငံဆိုင်ရာဂျပန်သံရုံးမှ ဆက်လက်စစ်ဆေးရွေးချယ်ခြင်းများ ပြုလုပ်မည် ဖြစ်ပါသည်။

(င) စာမေးပွဲကျင်းပမည့်အစီအစဉ်အသေးစိတ်အား စာမေးပွဲဖြေဆိုခွင့်ရရှိသူများထံ မေလ ၂၇ ရက်၊ ၂၈ ရက်နှင့် ၂၉ ရက်နေ့များတွင် Email ဖြင့် ပေးပို့သွားမည် ဖြစ်ပါသည်။

***
(စ) MEXT Scholarship 2027 အတွက် လျှောက်ထားသူများ/ ရွေးချယ်ခံရသူများအနေဖြင့်လည်း အခြေအနေ အရပ်ရပ်ပေါ်မူတည်၍ ပြောင်းလဲမှုများ ရှိလာနိုင်သည်ကိုလည်း ကြိုတင် အသိပေးအပ်ပါသည်။

***
သတိပြုရန်
မိမိဖြည့်စွက်ထားသော Email Address မှားယွင်းခြင်း၊ အချိန်မှီ Email စစ်ဆေးခြင်း မပြုသောကြောင့် ဖြစ်ပေါ်လာသော နောက်ကျခြင်းများသည် လျှောက်ထားသူ၏ တာဝန်သာ ဖြစ်ပါသည်။

အသေးစိတ်သိရှိလိုပါက MAJA ရုံးခန်း၏ တယ်လီဖုန်းအမှတ်များဖြစ်သည့် ၀၁ - ၇၅၇၁၀၁၅ (လိုင်းခွဲ - ၂)၊
၀၉ - ၂၆၂၆၀၂၁၂၁ ၊ ၀၉ - ၄၂၈၆၁၂၁၅၁ သို့ ရုံးချိန်အတွင်း ဆက်သွယ်မေးမြန်း စုံစမ်းနိုင်ပါသည်။

မြန်မာနိုင်ငံဂျပန်ပြန်ပညာသင်ဟောင်းအသင်း
MAJA