3ouloum be-Tounsi علوم بالتونسي

الصورة هاذي عبارة على #تجربة تبين أهمية إنّا نلبسو حاجة مستوية في ساقينا. 👟👞🥾🥿

:

أولا، كان تلاحظو اللي في كل ساق لاصقة حاجة و مدورة بالأزرق 🤔

الحاجة هاذيكة اسمها بالتونسي يستعملها خاصة #البناي باش يعرف اللي الحيط اللي يبني فيه إنو عمودي، و بالفرنسي اسمها ، اللي هي عبارة على خيط و مربوط في آخرها #رصاص

:

كان تلاحظو في الثلاثة صور (من اليسار إلى اليمين)، اللي كل ما الساق ترتفع من جهة القدم و تميل القدام، يبقى عمودي.

و لازمنا نعرفو، اللي يهبط بطريقة عمودية على الساق كيمة بالضبط.

:

كيما تشوفو في الصور، اللي تحول بالشوي بالشوي و أصبح موجود فوق الصوابع، و اللي هو يعني إنو تحول فوق صوابع الساقين، و هذا اللي يتسبب في أوجاع و ينتج ضغط كبير علاهم بسبب لبسان العالي 👡👢👠

تخيل إنو العصفور و النسر و الحمامة و البومة... في بلاصة صغيييرة في مخهم، يعملو في الحسابات المعقدة هاذي الكل.!!!

السرعة.. الإرتفاع.. الحمولة.. الوزن.. الإتجاهات.. البوصلة.. التوقيت.. الرادارات اللي باش تلوج باهم على الماكلة.. الرادارات اللي باش تعس باهم عالأعداء.. عدادات الهبوط و الإقلاع..

و هذا الكل من غير برج مراقبة و لا قمر صناعي و لا GPS..
🌺سبحان الله 🌺

يقيل؟؟!! 🤔

حوت العنبر (cachalot(FR) s***m whale(EN

هو كائن حي يستحق ياخو تغميضة بعد أي جهد يعملو،
لكن النومة اللي يعملها عندها قوانين 👨‍🏫

كي يقرر باش يرقد 😴 ياخو نفس كبييير و يغطس إلى عمق 15 متر، و ينظمو رواحهم بطريقة عمودية و على نفس المستوى بكل دقة 👌

يغطسو في النوم لمدة توصل لساعتين 🕛🕑 و بعد يعاودو يطلعو لسطح البحر، ياخو كمية هواء و يرجعو لبلاصتهم متاع النوم، في مجموعات تتكون من 5 أو 6 حيتان لحماية أنفسهم 🙅‍♂️

حتى حد ما عرف اللي الحيتان يرقدو بطريقة عمودية، حتاكش لين صارت دراسة 📚 سنة 2008 و وثقت 🗃️ السلوك هذا.

و حتى حد ما نجم ياخذلهم تصاور واضحين 📸 كان في سنة 2017، وقتلي المصور الفرنسي Stéphane Granzotto و هو بصدد تحضير كتابو اللي يحكي على الكائنات، عرضوه حيتان العنبر و هوما مقيلين في البحر الأبيض المتوسط 😴 🐋💙

الحيوانات تتقسم إلى برشة فصائل و مجموعات.

و مابين هالفصائل هاذي، فصيلة اسمها "الثدييات"

الفصيلة هاذي معروف علاها انها "تولد" و ترضع صغيرها "الحليب" ، كيمة العلوش 🐑 و الجمل 🐪 و غيرهم.

لكن #الثدييات متعيشش على اليابسة فقط، بل ثمة #ثدييات في البحر 🌊 زادة، كيمة الدولفين 🐬 و الحوت الأزرق 🐳 .

معناها baleine 🐋 يولد و يرضع صغيرو الحليب؟؟!!

لكن كيفاش يعطيه الحليب و هو موجود في البحر، ياخي الحليب و الماء ميتخلطوش؟! 🤔

أولا،
اللي نعرفوه على الرضاعة، انو bébé 👶 كي يحب يرضع من عند أمو الحليب 🍼 يمارس عملية الإمتصاص.
و الأم متنجمش تتحكم في عملية خروج الحليب.

لكن بالنسبة للحوت الأمر مغاير تماما.

معناها خروج الحليب، الأم هي اللي تتحكم فيه، و وقتللي يجوع صغيرها و يقترب منها، وقتها هي تخرج الحليب لصغيرها باش ميضيعش في البحر.

ثانيا، الحليب متاع الحوت فيه نسبة كبييييييرة من الدهون، هذا اللي يخليه يكون مادة لزجة و يصعب انو يتخلط (يتحلل) مع الماء، بل ينجم يبقى الحليب في البحر كتلة مستقلة بذاتها و يقدر الصغير يشربها 😊



تصوير: مايك كوروستيليف

تتذكرها الفازة متاع كي نصغرو فم الكوتشو متاع الماء بإيدينا، الماء يزيد يجري بالقوي و يمشي البعيد!!

الفازة هاذي تعملها السيدة الوالدة كي تسيق، يعملها الجنايني كي باش يسقي، تعملها انت كي باش تغسل الكرهبة..

إللي مكتوب في التصويرة هو نوعا ما، تفسير علاش الماء نحسوه يقوى كي نسكرو فم الكوتشو!!!

تصور، لو كان جيت متنجم تعمل الحكاية هاذي، إلا ما تكون فاهم اللي في الورقة 🤪

هاذي نعمة من نعم ربي، انو سخرلنا الطبيعة تحت طوعنا و تعملنا اللي نحبوه منغير منفهمو علاش

مالا أقرى التفسير اللي في التصويرة و ربي يقدرنا على فعل الخير 🤪🤪

تو الحوت في البحر يحتاج أملاح معدنية باش يعيش، لكن الأملاح المعدنية أصل وجودها في باطن الأرض، مالا كيفاش باش توصلو؟

اعمل كويس تاي 🍵🌱 منعنع، ترشفو و كمل أقرأ 📖

واحنا صغار، مثماش شكون فينا محطش دبوزة ماء بلار في congélateur و مطرشقتش 🤫 و إلا دبوزة ماء بلاستيك و كي يجينا نحلو فاها نلقو الثلج قريب يخرج مالدبوزة..

شنوة الحكاية اللي جرات و شنوة علاقتها بموضوعنا 🤔

إللي جرا، إنو الماء من الخصائص متاعو كي توصل حرارتو ل 4 درجات، يزيد يتنفخ، بحيثو حجمو يكبر.

و الماء كي يولي ثلج و يكبر حجمو، تولي عندو قوة ضغط لا يستهان بها، توصل تكسر دبوزة البلار، و توصل زادة تكسر الحجر!!! اي نعم الحجر و هذا هو الجزء الثاني من حديثنا 😜

أحنا نعرفو انو كل كائن حي (معناها ينمو)، يحتاج الأملاح المعدنية (الفوسفور، المانييزيوم...)

و الأملاح هاذي أصلها في باطن الأرض، و متنجم تخرج لسطح الأرض كان عن طريق البراكين 🌋

لكن الأملاح المعدنية كي تخرج لسطح الأرض، يلزم تنتشر لكامل القشرة النباتية 🌻🌲🌴 باش تغذي النباتات اللي بدورها تغذينا 👨‍👩‍👧‍👦 و تغذي الحيوان 🐄🦌 و لازم زادة الأملاح هاذي توصل حتى للبحر لتغذية الكائنات البحرية 🐬🐳

مالا كيفاش باش توصللهم الأملاح هالجماعة 🙄

ماو قلنا الأملاح المعدنية تخرج مع الحمم البركانية، و بعدما تبرد الحمم، تولي حجارة صلبة محصورة فاها الأملاح.

الحجارة هاذي فاها فراغات من داخل ميكروسكوبية، تحصر فاها الهواء.
الهواء هذا في الأصل هو بخار الماء (معناها الماء في حالة غازية)
وقتلي تبرد الدنيا، بخار الماء اللي محصور في الحجرة يجمد و يكبر حجمو و كي تسخن الدنيا يرجع سايل و غازي.

إللي يجرا للماء هو التمدد و التقلص، الشي هذا يسبب قوة ضغط داخل الحجرة لين تتشقق بالشوي و تتفتفت.

و تولي المطر 🌧️ و الوديان 🏞️ يهز الفتفات هذاكة معاه لين يصب في البحر، و هكة تولي خاصية انتفاخ الماء عند التجمد تساهم في وصول الأملاح المعدنية لكامل قشرة الأرض و البحر 😊