Life Coach Hanaa Marzouk

من اكتر الحاجات اللي لما بشوفها او بسمعها بحزن من قلبي لما يقولوا على مجرم او شخص مؤذي انه مريض نفسي عشان كده عمل الفعل ده !! عارفين يعني ايه مرض نفسي الاول ؟ يعني شخص مكتئب او عنده اضطراب قلق او عنده وسواس قهري او اضطراب مابعد الصدمه مثلا .. الناس دي اذيتكم في ايه عشان تشبهوهم بالمجرمين او المؤذيين !! السفاح او المجرم بيبقى سيكوباتي عنده اضطراب شخصية يعني خلل في تكوين شخصيته والمغتصب او المتحرش عنده انحراف جنسي دول اسمهم مجرمين ومنحرفين مش مرضى نفسيين .. ماتكرهووش المرضى النفسيين في نفسهم ماتكونوش انتو السبب في ان هما بيخافوا يعترفوا بمرضهم وانهم محتاجين مساعده بسبب ان المجتمع بيقول على كل حد سيء انه مريض نفسي !! المريض النفسي بيبقى في الغالب ضحية المجرمين والمؤذيين بسبب وجوده في علاقات معاهم سواء كانوا اهلهم او اللي مرتبطين بيهم .. المريض النفسي مش مؤذي المريض النفسي هو اللي مأذي ..!!
اتقوا الله فيهم !!

إزاي شخصيتك اتكونت؟ وإزاي اللي عيشته أثر عليك؟
إحنا كلنا بنتشكل من اللي مرينا بيه.. التربية، صدمات الطفولة، البيئة اللي حوالينا، كل ده بيحفر جوانب في شخصيتنا من غير ما نحس. لكن هل فكرت قبل كده إزاي ده كله بيأثر على أفكارك، مشاعرك، وسلوكك في حياتك وعلاقاتك وشغلك دلوقتي؟
✨ اختبار اضطرابات الشخصية مش مجرد اختبار، ده باب هيفتح لك فهم أعمق لنفسك. هيساعدك تكتشف:
✔ إزاي نشأتك وتجاربك شكلت شخصيتك
✔ إزاي الأحداث اللي عشتها بتحدد مشاعرك وردود أفعالك دلوقتي
✔ إزاي اضطراب الشخصية اللي ممكن تكتشفه هو المحرك الأساسي لطريقة تفكيرك وتعاملاتك مع نفسك والمجتمع
✔ شرح كامل لنوع اضطراب الشخصية اللي عندك هل نرجسية ، هستيريه، حديه، وسواسيه، تجنبيه، انطوائيه ،مازوخيه ،ساديه وغيرهم.
🛤️ الفهم هو أول خطوة للتغيير.. خليك شجاع وخد أول خطوة تجاه اكتشاف حقيقتك.
📩 لو حابب تعرف أكتر أو تحجز الاختبار، ابعتلي رسالة دلوقتي. ✨

لما حد بيسيبنا فجاه بعد علاقه قويه او طويله بياخد معاه جزا مننا كان هو مستحقه في فترة وجوده وده اللي بيخلينا نحنله لان هو معاه حته من حياتنا يعني حكاياتنا وصفات شخصياتنا وضحكتنا ودموعنا كل ده شاركناه معاه فطبيعي نحن للي ضاع مننا بعده ، ويفضل وهم الرجوع هو المسيطر على افكارنا .. اكيد هنرجع وهترجع كل حاجه زي ما كانت ..!
بنفوق من الوهم على صدمة رجوع الشخص اللي مكناش في انتظاره .. اه هو نفس الاسم نفس الشكل لكن بأفكار ومشاعر وسلوك مختلف .. وكأن الشخص اللي كنا عارفينه اختفى مع لحظة الفراق. بنبقى واقفين قدام حد غريب، غير مطابق للمواصفات اللي مقتنعين بيها بناء على صورته القديمه جوانا ..!
الحقيقة القاسيه هي إن الحنين بيفكرنا باللي فات لكن مش بيعيده ، والذكريات اللي عشناها معاهم مش بتمنعهم من التغير وان اللي بيرجعلنا بيبقى مجرد ظل لشخص كان في يوم من الأيام جزا مهم من حياتنا.

الزمن بيغير واحنا كمان بنتغير والرجوع في أوقات كتير بيبقى كانك رجعت البرواز المكسور مكانه بس بدون ما تصلحه.
ماتيجي نقبل رحيله ونحاول بنفسنا نبني جوانا الجزا اللي خده مننا معاه وافتقدناه.. لو قدرنا نرجع نفسنا احسن من ما كانت كمان هيبقى ابرك من محاولة اننا نرجع اللي سابنا وراح .. اهو عالاقل احنا هيطمر فينا المحاوله عشانا 😃

مشاعر ملخبطه جواك بتقول إنك نفسك تبدا علاقة، بس معندكش طاقة لده. متأكد إنك عايز حد يفهمك ويحتويك، بس مش هتقدر تجازف اصل كل تجربة مريت بيها سرقت حتة من روحك، وورثتك التردد. انت عايز تبدأ، بس خايف تخسر تاني.

عايز حد يقبل انك مش قوي حاليا ولا حتى جاهز ، وتطمع انه يشوف ضعفك ويطبطب عليك من غير ما يستهلك اللي فاضل منك.

حد يفهم إن اللي محتاجه منه مش كلام حلو ولا حتى افعال أو وعود كبيرة، انت عايز بس حد تحس انك مرتاح في وجوده مش حد يزود تعبك .

فلنفترض انك لقيت اللي بتتمناه فهل كده اتحلت ؟ لا .. ماهو احنا قولنا مفيش طاقه ..!
انك يبقى عندك طاقة مش دايمًا معناها إنك جاهز للعطاء، ساعات بتوصل انك محتاج طاقة علشان بس تستقبل العطاء، علشان تسيب نفسك تحس بالأمان من غير ما تفضل مستني اللحظة اللي العلاقة هتتهد فيها وتهدك معاها .. ف guess what ؟
انت اللي هتهدها بنفسك !

حقيقي كانت حرب فيها طرف بيقاتل عشان يكمل في العلاقه دي وطرف بيجري عشان يبدا علاقه جديده.. بيجري وهو قافل عنيه مش شايف الساحه ولا العده ولا الجندي .. مش سامع صوت الندا للمواجهة .. مش حاسس بالخوف اللي مالي كل نفس طالع من المحارب.. حالة احباط بتسيطر على الموقف.. اصل محدش بيحارب لوحده في حرب قامت عشان الطرفين يتوحدوا مفيهاش عدو مفيهاش مكسب غير رجوعهم لبعض .. حرب كان مفروض يكونوا فيها في صف واحد ضد الدنيا والناس والظروف .. لحظة ادراك بتمر على البطل ان اللي بيحارب عشان يفضل جمبه مشي بكامل ارادته وعواطفه خد كل مافيه معاه ورحل.. وهنا بس البطل بيسيب.. بيسلم.. بيهدى .. بيرتاح.. بينهي الحرب اللي كان لازم يبداها عشان يقدر على نهايتها الهاديه ..!

صلي على النبي وتبسم 🙂

عندما يخذلك أحدهم لا تحاول ان تثق به مجددا ..
حاول ان تثق انك تستطيع ان تعيش بدونه .!

في مرحلة هتوصلها بعد فترة طويله من المعافرة والتمسك بعلاقة او بشيء في حياتك اسمها "كفايه كده" .. مرحله عمرك ما كنت تتخيل توصلها وانت شايف نفسك بتبعد وترجع بدل المره مية .. وانت شايف نفسك بتقع وتقوم تكمل.. وانت بتضعف وقلبك يتقطع على نفسك وتقول معلش هانت بكره ده كله يتغير .. بس مفيش حاجه بتتغير ..! انت بتقوم تكمل طريقك وما بتوصلش .. وبترجع بعد البعد تلاقي مكانهم فاضي لسه مارجعوش!! وانت برضو مكمل .. "دي علامه يا مارد"!! ممكن تكون متمسك بعلاقة مش ليك مش عشانك حتى لو انت عايزها مش بتاعتك..! ممكن تكون بتعافر في طريق اخره حيطه سد لازم تبص الناحيه التانيه عشان تعرف انك ماشي غلط .. استمرار السعي لا يضمن حتمية الوصول.. انت سعيت حاولت استمريت ضحيت .. كفاااايه .. غير الخطه غير بني ادمين غير الطريق غير تفكيرك ..

الحمدلله حمدا كثيرا طيبا مباركا فيه 🖤

لما بنفقد حد بنحبه او شيء غالي علينا بنحزن لكن احيانا حزننا بيطول زيادة عن اللزوم فيطلع من دايرة الحزن لدايرة النكد.. بنعمل كل حاجه من أول ما نصحى لحد ما ننام واحنا متنكدين عصبيين مش متحملين أي حاجه او أي حد.. وتفوت أيام وشهور واحيانا سنين واحنا جوه نفس الدايرة.. وفجأه تبص على أيامك اللي فاتت تلاقيها عدت من غير ما تعيشها من غير ما تفرح في أوقات الفرح وتستمتع بالنعم اللي ربنا ادهالك فيها.. ده انت حتى لو عدى عليك حزن مختلف ما بتحزنهوش ما بتحسهوش كإنه الفقد اللي حصل كان بكل الاحزان اللي قبله واللي بعده .. اصبح لعنه سيطرت على افكارنا ومشاعرنا وسلوكنا وافقدتنا ناس و حاجات اكتر بكتير من اللي فقدناهم كان ممكن تكون فرص حلوه بس ما شفنهاش وعدينا وكملنا.. نسينا نفسنا وايامنا لكن ما نسيناش اللي فقداناه .. ( لا يفترض أن يحول الانسان أحزانه إلى لعنه... يمكننا ان نقرر أن ننسى) ...!

كل عيد وانتوا بخير وصحه وسعادة 🤎

امين 🤎