25/05/2025
प्रश्न: कामदार छनौट प्रक्रिया (Issue) मा MEDIATION भए के हुन्छ?
उत्तर: कोरियन कम्पनिहरुले EPS माध्यमबाट विदेशी कामदार नियुक्त गर्न चाहेमा आफ्नो क्षेत्रीय Job Center कार्यालयमा कामदार माग आवेदन गरेका हुन्छन्। यसरी माग गर्दा उमेर, लिङ्ग, तौल, उचाई, राष्ट्रियता आदिको आधारमा कामदार माग गरेका हुन्छन्। यदि कम्पनिले १ जना कामदार मागेमा Job Center ले ३ जना उस्तै प्रकारको फाइल कम्पनिलाई पठाउँछ र कम्पनिले त्यसमध्ये १ जना मात्र कम्पनिले छनौट गर्छ। जस्तै कम्पनिले २० देखि २५ वर्ष उमेरका व्यक्तिहरू भनेर मागेमा यहि भित्रका फाईल जाने हो। जब यो फाईल कम्पनिसम्म पुग्छ, र छनौट प्रक्रियामा हुन्छ त्यस बेला कामदारको EPS ID मा Mediation देखाउने हो। र १ जना छनौट भएपछि अरु दुई जनाको Mediation हट्ने हो।
अब Mediation हटेपछि अर्को कम्पनिमा फाईल जान्छ कि जाँदैन र Issue हुन्छ कि हुँदैन भन्ने प्रश्न पनि छन्। Manufacture र Agriculture तर्फ प्राय: १ पटक Mediation भएपछि फेरि पटक पटक फाईल कम्पनिसम्म पुग्ने गरेको छ भने १ पटकको Issue मा Mediation मात्र भएको फाईलहरु पनि अर्को पटकको Issue मा Issue भएका पनि छन्। तर यस सम्बन्धी कुनै आधिकारिक सुचना वा जानकारी छैन, Mediation भएका फाईल १००% पुनः चल्ने भन्ने चाहिँ होइन। तर गएका दिनहरुमा धेरै जनाको चल्ने गरेको छ। तर Shipbuilding तर्फ भने Mediation भएता पनि पुनः फाईल चलेको बुझिएको छैन। यदि Shipbuilding मा पटक पटक Mediation भई Issue भएका कोहि हुनुहुन्छ भने कमेन्ट गर्नुहोला।
धन्यवाद।
copied
