11/01/2026
बाल्यकालमै क्यान्सरका कारण पिता जितेन्द्र महतोको निधन भए तापनि निरन्तर संघर्ष गर्दै अघि बढेका सिराहा जिल्ला, मिर्चैया नगरपालिका–६ निवासी राज नारायण महतो हालै सम्पन्न MEC MBBS प्रवेश परीक्षामा पहिलो प्रयासमै ३९ औँ स्थान हासिल गरी IOM, महाराजगञ्ज मेडिकल क्याम्पस (टिचिङ अस्पताल) मा एमबीबीएस अध्ययनका लागि छनोट हुनुभएको छ। पिताको निधनपछि आर्थिक अभावका बाबजुद पनि उहाँले ट्युसन पढाउने तथा मैनबत्ती (क्यान्डल) बनाउने काम गर्दै पढाइलाई निरन्तरता दिनुभयो र दुबईमा रहेका दाजुको सहयोगमा छात्रवृत्तिमार्फत एमबीबीएस अध्ययन गर्ने अवसर प्राप्त गर्न सफल हुनुभयो।
उहाँका दाजु राजु महतो पनि अघिल्लो वर्ष MEC MBBS प्रवेश परीक्षामा ६४ औँ स्थान हासिल गरी पाटन अस्पतालमा एमबीबीएस अध्ययनरत हुनुहुन्छ। यस उल्लेखनीय सफलताको कदरस्वरूप मिर्चैया सुधी समाजद्वारा राज नारायण महतोलाई रु. ५१,०००/- (एकाउन्न हजार रुपैयाँ) आर्थिक सहयोग प्रदान गरिएको छ, जुन बाबु नभए पनि आत्मनिर्भरता, कठोर परिश्रम, धैर्य र दृढ संकल्पका साथ हासिल गरिएको प्रेरणादायी सफलताको उदाहरण हो।
Pic & Story: Raju Mahato
