04/07/2026
NJOFTIM PËR PRINDËRIT
Të nderuar prindër,
Ju informojmë se për herë të parë në Komunën e Shtimes Institucioni Parashkollor “Albiona Asllani” – Shtime, do të vazhdojë punën edhe gjatë sezonit veror, me qëllim të ofrimit të kujdesit dhe edukimit për fëmijët edhe gjatë kësaj periudhe në një çerdhe kujdestare.
Për organizimin sa më të mirë të punës, ju lutemi që prindërit të cilët kanë nevojë për shërbimet e institucionit gjatë sezonit veror, ta konfirmojnë vijimin e fëmijës tek edukatoret e grupit jo më larg se data 05.07.2026.
Ky organizim synon t’u vijë në ndihmë familjeve dhe të sigurojë vazhdimësinë e kujdesit për fëmijët në një mjedis të sigurt, edukativ dhe argëtues.
Çerdhja kujdestare që do të jetë e hapur në sezonin veror do të jetë Objekti II rruga “Emin Musliu” Shtime, dhe këtu do të bëhet pranimi i të gjithë fëmijëve të cilët janë të regjistruar duke përfshirë të gjitha paralelet e Institucioni Parashkollor “Albiona Asllani” – Shtime, Shtime II, Muzeqinë dhe Godanc.
Ju falënderojmë për bashkëpunimin dhe mirëkuptimin. Për çdo ndryshim lokacioni të çerdhes kujdestare gjatë verës ju njoftojmë me kohë.
Me respekt,
Arbona Qorrolli Abazi
U.D Drejtore e Institucioni Parashkollor “Albiona Asllani” – Shtime
