https://www.facebook.com/115049918146253/

Shkolla fillore "Abdyl Frashëri" Prizren

Home
Kosovo
Prizren
Shkolla fillore "Abdyl Frashëri" Prizren

Institucion edukativo - arsimor

14/09/2026

14.09.2026
Shkolla Fillore “Abdyl Frashëri” – Prizren
Mbledhje me Kryetarët e Këshillit të Prindërve në nivel klase
Sot u mbajt mbledhje me Kryetarët e Këshillit të Prindërve në nivel klase, nga klasa parafillore deri në klasën e pestë, në tri gjuhët mësimore.
Rendi i ditës:
• Fillimi i vitit të ri shkollor 2026/2027;
• Siguria në shkollë;
• Pajisja e nxënësve me tekste shkollore;
• Zgjedhja e Kryetarit/es së Këshillit të Prindërve;
• Të ndryshme.
I falënderoj të gjithë prindërit për pjesëmarrjen dhe konstruktivitetin e treguar gjatë kësaj mbledhjeje.
Miqësisht,
Drejtoria e shkollës

01/09/2026

Shkolla Fillore “Abdyl Frashëri” – Prizren
1 shtator 2026

Fillimi i vitit të ri shkollor 2026/2027!

Mësimdhënësit dhe stafi i shkollës sonë kanë punuar me përkushtim për një fillim sa më të mbarë të vitit të ri shkollor 2026/2027.

Një falënderim i veçantë shkon për dy biznese lokale të lagjes sonë, Fabrikën e Ëmbëlsirave “BELI” dhe “La Bohem Loungebar”, të cilët siguruan produkte ushqimore për nxënësit e klasave parafillore dhe klasave të para, duke ua bërë ditën e parë të shkollës edhe më të bukur dhe plot buzëqeshje!

Së bashku me prindërit, vazhdojmë të ndërtojmë një ambient të sigurt, të ngrohtë dhe të përshtatshëm për të mësuar, për t’u zhvilluar dhe për të krijuar kujtime të bukura.

Suksese, mbarësi dhe një vit shkollor të suksesshëm për të gjithë nxënësit, prindërit dhe stafin e shkollës sonë!

28/08/2026

28.08.2026
Shkolla fillore "Abdyl Frashêri" Prizren

Gati për 1 shtator 2026.
Fillimi i vitit të ri shkollor 2026/2027
Bazuar në Udhëzimet Administrative të MASHTI, rekomandimet e DKA-së, si dhe në bashkëpunim me mësimdhënësit dhe prindërit, ju njoftojmë se:
Janë mbajtur me sukses të gjitha mbledhjet me Ekipet profesionale në nivel shkolle, aktivet e klasave dhe me Këshillin e Mësimdhënësve ku janë shqyrtuar dhe përmbyllur përgatitjet për vitin e ri shkollor.

Në aspektin teknik dhe higjienik, është realizuar pastrimi gjeneral i shkollës dhe do të kryhet edhe dezinfektimi i objektit.

Na priftë e mbara!
Me respekt,
Drejtoria e Shkollës

27/08/2026

27.08.2026
Shkolla Fillore “Abdyl Frashëri” – Prizren

Donacion i vlefshëm për shkollën tonë

Sot, Shkolla jonë pranoi një donacion të rëndësishëm nga GNTC Fondi Humanitar – GORENJE, i cili përfshin 15 kondicionerë për ftohje dhe ngrohje.

Ky donacion do të kontribuojë në krijimin e kushteve më të mira dhe më të rehatshme për nxënësit dhe stafin e shkollës.

Falënderojmë përzemërsisht GNTC Fondin Humanitar – GORENJE për mbështetjen dhe kontributin e çmuar në përmirësimin e kushteve në shkollën tonë!

14/08/2026

Njoftim për prindërit

Të nderuar prindër!

Ju njoftojmë se është hapur afati i dytë për regjistrimin e fëmijëve në klasën parafillore dhe klasën e parë për vitin shkollor 2026/2027.

Ju mirëpresim çdo ditë pune, nga ora 09:00 deri në 13:00.

Drejtoria e Shkollës

06/08/2026

06. 08. 2026
Shkolla fillore “Abdyl Frashëri” Prizren

Falë përkushtimit dhe angazhimit të madh të stafit teknik të shkollës, kanë filluar përgatitjet higjieno-teknike në ambientet e brendshme dhe të jashtme të shkollës.

Me punë, përkushtim dhe përgjegjësi, po krijohen kushtet e nevojshme për t'i pritur nxënësit në një mjedis të pastër, të sigurt dhe të përshtatshëm për fillimin e suksesshëm të vitit të ri shkollor 2026/2027.

Mirënjohje për punën, përkushtimin dhe kontributin e tyre të palodhshëm!

24/06/2026

23.06.2026
Shkolla Fillore “Abdyl Frashëri” – Prizren

Ekipi për Vlerësim të Brendshëm të Shkollës ka përgatitur Planin e Përmirësimit të Shkollës për vitin shkollor 2026/2027, bazuar në rezultatet e vlerësimit të brendshëm, gjetjet e identifikuara dhe rekomandimet e dala nga procesi i vetëvlerësimit.

Ky plan synon ngritjen e cilësisë së procesit edukativo-arsimor, përmirësimin e rezultateve të nxënësve, zhvillimin profesional të stafit, forcimin e bashkëpunimit me prindërit dhe komunitetin, si dhe avancimin e menaxhimit dhe qeverisjes së shkollës.

19/06/2026

19.06.2026
Shkolla Fillore “Abdyl Frashëri” – Prizren

Mbledhja e Këshillit të Mësimdhënësve - Përmbyllja e vitit shkollor 2025/2026

Me mbledhjen e Këshillit të Mësimdhënësve përmbyllëm një vit shkollor të mbushur me punë, përkushtim, sfida dhe suksese.

Së bashku kemi ndarë përvoja, kemi tejkaluar vështirësi dhe kemi arritur rezultate që janë fryt i bashkëpunimit, profesionalizmit dhe përkushtimit të secilit mësimdhënës. Kontributi i tyre ka qenë i çmuar në edukimin dhe formimin e nxënësve tanë.

Falënderim i veçantë për prindërit për besimin, mbështetjen dhe bashkëpunimin e vazhdueshëm gjatë gjithë vitit shkollor. Partneriteti shkollë–familje mbetet një nga shtyllat më të rëndësishme të suksesit të nxënësve.

Mirënjohje dhe urime për të gjithë nxënësit për angazhimin dhe arritjet e tyre. Ju dëshirojmë pushime të mbara, shëndet dhe shumë suksese në rrugëtimin tuaj të mëtejmë.

Në fund të mbledhjes realizuam edhe një fotografi të përbashkët, si kujtim i një viti të suksesshëm dhe simbol i unitetit, respektit dhe bashkëpunimit tonë.

18/06/2026

18.06.2026
Shkolla Fillore “Abdyl Frashëri” Prizren

Minimatura e nxënësve të klasave të pesta shënon përmbylljen e një etape të rëndësishme të arsimit fillor dhe ruan kujtimet e viteve të mbushura me mësim, përkushtim, zhvillim dhe suksese.

I përgëzojmë nxënësit për arritjet e tyre dhe u dëshirojmë shumë suksese në rrugëtimin e mëtejmë arsimor.

Një falënderim i veçantë shkon për mësimdhënësit për punën dhe përkushtimin e tyre të vazhdueshëm, si dhe për prindërit për bashkëpunimin, besimin dhe mbështetjen e dhënë gjatë gjithë këtyre viteve.
Suksesi i nxënësve është fryt i një partneriteti të çmuar ndërmjet shkollës dhe komunitetit të prindërve, të cilët kanë qenë gjithmonë pjesë e rëndësishme e këtij rrugëtimi.

15/06/2026

15.06.2026
Shkolla Fillore “Abdyl Frashëri” Prizren

Mirënjohës dhe shumë falënderues për të gjithë mësimdhënësit e shkollës sonë, veçanërisht për ata që ishin pjesë e ekipeve të shkollës.

Puna e mësimdhënësve është e paçmueshme!

Mësimdhënësit, përveç punës në klasë, janë vazhdimisht të angazhuar edhe në aktivitete të ndryshme. Përmes punës në ekipe të ndryshme të shkollës, ata planifikojnë dhe realizojnë aktivitete që kontribuojnë në zhvillimin e gjithanshëm dhe në krijimin e një ambienti shkollor motivues dhe të suksesshëm.

Address

Prizren
Prizren
20000

Telephone

+38349300179

Website

facebook.com

Alerts

Be the first to know and let us send you an email when Shkolla fillore "Abdyl Frashëri" Prizren posts news and promotions. Your email address will not be used for any other purpose, and you can unsubscribe at any time.

Contact The School

Send a message to Shkolla fillore "Abdyl Frashëri" Prizren:

Want your school to be the top-listed School/college in Prizren?