Shkolla fillore " Abdyl Frashëri " Prizren

18.06.2026
Shkolla Fillore “Abdyl Frashëri” Prizren

Minimatura e nxënësve të klasave të pesta shënon përmbylljen e një etape të rëndësishme të arsimit fillor dhe ruan kujtimet e viteve të mbushura me mësim, përkushtim, zhvillim dhe suksese.

I përgëzojmë nxënësit për arritjet e tyre dhe u dëshirojmë shumë suksese në rrugëtimin e mëtejmë arsimor.

Një falënderim i veçantë shkon për mësimdhënësit për punën dhe përkushtimin e tyre të vazhdueshëm, si dhe për prindërit për bashkëpunimin, besimin dhe mbështetjen e dhënë gjatë gjithë këtyre viteve.
Suksesi i nxënësve është fryt i një partneriteti të çmuar ndërmjet shkollës dhe komunitetit të prindërve, të cilët kanë qenë gjithmonë pjesë e rëndësishme e këtij rrugëtimi.

15.06.2026
Shkolla Fillore “Abdyl Frashëri” Prizren

Mirënjohës dhe shumë falënderues për të gjithë mësimdhënësit e shkollës sonë, veçanërisht për ata që ishin pjesë e ekipeve të shkollës.

Puna e mësimdhënësve është e paçmueshme!

Mësimdhënësit, përveç punës në klasë, janë vazhdimisht të angazhuar edhe në aktivitete të ndryshme. Përmes punës në ekipe të ndryshme të shkollës, ata planifikojnë dhe realizojnë aktivitete që kontribuojnë në zhvillimin e gjithanshëm dhe në krijimin e një ambienti shkollor motivues dhe të suksesshëm.

11.06.2026
Shkolla Fillore “Abdyl Frashëri” –Prizren

Nxënësit e klasave të katërta prezantuan me sukses projektet e tyre para prindërve, duke dëshmuar kreativitet, njohuri dhe aftësi të shkëlqyera prezantuese.
Ky aktivitet ishte një mundësi e mirë për të ndarë rezultatet e punës së tyre dhe për të forcuar bashkëpunimin ndërmjet shkollës dhe familjes.
Falënderojmë prindërit për pjesëmarrjen dhe mbështetjen e vazhdueshme, si dhe nxënësit dhe mësimdhënësit për angazhimin dhe punën e shkëlqyer.

11.06.2026
Shkolla Fillore “Abdyl Frashëri” – Prizren

Me kënaqësi ju njoftojmë se projekti i realizuar në bashkëpunim me Caritas Kosovën është përfunduar me sukses.

Falënderojmë Caritas Kosovën për realizimin e aktiviteteve dhe mbulimin e të gjitha obligimeve të projektit, Drejtorinë Komunale të Arsimit për mbështetjen e vazhdueshme, si dhe ekipin e shkollës për përkushtimin dhe angazhimin e treguar gjatë gjithë procesit.

Së bashku arritëm të realizojmë një projekt të rëndësishëm në dobi të nxënësve dhe komunitetit shkollor.

Në darkën e Ditës së Shkollës, së bashku me kolektivin e shkollës.

Pas një pune të gjatë, me shumë sfida dhe angazhime, por edhe me shumë suksese e arritje, kaluam një mbrëmje të këndshme në shoqëri të kolegëve.

Mirënjohës për bashkëpunimin, përkushtimin dhe kontributin e secilit në rrugëtimin tonë të përbashkët.

Urime për të gjitha sukseset dhe për fundin e një viti të mbushur me punë e rezultate!

https://youtu.be/lN-HB7ez6-Y

SHF"A.Frashëri"Dita e shkolles 2026 Nyd de videoer og den musik, du holder af, upload originalt indhold, og del det hele med venner, familie og verden på YouTube.

10 qershor 2026
Dita e shkollës

Ftesë
"Dita e shkollës"

01.06.2026
Shkolla Fillore “Abdyl Frashëri” – Prizren

🎈 1 Qershori – Dita Ndërkombëtare e Fëmijëve

Atmosfera e gëzimit, buzëqeshjet dhe energjia e fëmijëve e bënë edhe më të veçantë festimin e 1 Qershorit – Ditës Ndërkombëtare të Fëmijëve. Nxënësit e klasave parafillore zhvilluan aktivitete të shumta kreative, argëtuese dhe emocionale. Përmes lojërave të ndryshme, ata shprehën kreativitetin e tyre, u argëtuan dhe krijuan kujtime të bukura, duke e shënuar këtë ditë të veçantë me shumë gëzim dhe entuziazëm.