Shkolla Fillore dhe e Mesme e Ulët "Pjetër Bogdani" , në Prishtinë është themeluar ne vitin 1955, te vendosur asokohe ne objektin e ish-shkolles se mesme teknike, tashme gjimnazi shoqeror, ndersa më 28 maj 1962 jemi vendosur ne objektin qe gjendemi tani, ku që nga ajo kohë kishte një numër të madh të nxënesave. Tani shkolla ka 577 nxënës, 37 mësimdhënës, një shtëpiak, dy roje nate dhe 7 punëtorë teknik. Shkolla punon me 2 turne/ ndërrime. Shkolla jonë ka menaxhuar edhe Paralelen e Ndarë (objektin shkollor) në lagjen (fshatin) Kolovica e Vjetër, në të cilën ka pasur gjithsej katër (4) nxënës, një mësuese klasore, një mësuese e gjuhës dhe letërsisë angleze dhe një mirëmbajtëse teknike e objektit. Institucioni udhëhiqet dhe menaxhohet nga drejtori i shkollës, sekretarja, psikologia të cilët bashkëveprojne me të gjithë akterët dhe këshillat e shkollës, të cilët jane funksional gjatë gjithë vitit. Mësimdhënësit janë të kualifikuar dhe të trajnuar për punën edukativo-arsimore. Shkolla ka bashkëpunim të rregullt me shkollat tjera, ku ka një etikë të fortë, të hapur dhe të gatshëm për bashkëpunim me prindërit dhe komunitetin. Shkolla është institucion gjithëpërfshirës e cila, veprimtarinë e vet e realizon në edukimin dhe arsimimin e fëmijëve të moshës parafillore, fillore dhe të mesme të ulët. Në shkollën tonë përfshihet mësimi inkluziv me fëmijët me nevoja të veçanta dhe me fëmijët e komuniteteve pakicë, pa dallim etnie apo kulture dhe fëmijët e grupeve të margjinalizuara apo pafavorizuara. Bëhet përgatitja e nxënësit për jetesë të përgjegjshme në frymën e mirëkuptimit, të paqes, tolerancës, barazisë gjinore dhe në miqësi me pjesëtarët e të gjitha komuniteteve në Republikën e Kosovës, e më gjerë, gjithashtu zhvillojmë te nxënësi respektin për mjedisin dhe respektohen maksimalisht të drejtat e të gjitha komuniteteve .
