SHFMU "Afrim Gashi" - Hajvali

Me rastin e pensionimit të profesorit të nderuar të Edukatës Fizike, z. Enver Sejdiu
Sot i shprehim mirënjohjen dhe respektin tonë të thellë profesorit Enver Sejdiu, pas një karriere të gjatë e të suksesshme në shërbim të shkollës dhe nxënësve tanë.
Me përkushtimin, profesionalizmin dhe dashurinë për punën, profesori Enver ka lënë gjurmë të pashlyeshme te shumë gjenerata nxënësish, duke kontribuar jo vetëm në edukimin fizik, por edhe në formimin e vlerave të tyre njerëzore.
Faleminderit për çdo përpjekje, përkushtim dhe kontribut të dhënë ndër vite. Ju urojmë pensionim të mbarë, shëndet, lumturi dhe shumë momente të bukura pranë familjes.

“Paqja fillon me ne”
Nxënësit e klasës I-1, përmes ngjyrave, kreativitetit dhe imagjinatës së tyre, shprehin talentin dhe përcjellin mesazhe paqeje, dashurie dhe shprese.
Me rastin e 12 Qershorit – Ditës së Paqes (Çlirimit) të Kosovës, kujtojmë me respekt këtë ditë të rëndësishme dhe edukojmë fëmijët me vlerat e paqes, mirëkuptimit dhe një të ardhmeje më të ndritur.
Gëzuar 12 Qershorin – Ditën e Paqes (Çlirimit) të Kosovës!

Sot, shkolla jonë nderoi me mirënjohje nxënësit fitues të Krosit Pranveror. Urime për suksesin e arritur dhe faleminderit për përkushtimin.

Sot u organizuan garat e volejbollit ndërmjet paraleleve të klasave të shtata. Falënderoj të gjitha nxënëset për interesimin, bashkëpunimin, angazhimin dhe pjesëmarrjen me sportivitet. Urime të gjithave për përkushtimin dhe sukseset!

Vendi i parë V||/1 🥇
Vendi i dytë V||/3🥈
Vendi i tretë V||/2🥉

Gëzuar 1 Qershorin – Ditën Ndërkombëtare të Fëmijëve!
Sot, nxënësit e klasës sonë u shndërruan në parashutistë të vegjël, duke fluturuar me ëndrra, buzëqeshje dhe shpresë drejt të drejtave të tyre. Çdo fëmijë meriton të mësojë, të luajë, të dëgjohet, të mbrohet dhe të rritet i lumtur në një mjedis të sigurt dhe plot dashuri.
Urojmë që fëmijëria e tyre të jetë gjithmonë e mbushur me gëzim, aventura të bukura dhe mundësi për të realizuar ëndrrat e tyre.
Gëzuar Festën e Fëmijëve!
Mësuesja: Njomzë Gërbeshi
Klasa: II-1

🏅 Me krenari ndajmë me ju certifikatën e mirënjohjes që shkolla jonë SHFMU “Afrim Gashi” – Hajvali, Prishtinë ka pranuar për angazhimin në shënimin e Ditës Botërore pa Duhan 2026.

Ky vlerësim është dëshmi e përkushtimit të vazhdueshëm të nxënësve dhe stafit tonë në promovimin e shëndetit, vetëdijesimit dhe jetës së shëndetshme.

Një falënderim i veçantë shkon edhe për mësimdhënësen e artit figurativ, Qendresa Sopi, për kontributin dhe angazhimin e saj në realizimin e aktiviteteve. 🌿👏

Falënderojmë të gjithë nxënësit, mësimdhënësit dhe bashkëpunëtorët që kontribuan në këtë aktivitet të rëndësishëm.