Autoriteti Kombëtar i Kualifikimeve

Autoriteti Kombëtar i Kualifikimeve (AKK) zhvilloi vizitë në Akademin e Kosovës për Siguri Publike, në kuadër të procesit të validimit dhe akreditimit të programeve profesionale.

Gjatë takimeve me menaxhmentin dhe përfaqësuesit institucionalë, u prezantuan programet trajnuese dhe mekanizmat e sigurimit të cilësisë, ndërsa ekipi i ekspertëve realizoi edhe intervista me trajnerë dhe pjesëmarrës.

Ky proces synon sigurimin e cilësisë dhe përputhshmërisë së programeve me standardet kombëtare dhe nevojat e tregut të punës.

Vizitë studimore në Portugali

Në kuadër të projektit “Shkathtësitë për punësim të qëndrueshëm në Kosovë”, i mbështetur nga Lux Development, Autoriteti Kombëtar i Kualifikimeve së bashku me Ministrinë e Arsimit dhe Shkencës, Agjencisë së Punësimit dhe dy Qendra të Kompetencës po zhvillon një vizitë studimore në Portugali, me fokus në sistemin e Njohjes së Mësimit Paraprak (NjMP).

Në Lisbonë, delegacioni është njoftuar nga afër me sistemin Portugez të NjMP, praktikat më të mira, modelet e funksionimit, si dhe rolin e institucioneve kyçe në zhvillimin dhe zbatimin e këtij sistemi.

Vizitat në qendrat e kualifikimeve, takimet me institucionet relevante dhe ekspertët ndërkombëtarë ofruan njohuri të vlefshme për avancimin e politikave dhe praktikave të të nxënit gjatë gjithë jetës në Kosovë.

Ky shkëmbim përvojash synon të kontribuojë në fuqizimin e sistemit të kualifikimeve dhe rritjen e mundësive për punësim të qëndrueshëm.

Gjatë kësaj jave Autoriteti Kombëtar i Kualifikimeve (AKK) përmbylli edhe një cikël trajnimi për ekspertët që do të angazhohen në procesin e akreditimit për zbatimin e Njohjes së Mësimit Paraprak (NjMP). Trajnimi u realizua me mbështetjen e projektit “Skills for Sustainable Jobs in Kosovo” (KSV/021), i zbatuar nga Lux-Development.

Qëllimi i trajnimit ishte forcimi i kapaciteteve profesionale të ekspertëve në vlerësimin e aplikimeve dhe në zbatimin e kritereve të akreditimit për institucionet që ofrojnë NjMP në Kosovë. Gjatë dy ditëve të trajnimit, pjesëmarrësit trajtuan në mënyrë të detajuar procesin e NjMP-së, kornizën ligjore dhe institucionale përkatëse, rolet dhe përgjegjësitë e akterëve, si dhe aplikimin praktik të kritereve të akreditimit.

Programi përfshiu prezantime tematike, diskutime interaktive dhe ushtrime praktike, duke krijuar hapësirë për shkëmbim përvojash dhe adresim të sfidave që mund të hasen gjatë procesit të akreditimit të ofruesve të NjMP-së.

Autoriteti Kombëtar i Kualifikimeve mori pjesë online në punëtorinë “The role of NQFs in the Union of Skills”, të organizuar nga Cedefop.
Ky event shërbeu si një platformë e rëndësishme diskutimi mbi rolin e Kornizave Kombëtare të Kualifikimeve (K*K) në kuadër të Unionit të Aftësive, duke kontribuar në rritjen e transparencës së kualifikimeve, përmirësimin e njohjes ndërkombëtare, si dhe nxitjen e mobilitetit në nivel evropian.

Për më shumë informata, vizitoni:

https://www.cedefop.europa.eu/en/events/role-nqfs-union-skills-your-perspective-matters

Ju ftojmë të informoheni dhe të bëheni pjesë e diskutimeve që ndikojnë në zhvillimin e politikave për aftësitë dhe kualifikimet në Evropë.

Autoriteti Kombëtar i Kualifikimeve (AKK) i përfaqësuar nga z. Avni Gashi mori pjesë në Konferencën Ndërkombëtare “Personalization in Education for the AI Era”, e mbajtur në Qendrën Ndërkombëtare të Konventave (ICC) në Jerusalem, si dhe në një program të zgjeruar profesional të organizuar nga Ministria e Arsimit e Izraelit.

Konferenca mblodhi ministra kombëtar dhe ndërkombëtar, politikëbërës, ekspertë ndërkombëtarë, përfaqësues të OECD, Google, Microsoft, Amazon, si dhe drejtues të institucioneve arsimore nga vende të ndryshme, për të diskutuar personalizimin e arsimit në epokën e Inteligjencës Artificiale.

Gjatë konferencës u diskutua vizioni strategjik për personalizimin e arsimit në epokën e inteligjencës artificiale, integrimi i AI në mësimdhënie dhe vlerësim, politikat publike dhe aspektet etike të përdorimit të saj në arsim, roli i teknologjisë në fuqizimin e nxënësve dhe mësimdhënësve, si dhe u theksua bashkëpunimi ndërkombëtar përmes nënshkrimit të Deklaratës së Jerusalemit për inovacion arsimor.

Në kuadër të programit profesional u zhvilluan takime me ekspertë për shkëmbim përvojash dhe bashkëpunim ndërinstitucional, vizita në shkolla të avancuara teknologjike në veri të Izraelit me fokus në arsimin teknik dhe robotikë, si dhe një vizitë zyrtare në Qendrën e Inovacionit dhe Teknologjisë në Haifa për të parë nga afër integrimin e teknologjive të avancuara në sistemin arsimor. Kjo vizitë përfaqëson një hap të rëndësishëm drejt forcimit të bashkëpunimit ndërkombëtar dhe shkëmbimit të praktikave më të mira në fushën e inovacionit në mes Kosovës dhe shtetit të Izraelit.

Autoriteti Kombëtar i Kualifikimeve mbetet i përkushtuar në avancimin e cilësisë së kualifikimeve dhe harmonizimin e tyre me zhvillimet globale në arsim dhe teknologji.

Autoriteti Kombëtar i Kualifikimeve (AKK) vazhdon të marrë pjesë në mënyrë aktive në aktivitetet vjetore evropiane të rrjetëzimit dhe shkëmbimit të përvojave, të cilat organizohen vazhdimisht nga Fondacioni Evropian i Trajnimeve (ETF), duke mundësuar ndarjen e praktikave dhe përvojave mes vendeve të ndryshme ne lidhje me zbatimin e Njohjes së Mësimit Paraprak (NjMP).
Eventi i këtij viti ishte i përqendruar në praktikat e Irlandës në fushën e validimit të mësimit jo-formal dhe informal, duke ofruar diskutime të thelluara mbi dizajnimin e sistemeve, praktikat institucionale dhe mbështetjen për kandidatët potencialë. Përvoja irlandeze theksoi rëndësinë e lidhjeve të forta me kornizat kombëtare të kualifikimeve, sigurimin e cilësisë dhe udhëzimet për të mundësuar këtë proces, si dhe rolin e NjMP në promovimin e të nxënit gjatë gjithë jetës dhe përfshirjes sociale.
Angazhimi me partnerët evropianë përmes këtyre rrjeteve, të udhëhequra nga ETF, forcon kapacitetet tona për të reflektuar, për të mësuar dhe për të përshtatur vazhdimisht qasjet kombëtare ndaj NjMP.

—————————

National Qualifications Authority (NQA) continues to actively participate in the annual European networking and peer learning activities, which are continuously organized by the European Training Foundation (ETF), enabling the sharing of practices and experiences between different countries regarding to Recognition of Prior Learning (RPL) implementation.
This year’s event focused on Irish practices in the field of validation of non-formal and informal learning, providing in-depth discussions on system design, institutional practices and support for potential candidates. The Irish experience highlighted the importance of strong links to national qualifications frameworks, quality assurance and guidance to enable this process, as well as the role of RPL in promoting lifelong learning and social inclusion.
Engaging with European partners through these networks, led by the ETF, strengthens our capacities to reflect, learn and continuously adapt national approaches to RPL.

AKK ka finalizuar draft-rregulloren për monitorimin e IAAP-ve pas akreditimit.

Autoriteti Kombëtar i Kualifikimeve (AKK), ka mbajtur punëtorinë për finalizimin e draft-rregullores për monitorimin e Institucioneve për Arsimin dhe Aftësimin Profesional (IAAP) pas akreditimit, duke shënuar hapin e fundit të një procesi të rëndësishëm për forcimin e mekanizmave të sigurimit të cilësisë.

Draft-rregullorja synon të krijojë një kuadër të qartë dhe funksional për monitorimin e IAAP-ve pas akreditimit, në përputhje me standardet kombëtare dhe ndërkombëtare, me qëllim që të rrisë transparencën dhe llogaridhënien e institucioneve, të standardizojë proceset e monitorimit, përmirësojë cilësinë e ofrimit të arsimit dhe aftësimit profesional dhe sigurojë harmonizim me Kornizën Kombëtare të Kualifikimeve dhe praktikat më të mira evropiane.

Në punëtori morën pjesë përfaqësues institucionalë, ekspertë të fushës dhe palë të tjera të interesit, të cilët dhanë komente dhe sugjerime për pasurimin e draftit. Përmes diskutimeve dhe punës në grupe u arrit harmonizimi i propozimeve me legjislacionin në fuqi, përzgjedhja e opsioneve më të zbatueshme për monitorimin efektiv të IAAP-ve dhe finalizimi i dokumentit, i cili pritet që të jetë i zbatueshëm.

Drejtori i AKK-së, Naim Gashi, vlerësoi punën profesionale të grupit punues dhe angazhimin e vazhdueshëm gjatë gjithë fazave të hartimit të dokumentit, duke thënë se, kontributi i secilit pjesëmarrës ka qenë vendimtar për finalizimin e kësaj rregulloreje, e cila do të forcojë ndjeshëm mekanizmat e monitorimit dhe cilësinë në sistemin e arsimit dhe aftësimit profesional.

Një tjetër takim i suksesshëm për mbylljen e kësaj jave! 🤝

Sot në AKK u zhvillua takimi për verifikimin e Standardit të profesionit “Interpret i Gjuhës së Shenjave”, i përgatitur nga Shoqata Kosovare e të Shurdhërve.

Një falënderim i veçantë për Shoqatën, për punën e palodhshme dhe kontributin e tyre të vazhdueshëm.

Shoqëria jonë ka nevojë për më shumë interpretorë profesionistë të Gjuhës së Shenjave, dhe angazhimi i tyre është thelbësor për të ndërtuar një shërbim sa më cilësor për komunitetin.

Takim për procesin e verifikimit të standardit të profesionit “Zdrukthtar – Niveli IV i K*K”

Sot u mbajt një takim i frytshëm ndërmjet ekspertëve nga Autoriteti Kombëtar i Kualifikimeve (AKK) dhe zhvilluesve të standardit të profesionit, me qëllim të verifikimit dhe përmirësimit të standardit të profesionit “Zdrukthtar – Niveli IV i Kornizës Kombëtare të Kualifikimeve (K*K)”.

Edhe pse ky standard ishte zhvilluar dhe verifikuar më herët nga AKK, ndryshimet dhe kërkesat e reja të tregut të punës kanë treguar nevojën për rishikimin dhe përmirësimin e tij, në mënyrë që të jetë sa më i përshtatshëm me zhvillimet aktuale në sektorin e përpunimit të drurit.

Një falënderim i veçantë shkon për Shoqatën e Përpunuesve të Drurit të Kosovës (ShPDK), e cila ka qenë bartëse e procesit të plotësimit dhe përmirësimit të këtij standardi të profesionit, si dhe për bizneset dhe shoqatat e zdrukthtarëve për mbështetjen dhe kontributin e tyre të çmuar.

Këto iniciativa janë shembull i mirë i bashkëpunimit ndërmjet sektorit publik dhe atij privat, dhe le të shërbejnë si model frymëzues për sektorët e tjerë në procesin e rishikimit të standardeve të profesioneve.

𝐊𝐨𝐧𝐤𝐮𝐫𝐬

Autoriteti Kombëtar i Kualifikimeve, bazuar në nenin 12 të Udhëzimit Administrativ Nr. 35/2014 Kriteret dhe procedurat per validimin dhe aprovimin e kualifikimeve kombëtare dhe akreditimin e Institucioneve që ofrojnë kualifikime në Kosovë, hap konkurs publik për angazhim të ekspertë të jashtëm për të qenë pjesë e paneleve që do të marrin pjesë në verifikimin e standardeve të profesionit, në procesin e validimit dhe të akreditimitn të Institucioneve të Arsimit dhe Aftësimit Profesional (IAAP) si dhe në procesin e validimit dhe akreditimit për zbatimin e Njohjes së Mësimit Paraprak (NjMP) të IAAP-ve nga sektorët/profilet:

• Mobileri

• Teknik i Impiantit të Biomasës/Punëtorët e impiantit për gjenerimin e energjisë

• Teknik i Efiçencës së Energjisë në Ndërtesa/ Elektriçistët e ndërtesave dhe të ngjashëm

• Teknik i Turbinave të Erës/ Instaluesit dhe riparuesit e linjës elektrike

• Teknik i sistemeve solare dhe fotovoltaike/ Mekanikët dhe montuesit elektrikë



Kandidatët duhet të plotësojnë këto kushte:

- Të kenë kualifikim përkatës të arsimit të lartë;

- Të jenë të kualifikuar dhe të kenë përvojë profesionale së paku 10 vite në fushën përkatëse;

- Të kenë së paku 5 vjet përvojë pune në arsim, menaxhim apo të ngjashme;

- Të kenë përfunduar trajnime për vlerësim, zhvillim të kurrikulit, zhvillim të programeve;

- Të kenë njohuri të teknologjisë informative;

- Ekspertët vendor duhet të jenë shtetas të Republikës së Kosovës dhe të flasin njërën nga gjuhët zyrtare.

- E dëshirueshme të kenë njohuri të gjuhës angleze.



Detyrat dhe përgjegjësitë:

- Ekspertët e përzgjedhur do të nënshkruajnë marrëveshje ligjore me AKK,

- Shqyrtojnë aplikacionet dhe gjithë dokumentacion e ofruesve të AAP për akreditim të institucioneve,

- Realizojnë vizita në terren,

- Bashkëpunojnë me anëtarët e tjerë të panelit, diskutojnë dhe harmonizojnë qëndrimet e tyre,

- Kontribuojnë në përgatitjen e një raporti që përcakton të gjeturat (gjetjet) dhe rekomandimet në lidhje me akreditimin e institucioneve,

- I raportojnë Drejtorit të AKK.



Inkurajohen të gjithë të interesuarit të cilët i plotësojnë kushtet, t`i paraqesin dokumentet si në vijim:

- CV në formatin europass;

- Diplomat dhe certifikatat;

- Dëshmitë e përvojës së punës/Referencat.

Dokumentet që nuk i plotësojnë kushtet dhe kriteret e lartëcekura nuk do të shqyrtohen.

Aplikimi bëhet vetëm në formë elektronike tek 𝐝𝐨𝐧𝐣𝐞𝐭𝐚.𝐛𝐫𝐚𝐡𝐢𝐦𝐢@𝐫𝐤𝐬-𝐠𝐨𝐯.𝐧𝐞𝐭



𝐀𝐮𝐭𝐨𝐫𝐢𝐭𝐞𝐭𝐢 𝐊𝐨𝐦𝐛ë𝐭𝐚𝐫 𝐢 𝐊𝐮𝐚𝐥𝐢𝐟𝐢𝐤𝐢𝐦𝐞𝐯𝐞, https://akkks.rks-gov.net/

𝐑𝐫. 𝐀𝐠𝐢𝐦 𝐑𝐚𝐦𝐚𝐝𝐚𝐧𝐢 𝐩.𝐧, 𝐐𝐞𝐧𝐝𝐫𝐚 𝐞 𝐒𝐭𝐮𝐝𝐞𝐧𝐭ë𝐯𝐞 , 𝐏𝐫𝐢𝐬𝐡𝐭𝐢𝐧ë. 𝐓𝐞𝐥: 𝟎𝟑𝟖- 𝟐𝟏𝟐 𝟓𝟗𝟓

𝐀𝐟𝐚𝐭𝐢 𝐢 𝐚𝐩𝐥𝐢𝐤𝐢𝐦𝐢𝐭: 𝐍𝐠𝐚 𝐝𝐚𝐭𝐚 𝟏𝟐.𝟎𝟖.𝟐𝟎𝟐𝟓 𝐝𝐞𝐫𝐢 𝐦ë 𝟏𝟖.𝟎𝟖.𝟐𝟎𝟐𝟓.

𝐀𝐊𝐊 𝐨𝐫𝐠𝐚𝐧𝐢𝐳𝐨𝐧 𝐩𝐮𝐧𝐞̈𝐭𝐨𝐫𝐢𝐧𝐞̈ 𝐩𝐞̈𝐫 𝐡𝐚𝐫𝐭𝐢𝐦𝐢𝐧 𝐞 𝐝𝐫𝐚𝐟𝐭-𝐫𝐫𝐞𝐠𝐮𝐥𝐥𝐨𝐫𝐞𝐬 𝐩𝐞̈𝐫 𝐦𝐨𝐧𝐢𝐭𝐨𝐫𝐢𝐦𝐢𝐧 𝐞 𝐈𝐀𝐀𝐏-𝐯𝐞

Autoriteti Kombëtar i Kualifikimeve (AKK) ka organizuar punëtorinë për hartimin e draft-rregullores për monitorimin e Institucioneve për Arsimin dhe Aftësimin Profesional (IAAP). Qëllimi kryesor i kësaj punëtorie ishte zhvillimi i një kuadri rregullativ të qartë dhe funksional që do të kontribuojë në forcimin e mekanizmave të mbikëqyrjes dhe sigurimit të cilësisë në sistemin e kualifikimeve në Republikën e Kosovës.

Punëtoria mblodhi përfaqësues të institucioneve relevante dhe palëve të interesit, të cilët kontribuan në mënyrë aktive përmes diskutimeve të strukturuara dhe punës në grupe. Pjesëmarrësit ndanë rekomandime konkrete me qëllim të hartimit të një dokumenti gjithëpërfshirës dhe të zbatueshëm, që adreson nevojat aktuale dhe sfidat në fushën e arsimit dhe aftësimit profesional.

Kjo iniciativë përfaqëson një hap të rëndësishëm drejt përmirësimit të vazhdueshëm të cilësisë dhe transparencës në sistemin e kualifikimeve, në përputhje me standardet kombëtare dhe ndërkombëtare.

Zëvendës Drejtori i Autoritetit Kombëtar të Kualifikimeve, z. Naim Gashi, shprehu mbështetjen e tij për këtë proces, si dhe për zhvillimin dhe avancimin e sistemit kombëtar të kualifikimeve.