MARShojmë S'festojmë

REVOLTOHEMI PËR JETË ME DINJITET 🌹

8 mars // Sheshi “Zahir Pajaziti” // 12:00

REVOLTOHEMI KUNDËR DHUNËS ONLINE E NË RRUGË 💌

8 MARS // SHESHI “ZAHIR PAJAZITI” // 12:00//

REVOLOHEMI PËR JETË ME DINJITET 🌹

8 Marsi po afron dhe na rikujton zanafillat revolucionare të Ditës Ndërkombëtare të Grave Punëtore, një ditë që na gjen të mllefosur/a dhe të revoltuar/a!

Vetëm para ca ditësh, gjykata dënoi Dardan Krivaqën, vrasësin e Marigona Osmanit, me burgim të përjetshëm. Edhe pse ky moment po shpallet si historik për sistemin e drejtësisë, ai është, para së gjithash, rezultat i një lufte të gjatë feministe. Mbi të gjitha, ky dënim na kujton se ende mbetet shumë punë për të çrrënjosur femicidin dhe strukturat që mundësojnë dhunën fizike, emocionale, ekonomike, kulturore dhe seksuale mbi jetët tona private dhe publike.

Dhuna në familje ndaj grave dhe fëmijëve, ngacmimet e përditshme seksuale në rrugë, shpërndarja e fotografive intime të vajzave pa pëlqimin e tyre online, vendimi i Gjykatës Supreme që u hapi rrugë shkollave ta ndalojnë mbulesën e të vendosin kontroll institucional mbi trupat e vajzave muslimane dhe shfajësimi i policit nga Drenasi për abuzim seksual të një të miture në vitin 2019, janë pasoja direkte të një rendi patriarkal kundër të cilit ne marshojmë dhe revoltohemi!

Shkelja e të drejtave të punës, si dhe rritja e papërballueshme e çmimeve të energjisë elektrike dhe produkteve bazë, e bëjnë edhe më të domosdoshme luftën feministe kundër sistemeve shtypëse ekonomike. Prandaj, më 8 Mars, marshojmë kundër sistemit kapitalist, i cili cenon në veçanti mirëqenien materiale të grave pensionere, të varfra, vetëushqyese, migrante, rome, ashkalike, dhe egjiptiane. Këtë 8 Mars, qëndrojmë në solidaritet të pakompromis me të gjithë popujt që luftojnë për dinjitet dhe liri anembanë botës dhe kundërshtojmë bashkëfajësinë e Kosovës në gjenocidin në Gazë përmes pjesëmarrjes së saj në Bordin e Paqes, një strukturë e udhëhequr prej gjenocidbërësve, përdhunuesve e pedofilëve.

Këtë 8 Mars, marshojmë e revoltohemi për jetë me dinjitet për të gjithë/a, në Kosovë e kudo tjetër. Revoltohemi për jetë me dinjitet kundër patriarkatit, racizmit, kapitalizmit dhe imperializmit!

8 Mars // Sheshi “Zahir Pajaziti” // 12:00

JO NË EMRIN TONË 🇵🇸

Anëtarësimi i Kosovës në bordin e paqes dhe pjesëmarrja e saj ushtarake në planet ‘paqeruajtëse’ në Gazë, na mllefosin e revoltojnë thellësisht!

Këto projekte janë të zhveshura nga çdo domosdoshmëri për drejtësi për popullin palestinez dhe mundësojnë tutje vrasjen dhe dëbimin e palestinezëve/eve nga tokat e tyre. Për më tepër, na turpëron pa masë shndërrimi i Kosovës në një bashkëfajtore të plotë në gjenocidin e Gazës përmes heshtjes politike dhe uzurpimit ushtarak të Palestinës. Si qytetare/ë të Kosovës, kërkojmë që Kosova ta njoh vullnetin politik të popullit të vet e të rreshtohet në solidaritet të plotë me Palestinën dhe çdo popull që lufton për liri!

Këtë 8 mars, ju bëjmë thirrje të revoltohemi zëshëm kundër bashkëfajësisë së Kosovës në gjenocid e t’i qëndrojmë krah popullit palestinez. Çdo luftë çlirimtare nga kolonializmi është luftë feministe dhe kërkon solidaritetin tonë të pakompromis!

Nga lumi gjerë në det, liri për Palestinën 🇵🇸