Kolegji ISPE

Nxënësit e Kolegjit ISPE sot u ndeshën në futboll me një nga klubet më të forta në nivel vendi, FC Malisheva U17. Nxënësit tanë, futbollistë të talentuar, shkëlqyen në këtë lojë miqësore⚽️

Një nga ekipet më të forta dhe më të kompletuara të Kolegjit ISPE, i formuar nga lojtarë talentë, shumë prej tyre me eksperiencë nga nivelet më të larta të futbollit dhe të përfshirë edhe në rrugëtimin drejt kombëtares, do të zhvillojë një ndeshje miqësore ndaj FC Malisheva.

Djemtë tanë janë gati të japin spektakël në fushë. Kjo nuk është vetëm një ndeshje miqësore, është përballje emocionesh, pasioni dhe futbolli të bukur.

Nëse doni adrenalinë, emocione të vërteta dhe atmosferë futbolli, mos e humbisni këtë takim! Ejani dhe përjetojeni lojën nga afër!

Gjatë vizitës sonë në Spitalin Special “Banja e Kllokotit”, nxënësit tanë kaluan momente shumë efektive dhe profesionale gjatë aktiviteteve të ndryshme të zhvilluara në këtë institucion shëndetësor.

Për më shumë, na gëzon fakti se nxënësit tanë do të kenë mundësinë të zhvillojnë praktikën e tyre profesionale tash e tutje në këtë institucion prestigjioz shëndetësor. Ky bashkëpunim do të jetë shumë i rëndësishëm, sidomos për nxënësit e drejtimit të Fizioterapisë.

Faleminderit stafit për mikpritjen dhe përkushtimin ndaj nxënësve tanë. ❤️

Atmosfera dhe përkushtimi i nxënësve gjatë aktiviteteve të tyre të mësimit teorik dhe praktik në përditshmërinë e tyre në drejtimin ASISTENT I FIZIOTERAPISË.

Në kuadër të këtij drejtimi, nxënësit përgatiten dhe zhvillojnë aftësi TEORIKE dhe PRAKTIKE në këto fusha:

-Bazat e Anatomisë dhe Fiziologjisë;
-Parimet e Fizioterapisë dhe Rehabilitimit;
-Teknikat e Terapisë Fizike dhe Ushtrimet Rehabilituese;
-Përdorimi i Pajisjeve dhe Aparaturave Fizioterapeutike;
-Higjiena dhe Siguria në Ambientet Shëndetësore;
-Etika Profesionale dhe Komunikimi me Pacientin.

Dr. Ari Bruçi këto ditë po qëndron në Poloni. Ndër të tjera, profesori Bruçi ka zhvilluar një takim me Dekanin e Fakultetit të Inxhinierisë Mekanike, prof. Marcin Adamiak, në Silesian University of Technology në Gliwice, Poloni. Ky fakultet është një nga qendrat më të mëdha kërkimore në Evropë në fushën e materialeve dentare dhe implanteve.

Gjatë takimit u diskutuan mundësitë e:

•shkëmbimit të stafit akademik;
•shkëmbimit të studentëve;
•bashkëpunimit në projekte kërkimore;
•përdorimit të laboratorëve të avancuar të universitetit.

Ky bashkëpunim shihet si një mundësi konkrete për forcimin e kapaciteteve kërkimore dhe ndërkombëtarizimin e arsimit në Kolegjin ISPE.

Jemi të lumtur të ndajmë me ju suksesin e arritur të nxënëses tonë nga klasa e dhjetë, Ema Gruda, e cila në Olimpiadën e Kimisë 2026, garë e organizuar nga Komuna e Prishtinës, është renditur e para nga të gjitha shkollat e mesme profesionale të komunës së Prishtinës. Si rezultat i këtij suksesi në këto gara jashtëzakonisht kompetitive, Kolegji ISPE do ta përfshijë automatikisht në programin e bursave Emën.

Urojmë suksese të tjera Emës dhe të gjithë nxënësve tanë!