Këshilla të dobishme

Imam ibn Rexhebi (Allahu e mëshiroftë) në librin e tij "Letaif El-Me'arif" përmend se lirimi nga zjarri i Xhehenemit në ditën e Arafatit i përfshinë të gjithë muslimanët.
Andaj, në këtë ditë të madhe, njeriu duhet të jetë i përkushtuar në kryerjen e veprave të mira; si: përmendja e Allahut, lutjet drejtuar Atij, leximi i Kuranit, namazi vullnetar, agjërimi, lëmosha, etj, me shpresë që të fitojë faljen e Allahut të Lartësuar dhe lirimin nga zjarri.

Përktheu: Hoxhë Petrit Perçuku

https://telegram.me/keshilla_te_dobishme

Imam ibn AbdulBerr (Allahu e mëshiroftë) shkruan: "Të gjitha lutjet që bëhen në ditën e Arafatit pothuajse gjithnjë pranohen (nga Allahu)."

(Et-Temhid, 6/41)

Përktheu: Hoxhë Petrit Perçuku

https://telegram.me/keshilla_te_dobishme

“(Nëse mundesh) liroje ditën e Arafatit nga punët dhe angazhimet e kësaj bote, dhe bëje atë një ditë për ahiretin. Shto sa më shumë lutje dhe kërko prej Allahut falje, mëshirë, hyrjen në Xhenet dhe shpëtimin nga Zjarri i Xhehenemit.

Lutju Atij për një përfundim të mirë, për pastërti në nijete e qëllime, për përmirësim të pasardhësve, dhe që Ai të bekojë gjithçka që të ka dhuruar.

Lutu gjithashtu që Allahu ta largojë çdo brengë që të rëndon shpinën, ta zgjerojë kraharorin (zemrën) dhe të të japë një jetë të mirë e të lumtur.”
(Shejh AbdulMelik El-Kasim)

Përktheu: Hoxhë Petrit Perçuku

https://t.me/keshilla_te_dobishme

Lutjet e tua të disa viteve më parë nuk janë më lutjet e tua të sotme, sepse të janë përmbushur.
Dikur luteshe për një punë, një bashkëshorte, një fëmijë, një shtëpi – dhe sot nuk i kërkon më ato, por lutesh për begati dhe bereqet në to.
Lutjet e tua në këtë ditë të Arafatit, ngriti tek Allahu me besim të plotë e me bindje, dhe mos e shih si të largët përgjigjjen e Allahut për to.
Do të vijë një ditë – me lejen e Allahut – kur as këto të sotshmet nuk do t’i kërkosh më, (ngaqë të janë përmbushur), por në vend të tyre do të lutesh për begati dhe bereqet në to.

Përktheu: Hoxhë Petrit Perçuku

https://t.me/keshilla_te_dobishme