SHFMU "Pjetër Budi”

Sot nxënësit e shkollës sonë kaluan një ditë të bukur dhe rekreative në natyrë dhe në vizita kulturore.

Nxënësit e klasave 1–5 shijuan një shëtitje relaksuese tek “Guri i Zi”, duke kaluar kohë të këndshme në natyrë dhe lojëra të përbashkëta.

Ndërsa nxënësit e klasave 6–9 vizituan Shpellën e Gadimes dhe qytetin historik të Prizrenit, ku u argëtuan, mësuan gjëra të reja dhe përjetuan një eksperiencë të bukur jashtë klasës.

Një ditë e mbushur me gëzim, shoqëri dhe kujtime të bukura për të gjithë nxënësit.

Sot u bë ndarja e certifikatave për nxënësit fitues në garat shkollore në Shkencat e Natyrës, duke vlerësuar angazhimin dhe rezultatet e tyre.

Gjithashtu, u nda mirënjohje për klasën me më së shumti pikë të akumuluara në këto gara.

Falënderoj mësimdhënset e aktivit profesional: Florie Shala, Ardiana Gashi dhe Nora Panduri për organizimin dhe kontributin e tyre të çmuar.

Urime të gjithë nxënësve dhe suksese të mëtejshme!

Njoftim për prindër!

𝐃𝐎𝐍𝐀𝐂𝐈𝐎𝐍 – 𝐏𝐈𝐀𝐍𝐎 🎹

Sot shkolla jonë pati kënaqësinë të pranojë një piano donacion nga Shkolla e Muzikës “Halit Kasapolli”.

Falënderojmë drejtoreshën 𝐑𝐫𝐞𝐳𝐞 𝐊𝐚𝐬𝐭𝐫𝐚𝐭𝐢 për kontributin dhe mbështetjen e dhënë për nxënësit tanë.
Po ashtu, sot drejtoresha së bashku me një pjesë të stafit prezantuan para nxënësve të klasave VIII–IX mundësitë dhe perspektivën që ofron kjo shkollë për të rinjtë e talentuar në fushën e muzikës.

Një ditë e bukur bashkëpunimi, arti dhe frymëzimi për talentët e rinj!

Sot në shkollën tonë u organizuan zgjedhjet për Asamblenë Komunale të Fëmijëve, në një atmosferë demokratike dhe bashkëpunuese.

Nga ky proces, fituese doli nxënësja MIRJETA HUSAJ, e cila do ta përfaqësojë shkollën tonë në Asamblenë Komunale të Fëmijëve.

Për të monitoruar procesin, prezent ishte edhe Drita Krasniqi, përfaqësuese për të drejtat e fëmijëve nga Komuna e Pejës.

Drejtoria e shkollës i uron Mirjetës shumë suksese dhe përfaqësim sa më dinjitoz!

Sot në shkollën tonë u zhvilluan me sukses garat shkollore në fushën e shkencave të natyrës për nxënësit e klasave 6–9. 📚🔬

Këto gara ishin një mundësi e shkëlqyer për nxënësit që të tregojnë njohuritë, aftësitë dhe pasionin e tyre për lëndët shkencore, duke nxitur mendimin kritik, kreativitetin dhe frymën garuese.

Falënderojmë të gjithë nxënësit pjesëmarrës për angazhimin dhe seriozitetin e treguar, si dhe mësimdhënësit për përkushtimin dhe organizimin e shkëlqyer të këtij aktiviteti.

Nxënësit e klasës parafillor dhe klasave 1–5 realizuan një vizitë në qumështoren “Vita”, me iniciativë të Aktivit Profesional 1–5.

Gjatë vizitës, ata u njohën nga afër me procesin e përpunimit të qumështit, si dhe me vlerat dhe përfitimet e tij për shëndetin.

Një përvojë e vlefshme edukative për nxënësit tanë.