Qendra për Karrierë IAAP 'Rifat Gjota"- Pejë

11/09/2026

Bashkë për arsim më cilësor dhe më shumë mundësi për nxënësit!

Kemi kënaqësinë që IAAP “Rifat Gjota” – Pejë ka dhënë kontributin e saj në realizimin e Kabinetit të Shkencave në SHFMU “Tetë Marsi”.

Me këtë rast, shkollës sonë iu nda Mirënjohje për mbështetjen dhe kontributin e dhënë, të cilën, në emër të shkollës, e pranoi zv. drejtoresha Fitore Gjuka. 🤝
Urime SHFMU “Tetë Marsi” për Kabinetin e ri të Shkencave! Urojmë që kjo hapësirë të sjellë shumë ide, zbulime dhe suksese për nxënësit. 👏🎓

Fitore Ajdini Gjuka

11/09/2026

Krenarë me ish-nxënësit tanë! 🇺🇸

Me kënaqësi ndajmë intervistën e Gjin Kajtazit, ish-nxënës i IAAP “Rifat Gjota” – Pejë, i cili përmes Programit YES pati mundësinë të kalojë një vit shkollimi në SHBA. 🇺🇸📚
Përvoja e Gjinit është një shembull i mirë për nxënësit tanë se guximi, përkushtimi dhe shfrytëzimi i mundësive mund të hapin dyer drejt përvojave të jashtëzakonshme.
Të urojmë shumë suksese, Gjin, dhe shpresojmë që rrugëtimi yt të frymëzojë edhe shumë të rinj të tjerë!

🇺🇸🎓 Një vit në Amerikë, plot përvoja e kujtime!

Sot në Radio 1 patëm kënaqësinë të kemi mysafir në studio Gjin Kajtazin, ish-nxënës i IAAP "Rifat Gjota" në Pejë, i cili ka kaluar një vit shkollimi në SHBA përmes Programit YES.

Folëm për jetën në Amerikë, shkollën, dallimet që ka vërejtur mes dy sistemeve arsimore dhe, mbi të gjitha, për një përvojë që padyshim do ta mbajë gjatë në kujtesë.

Një bisedë e këndshme dhe një shembull i mirë se sa shumë mundësi mund t’u hapen të rinjve kur guxojnë të provojnë diçka të re. ❤️

Faleminderit Gjin për vizitën! 🎙️

10/09/2026

Sot, nxënësit e drejtimit Arkitekturë të shkollës IAAP “Rifat Gjota” – Pejë, vizituan ekspozitën “Çarjet e qytetit të tij” të autorit Dardan Luta, nën monitorimin e profesoreshës së Historisë, Blerina Kastrati.
Përmes kësaj vizite, nxënësit patën mundësi të njihen nga afër me dëshmitë dhe rrëfimet që pasqyrojnë shkatërrimin e qyteteve, fshatrave dhe trashëgimisë arkitekturore e kulturore të Kosovës gjatë luftës, duke e ndërlidhur historinë edhe me fushën e tyre profesionale – arkitekturën.
Një aktivitet me vlerë edukative, që u mundësoi nxënësve të reflektojnë mbi rëndësinë e ruajtjes së kujtesës historike dhe trashëgimisë kulturore e arkitekturore.

Blerina Kastrati

08/09/2026

Sot, në ambientet e IAAP “Rifat Gjota”, u zhvillua një prezantim mbi programin e shkëmbimit kulturor Kennedy-Lugar Youth Exchange and Study (YES), i realizuar nga ish-nxënësi i shkollës sonë dhe alumnus i programit YES, Gjin Kajtazi.

Gjatë prezantimit, nxënësit patën mundësinë të mësojnë më shumë rreth përvojës së shkëmbimit në Shtetet e Bashkuara të Amerikës, mundësive që ofron programi, procesit të aplikimit dhe përfitimeve akademike e personale që sjell kjo përvojë.

Në këtë aktivitet iu bashkua edhe alumnus i programit YES, Sado Music, i cila ndau me nxënësit përvojën e tij dhe perspektivën e tij mbi programin.

Ishte një mundësi e veçantë për të rikthyer përvojën e fituar përmes programit në shkollën ku nisi rrugëtimi i tij dhe për të inkurajuar nxënësit e IAAP “Rifat Gjota” të shfrytëzojnë mundësitë ndërkombëtare, të aplikojnë për programe të tilla dhe të besojnë në potencialin e tyre.
U.S. Embassy Pristina, Kosovo
YES Kosova
American Councils for International Education Kosova

27/08/2026

Një mundësi e mirë për ish-nxënësit e shkollës sonë!
Ju ftojmë të shikoni konkursin e publikuar në Sistemin Informativ për Menaxhimin e Burimeve Njerëzore dhe të aplikoni nëse i plotësoni kriteret.

27/08/2026

Qendra për Karrierë e IAAP “Rifat Gjota” po merr pjesë në këtë workshop të rëndësishëm, duke kontribuar me përvojën dhe idetë tona në zhvillimin e Udhëzuesit Praktik për Koordinatorët e Karrierës. Një mundësi e mirë për të shkëmbyer përvoja dhe për të kontribuar në përmirësimin e mbështetjes për të rinjtë në orientimin e tyre drejt arsimit dhe karrierës.

20/08/2026

Nxënësit e shkollës sonë ishin pjesë e masterklasës “Gati për Karrierë: Nga Shkolla drejt Punësimit”, organizuar nga Prishtina REA në bashkëpunim me Europe House Kosovo.
Një mundësi e vlefshme për të rinjtë tanë të mësojnë më shumë për tregun e punës, AI, CV-në, aftësitë dhe përgatitjen për karrierë.

14/08/2026

Me shumë kënaqësi veçojmë edhe nxënësen e shkollës sonë, Riga Kastrati, e cila ishte pjesë e këtij aktiviteti dhe përfaqësoi të rinjtë tanë në këtë vizitë të rëndësishme institucionale.
Një përvojë e tillë u jep të rinjve mundësinë të njihen nga afër me institucionet e së Kosovës, të mësojnë për rolin dhe përgjegjësitë e tyre dhe të zhvillojnë një kulturë të aktivizmit qytetar dhe të respektimit të institucioneve

Riga Kastrati

14/08/2026

Sa të lumtur dhe krenarë na bën fakti që Gjin Kajtazi, Rigon Haxhijaj dhe Fjolla Loxhaj, nxënës të IAAP “Rifat Gjota”, po marrin pjesë dhe po japin kontributin e tyre në Ditën Ndërkombëtare të Rinisë.
Është kënaqësi e veçantë t’i shohim nxënësit tanë pjesë të aktiviteteve të rëndësishme që u japin zë të rinjve dhe mundësi për të shprehur idetë e tyre.
Krenari për nxënësit tanë dhe për çdo të ri që po ndërton të ardhmen me dije, guxim dhe përkushtim!
Gjin Kajtazi
Fjolla Loxhaj
Rigon Haxhijaj

14/08/2026

“Eja, bëje hapin e parë drejt së ardhmes! Zgjidh shkollën, zgjidh profesionin dhe ndërto suksesin tënd. IAAP ‘Rifat Gjota’ të pret për ta nisur rrugëtimin tënd!”