SHFMU "Nonda Bulka", Mitrovicë

Hapat e parë drejt dijes 🎓

Me buzëqeshje dhe ëndrra të mëdha, fëmijët e grupit parafillor po përmbyllin një etapë të bukur të fëmijërisë dhe po përgatiten për rrugëtimin e ri në klasën e parë.

Ju urojmë suksese dhe një të ardhme plot arritje!

Aktivitet në Gjuhë Angleze

Nxënësit e klasës së dytë zhvilluan një aktivitet argëtues dhe edukativ – lojën me hedhje unazash.

Përmes lojës, ata ushtruan përqendrimin, koordinimin dhe bashkëpunimin me njëri-tjetrin, duke kaluar momente të bukura plot gëzim.

Njoftim

Të nderuar nxënës, prindër dhe staf i shkollës,

Bazuar në kalendarin e vitit shkollor 2025/2026, ju njoftojmë se nesër, e premtë, me 12 Qershor, nuk do të mbahet mësim, me rastin e Ditës së Paqes.

Mësimi do të vazhdojë të hënën, sipas orarit të rregullt.

Me respekt,
Drejtoria e shkollës

Së bashku kundër bullizmit

Nxënësit e shkollës sonë paraqitën një dramë edukative nën udhëheqjen e arsimtares Dafina Jashari me temë bullizmin.

Përmes interpretimit të tyre, ata përcollën mesazhe të rëndësishme për respektin, mirëkuptimin dhe mbështetjen ndaj njëri-tjetrit.

Aktiviteti synoi të rrisë ndërgjegjësimin se bullizmi lëndon dhe se secili prej nesh ka përgjegjësi të krijojë një mjedis të sigurt, miqësor dhe gjithëpërfshirës për të gjithë.

Së bashku kundër bullizmit, për më shumë respekt, mirësi dhe buzëqeshje në shkollë.

FESTA E ABETARES

Me shumë emocion dhe krenari, nxënësit e klasës së parë kremtuan Festën e Abetares, një nga momentet më të rëndësishme të jetës së tyre shkollore.

Përmes recitimeve, këngëve dhe paraqitjeve të ndryshme artistike, ata dëshmuan se tashmë kanë hedhur me sukses hapat e parë në botën e shkrim-leximit.

Kjo festë ishte një dëshmi e përkushtimit, punës dhe përparimit të nxënësve gjatë gjithë vitit shkollor.

Falënderojmë mësuesen Shukrije për përkushtimin, durimin dhe dashurinë me të cilën i ka udhëhequr nxënësit në këtë rrugëtim të bukur. Puna dhe kujdesi i saj u kurorëzuan me buzëqeshjet dhe suksesin e fëmijëve.

Urime të gjithë nxënësve dhe shumë suksese në rrugëtimin e mëtejmë shkollor! ❤️📚

Nxënësit e shkollës sonë morën pjesë në kampin edukativ të organizuar nga Agjencia e Menaxhimit Emergjent, i mbajtur në Qendrën për Kërkim-Shpëtim në Zubin Potok, ku patën mundësinë të fitojnë njohuri dhe përvoja të reja në fushën e sigurisë dhe menaxhimit të emergjencave.

Pjesëmarrja në aktivitete të tilla është një mundësi e shkëlqyer për edukimin, socializimin dhe ngritjen e vetëdijes së të rinjve për rëndësinë e përgatitjes dhe përgjegjësisë qytetare.

Falënderojmë DKA-në dhe organizatorët për mikpritjen dhe angazhimin e tyre, si dhe nxënësit tanë për përfaqësimin dinjitoz të shkollës.

Nxënësit gjatë këtij aktiviteti u shoqëruan nga arsimtarja përgjegjëse, Valmira Çitaku.

Buzëqeshje, lojëra dhe momente të bukura në natyrë

Në nder të 1 Qershorit – Ditës Ndërkombëtare të Fëmijëve, nxënësit nga klasa parafillore deri në klasën e pestë kaluan një ditë të veçantë në piknik.

Një ditë e mbushur me gëzim, miqësi dhe kujtime të paharruara.

Gëzuar 1 Qershorin të gjithë fëmijëve! 🎈🎉