Shkolla e Mesme e Lartë Teknike "Arkitekt Sinani" - Mitrovicë

Bonevet Mitrovicë - Një hap i rëndësishëm për Green Lab Mitrovica! 🌱

Kemi nënshkruar marrëveshje bashkëpunimi me 4 shkolla të mesme në Mitrovicë, duke krijuar mundësi për përfshirjen e të rinjve në aktivitete edukative dhe praktike mbi mjedisin dhe inovacionin.

Përmes këtij bashkëpunimi, nxënësit do të marrin pjesë në ligjërata, punëtori dhe zhvillimin e prototipeve ekologjike, ndërsa në fund të projektit do të realizohet edhe instalimi i mureve të gjelbra në shkolla.

Një hap konkret drejt një komuniteti më të qëndrueshëm. Faleminderit drejtorëve dhe stafit të shkollave për bashkëpunimin dhe gatishmërinë për të kontribuar në këtë iniciativë. 💚

Ky aktivitet është realizuar me mbështetjen financiare të Bashkimit Evropian. Përmbajtja e tij është përgjegjësi e vetme e CARE Deutschland e.V. zyra në Kosovë dhe nuk pasqyron domosdoshmërisht pikëpamjet e Bashkimit Evropian.

Për një mjedis të pastër!
Në kuadër të Ditës së Tokës edhe në shkollën tonë u zhvillua një aktivitet vullnetar me pjesëmarrjen e nxënësve, mësimdhënësve dhe stafit teknik.

Sot patëm kënaqësinë të realizojmë një vizitë në ambientet moderne të laboratorit Horn&Co Analytics SHPK, ku u njohëm nga afër me proceset bashkëkohore të analizave dhe standardet e larta profesionale që aplikohen.
Gjatë kësaj vizite, nxënësit/stafi ynë patën mundësinë të shohin praktikisht rëndësinë e teknologjisë dhe precizitetit në laboratorë, si dhe të marrin njohuri të vlefshme për fushën e analizave.
Falënderojmë stafin e Horn&Co Analytics SHPK për mikpritjen, profesionalizmin dhe gatishmërinë për të ndarë përvojën e tyre me ne. Kjo vizitë ishte një përvojë shumë e vlefshme dhe motivuese për të ardhmen profesionale të nxënësve tanë!

Më 09.03.2026 në Prishtinë, shkolla jonë SHMLT “Arkitekt Sinani” pati kënaqësinë të marrë pjesë në ngjarjen “Rrëfime nga femrat në energji”, e organizuar në kuadër të projektit Tranzicioni i Energjisë dhe Zbutja e Klimës nga LuxDev-i (Agjencia e Luksemburgut për Bashkëpunim Zhvillimor).
Ngjarja theksoi rolin dhe kontributin e rëndësishëm të femrave në sektorin e energjisë, duke ofruar një hapësirë inspiruese për reflektim, bashkëpunim dhe promovimin e diversitetit në zhvillimin e këtij sektori.

Urime 7 Marsi! Mirënjohje për të gjithë mësimdhënësit.

Praktika profesionale në Flotacion në Trepçë me klasen Me12...

Mësim aktiv dhe bashkëpunues në klasë.

Sot patëm kënaqësinë të mirëpresim në shkollën tonë ambasadorin e Luksemburgut, Eric Dietz. Falënderojmë gjithashtu LuxDev për investimet e rëndësishme në renovimin dhe pajisjen e kabinetit për energji të ripërtrishme me erë, i cili aktualisht ndodhet në fazën e dytë të projektit. Ky investim është një hap i madh drejt avancimit të arsimit profesional dhe krijimit të kushteve moderne për përgatitjen praktike të nxënësve tanë.
Mbështetja juaj po kontribuon drejtpërdrejt në ngritjen e cilësisë së mësimdhënies dhe në përgatitjen e gjeneratave të reja për tregun e punës dhe për sfidat e së ardhmes në fushën e energjisë së ripërtrishme.
Ju falënderojmë për besimin, bashkëpunimin dhe angazhimin tuaj të vazhdueshëm në zhvillimin e arsimit në Kosovë.

Në Emër të Shkollë SHMLT,, Arkitekt Sinani" Mitrovicë
Me respekt,
U.D. Drejtori: Jeton Hajdari

Praktika profesionale në laboratorin e shkollës me klasën Me/11.
Shkrirja termike e aluminit në temperaturën 660°C dhe analiza e mikrostrukturës së aluminit të ngurtësuar.