Zanafilla e e punës së shkollës fillore të mesme të ultë “Thimi Mitko” është e hershme, por mjaft e bujshme dhe me ndryshime të mëdha pozitive në sisteme të ndryshme qeverisëse. Meqë vendi ynë ishte i okupuar nga forcat e ndryshme sërbe sistemi i shkollimit në komunën e Gjilanit daton nga viti 1858. Ky mësim ishte më tepër me karakter fetar dhe zhvillohej nëpër kasha dhe xhamija. . Në vitin 1938 në Gjilan egzistonte një i ashtuquajturi Gjimnaz i Ulët që u shëndrrua si shkollë e plotë fillorenë të cilën mësimi zhvillohej vetëm në gjuhen sërbe. Në vitin 1954 shkollë e plotë fillore kishte 12 paralele me 594 nxënës mësimi zhvillohej vetëm në gjuhen sërbe. .Në këtë shkollë mësimi mbahej me paralele në gjuhën shqipe,turke dhe sërbe.Nga numri i madh i paraleleve shkolla në vitin shkollor 1956/57 ndahet në “Shkollën e –I- dhe në shkollën e –II- fillore tetëvjeçare Në shkollën e parë fillore drejtor ishte D. Neshiq kurse zëvendës i tij ishte Nevruz Nura nga Gjakova. Drejtor i shkollës së –II- fillore në vitin 1957 u zgjodh Rexhep Kabashi
Shkolla e –I- fillore mesimin e mbante në katin përdhes të objektit kurse shkolla e –II- fillore mësimin e zhvillonte në katin e parë të ndërtesës. Kjo shkollë punoi si e tillë deri në vitin e1959. . Pas këtij viti numri I nxënësve filloi të shtohej dhe u bënë mbi 56 paralele.Numri i madh i paraleleve rritet nevoja për mësues të rinj. Meqë objekti ishte i stërngarkuar kërkohej nevoja të ndërtohej një objekt i ri . Në qytet në vitin 1959/60 ndërtohet objekti i shk. Pas ndërtimit të objektit të ri shkolla e –II-fillore kalon në objektin e ri të dhe mer emrin shkolla fillore “Musa Zajmi “ Kurse në objektin e vjetër mbetet shkolla e -I- që u emërtua shkolla fillore “Vuk Karaxhiq”. Në shkollën e vjetër si organ I këshillit drejtues ishte edhe mësuesi i nderuar Z. Hysen Selimi. Nga viti shkollor 1961/62 në shkollën “Vuk Karaxhiq” mësonin edhe klasë të veçanta të paraleleve shqipe nga kl. e –I- IV- ishin nga dy paraleletë gjuhës shqipe, kurse nga klasa e -V- VIII- nga një paralele. Nga viti në vit numri i nxënësve në paralelet shqipe rritej.Më 23.08.1966 për herë të parë vendoset një drejtor shqiptarë Jashar Jashari arsimtarë i gj. Angleze që me nderë e kreu këtë funksion. Si drejtor të merituar e gjejme në vitin 1972 edhe Arif Baftiun . Me ardhjen e Arif Baftiut numri inxënësve me të madhe u rrit . Në vitin e ardhshëm shkollor u bënë 2653 nxënës dhe 110 arsimtarë
Nga viti 1973 në klasën e parë u formuan 5 (pesë) paralele në gjuhën shqipe më 187 nxënës . Në klasën e parë punonin këta arsimtarë Ismete Ahmeti, Sabrije Jakupi, Nezaqete Gjinolli, Belkije Grabovci, Didare Gjinolli dhe Bajram Veseli. Nga viti shkollor 1973/74 qyteti e fiton edhe një shkollë fillore, shk. Fill. “Selami Hallaqi” me të gjitha paralelet në gjuhën shqipe. Në vitn shkollor 1984/85nga shkolla fillore “V. Karaxhiq” ndahet edhe një shkollë e re sh. Fill. “Abaz Ajeti” . Me 13 shtator të vitit 1991 nga pushteti I dhunshëm sërb u dëbuan nxënësit shqiptarë nga kjo shkollë sepse nuk pranon ti nënshtroheshin planeve asimiluese sërbe të servuar asaj kohe nga regjimi dictatorial të Sërbisë. Më 17 janar 1992 MASHT-I shkollën tonë e shpalli shkollë të pavarur dhe e emërtoi me emrin I shkrimtarit të njohur Thimi Mitko. Me këtë emër nxënësit e shkollës sonë mësimin e mbajtën nën kulmin e shkollës fillore “Musa Zajmi” deri në vitin 2000. Me të përfunduar lufta një bashkëatdhetar Osmon Zymberi solli një humaniste gjermane Ingeborg Shilinger të cilës I propozoi ta përfundojnë objektin e ri shkollor. Kjo humaniste nga nxënësit e një krahine mblodhi 1.300 ,000 DM dhe e përfundoi objektin e shkollës sonë. Sot shkolla jonë numron 2590 nxënësa në të cilën mësojnë në tre ndërrime. Shkolla ka një bashkëpunim të mirë me DKA- dhe kuvendin Komunal në veçanti me komunitetin – prindërit
Kuadri arsimor i shkollës sonë është i kualifikuar 100% dhe punojnë me përkushtim të duhur në edukimin dhe arsimini e gjeneratave të reja. Që nga dt. 03.10.2012 ushtruese e detyrës së zv. Dejtorit të shkollës caktohet znj. Jyksel Gjinolli Sylejmani, ndërsa nga dt. 03.04.2013 zyrtarisht emërohet drejtoreshë e shkollës.
