Logopede - Enteela Kamberi

Kur luajmë kartash, fëmija nuk po mëson thjesht një fjalë! Ai mëson ngjyrën e objektit, funksionin e tij dhe zërin që ai lëshon, pra të mësuarit përmes kartave përfshin një shteg që fëmijën e ndihmon të fitoj njohuri të reja dhe kështu të arrij zhvillimin gjuhësor në përputhje me standardet e zhvillimit.

Libri që më keni dhuruar nuk mban vetëm bukurinë e përmbajtjes së tij, por edhe peshën simbolike të rrugëtimit që kemi nisur së bashku.
Në këtë libër, unë shoh mishërimin e përpjekjes sonë të përbashkët për fuqinë e komunikimit brenda fëmijës tuaj. Nëpërmjet seancave të panumërta, këmbënguljes me durim dhe përkushtimit të palëkundur, ne kemi punuar si njësh, duke kapërcyer pengesat dhe duke i hapur rrugën përparimit.
Është një nder të dëshmosh rritjen e një fëmije dhe të jesh pjesë e përparimit të tyre, por të marrësh një mirënjohje të tillë të përzemërt është njëkohësisht përulëse dhe frymëzuese!
Ju falënderoj përzemërsisht’ 🤍

🧠Toobaloo është një mjet reagimi dëgjimor i krijuar për fëmijët 4+, i cili përdoret për të ndihmuar dhe përmirësuar vështirësitë akademike si rrjedhshmëria e leximit dhe aftësitë terapeutike si artikulimi dhe shqiptimi. Toobaloo është përdorur me shumë sukses nga fëmijët e diagnostikuar me autizëm, çrregullime të të folurit, disleksi dhe çrregullim të përceptimit të dëgjimit.

🧠Duke folur në Toobaloo, fëmijët dëgjojnë veten (nxirren informacione të sakta dëgjimore) dhe mund të bëjnë rregullime në rrjedhshmërinë, shqiptimin dhe madje të rrisin të kuptuarit. Fëmijët me nevoja të veçanta si autizmi, çrregullimi i procesionit dëgjimor, belbëzimi dhe disleksia kanë përfitime të jashtëzakonshme nga procesi i përceptimit dëgjimor i lexuar me zë të lartë.

6 Marsi
Dita evropiane e Logopedisë !

🧠Loja funksionale mund të përkufizohet si lojë me lodra ose objekte sipas funksionit të tyre të synuar (p.sh., rrotullimi i topit, shtyrja e një makine në dysheme, pretendimi se ushqeni një kukull).
🧠Pse është e rëndësishme? : Loja është një mënyrë që fëmijët mësojnë të kuptojnë botën.

🧠Përmes lojës funksionale përpos shumë aspekteve në të kuptuar zhvillohen edhe aftësitë shprehëse të gjuhës, mbajtjen e radhës, praktikimin e njohurive gjuhësore përmes të folurit dhe përfitimin e njohurive të reja gramatikore.

Zyrtarisht, Kryetare e Komisionit për Licensimin e Logopedëve. Në bashkëpunim me anëtarët e komisionit të përzgjedhur nga OIK, në të mirë dhe avancim të profesionit të logopedisë në Kosovë.

🧠Loja me kube në thelb duket shumë e thjeshtë, por është një mënyrë e veçantë për të mësuar se si gjuha funksionon. Kubet krijojnë forma të ndryshme e nga format dalin shumë fjalë.Përpos kësaj nxitet dëshira për të krijuar diçka edhe më të mirë.

🧠Njohuritë e reja mbi objektet nxisin kurreshtjen, dëshirën për të bërë pyetje dhe diskutimin mbi veprat e krijijuara nga imagjinata unike e fëmijëve.

🧠Fjalët që mësojnë fëmijët përfshijnë figura të shumëllojshme që përmbajnë ngjyra të ndryshme. Me rritjen ata natyrshëm përveç emërtimit mësojnë ti kategorizojnë figurat sipas ngjyrave dhe funksionit që kanë.

🧠Ne të dy po luajmë një lojë, bashkë po i shohim fotografitë e “shokut” tonë Tonit, emrin e të cilit e vendosëm bashkë. Duke luajtur lojën dhe duke renditur fotografitë me radhë, lojtarit që i mbetet karta e fundit, komenton tre kartat të cilat kanë një lidhje kronologjike.

🧠Përmes këtij aktiviteti përveç aftësive për të krijuar fjali, fëmijët mësojnë aftësi tjera gramatikore si: kohët në të cilat kryhet veprimi, përdorimin e ndajfoljeve, përdorimin e emrave në njejës dhe shumës si dhe parafjalët.

🧠Aftësitë e përceptimit vizual janë mjete thelbësore në lexim,shkrim, matematikë si dhe në detyra të përditshme si veshja, prerja,vizatimi,plotësimi i lojrave enigmatike, i problemeve matematikore, kopjimi i informacionit nga tabela, kuptimi i simboleve si dhe shumë aftësi të tjera.

🧠Ky aktivitet ndihmon në rritjen e përqendrimit duke përmirësuar vëmendjen e tyre vizuale, skanimin vizual , aftësitë e krahasimit dhe përsosjen e aftësive të komunikimit .