Drejtoria e Arsimit Gjakovë

02/09/2026

31/08/2026

Me rastin e fillimit të vitit të ri shkollor

Drejtoria Komunale e Arsimit, Këshilli i Prindërve, Këshilli i Nxënësve dhe NSKAP, me rastin e fillimit të vitit të ri shkollor, riafirmojnë përkushtimin e përbashkët për një mjedis shkollor të sigurt, të respektueshëm, gjithëpërfshirës dhe të orientuar drejt mirëqenies dhe suksesit të çdo nxënësi.

Në këtë drejtim, theksojmë këto prioritete:

1. Mospërdorimi i telefonave në shkollë

Përdorimi i telefonave gjatë procesit mësimor dhe në hapësirat e shkollës nuk lejohet, përveç rasteve të arsyetuara dhe të autorizuara.
Ky rregull vlen njësoj për nxënësit dhe arsimtarët. Të rriturit në shkollë kanë përgjegjësi të veçantë për të qenë shembull i sjelljes që kërkojnë nga nxënësit. Qëllimi është krijimi i një mjedisi të përqendruar në mësim, komunikim të drejtpërdrejtë dhe respektim të procesit mësimor.

2. Respektimi i kodit të veshjes dhe kodit të etikës

Të gjithë pjesëtarët e komunitetit shkollor janë të obliguar të respektojnë kodin e veshjes dhe kodin e etikës, duke promovuar respektin, dinjitetin, tolerancën dhe sjelljen e përgjegjshme.
Rregullat duhet të zbatohen në mënyrë të drejtë dhe të barabartë për të gjithë. Nga të rriturit kërkohet standard i lartë profesional dhe etik, pasi shembulli i tyre është pjesë e edukimit të nxënësve.

3. Raportimi me kohë i mungesave

Arsimtarët dhe stafi përgjegjës duhet të sigurojnë evidentimin dhe njoftimin me kohë të prindërve/kujdestarëve për mungesat e nxënësve, në përputhje me procedurat e shkollës.

Përgjegjësia profesionale dhe komunikimi në kohë janë thelbësore për vijueshmërinë e rregullt dhe për identifikimin e hershëm të çdo vështirësie që mund të ndikojë te nxënësi.

4. Forcimi i komunikimit me prindërit

Mirëqenia e fëmijëve është përgjegjësi e përbashkët e familjes, shkollës dhe institucioneve. Prandaj, kërkojmë komunikim të rregullt, të hapur dhe konstruktiv me prindërit, jo vetëm kur shfaqen probleme, por edhe për progresin, nevojat dhe sukseset e fëmijëve.

Çdo shqetësim që lidhet me mirëqenien, sjelljen apo përparimin e nxënësit duhet të trajtohet me seriozitet, diskrecion dhe në kohë.

Përgjegjësi e përbashkët, shembull i përbashkët!
Një komunitet i shëndetshëm shkollor ndërtohet kur rregullat respektohen nga të gjithë dhe përgjegjësia nuk kërkohet vetëm nga nxënësit.

Prindërit, arsimtarët, drejtuesit e shkollave dhe institucionet kanë detyrimin të krijojnë shembullin, standardin dhe mjedisin në të cilin nxënësit mësojnë jo vetëm nga ajo që u thuhet, por edhe nga ajo që shohin çdo ditë.

Ta fillojmë vitin e ri shkollor me respekt, përgjegjësi, komunikim dhe bashkëpunim, duke vendosur në qendër të çdo veprimi fëmijën, mirëqenien dhe të drejtën e tij për një arsim cilësor dhe një mjedis të sigurt e dinjitoz.

Drejtoria e Arsimit – Gjakovë
Këshilli i Prindërve-Linda Dula Halilabazi
Këshilli i Nxënësve-Ergisa Himaj
NSKAP - Zenun Nimani

31/08/2026

https://gjakova.rks-gov.net/wp-content/uploads/2026/08/Njoftim-Lista-perfundimtare-e-perfitueseve-te-bursave-per-studentet-e-Komunes-se-Gjakoves.pdf

25/08/2026

Më:25.08.2026

19/08/2026

Pas pushimeve filluam mbarë për mësimdhënësit!

Me datat 18 dhe 19 gusht, në Qendrën Didaktike po zhvillohen dy programe të rëndësishme trajnimi për mësimdhënësit:

“Edukimi Medial”
“Zhvillimi i shkathtësive të leximit në klasat e hershme”

Këto trajnime po realizohen në bashkëpunim me KEC, të cilin, në emër të Drejtorisë së Arsimit, e falënderojmë për mbështetjen dhe partneritetin e vazhdueshëm në ngritjen profesionale të mësimdhënësve tanë.
Po ashtu, shprehim mirënjohjen tonë për Kryetarin e Komunës së Gjakovës, z. Ardian Gjini, për mbështetjen e vazhdueshme ndaj arsimit dhe investimin në zhvillimin profesional të mësimdhënësve.
Urime të gjithë pjesëmarrësve për angazhimin dhe përkushtimin!
Vazhdojmë edhe javën e ardhshme me aktivitete dhe trajnime të tjera, në shërbim të rritjes së cilësisë në arsim.

15/08/2026

Të nderuar nxënës dhe prindër,

Ju njoftojmë se me datat 17, 18 dhe 19 gusht 2026, duke filluar nga ora 08:00, zhvillohet regjistrimi i nxënësve në klasën e dhjetë për afatin e dytë (plotësues) për vitin shkollor 2026/2027.
Lusim të gjithë nxënësit dhe prindërit që të respektojnë afatin e përcaktuar për regjistrim dhe të paraqiten me dokumentacionin e nevojshëm brenda këtyre datave.
Të gjithë nxënësve u urojmë shumë suksese në vazhdimin e rrugëtimit të tyre arsimor!

12/08/2026

Të nderuar prindër dhe kujdestarë ligjorë,

Ju njoftojmë se afati për aplikim për subvencionimin e teksteve mësimore dhe materialeve shkollore është shtyrë deri të premten, më 14 gusht 2026.
U bëjmë thirrje të gjithë prindërve dhe kujdestarëve ligjorë që ende nuk kanë aplikuar në platformën eKosova për subvencionimin e teksteve mësimore dhe materialeve shkollore për nxënësit nga klasa e parë deri në klasën e nëntë, që ta bëjnë aplikimin sa më parë.
Për çdo paqartësi apo vështirësi gjatë procesit të aplikimit, ju lutemi t’i drejtoheni Ministrisë së Arsimit në adresën elektronike: libri@rks-gov.

30/07/2026

Drejtoria e Arsimit në Gjakovë ka nënshkruar Marrëveshje Bashkëpunimi me organizatën Terre des hommes Kosova, me qëllim të forcimit të bashkëpunimit në mbështetje të fëmijëve dhe zhvillimit të sistemit arsimor.

Kjo marrëveshje ka një rol të rëndësishëm në:

Mbështetjen e mirëqenies dhe mbrojtjes së fëmijëve në institucionet arsimore.
Fuqizimin e mekanizmave për parandalimin e dhunës, bullizmit dhe çdo forme të diskriminimit në shkolla.
Zhvillimin e aktiviteteve edukative dhe vetëdijesuese për nxënësit, mësimdhënësit dhe prindërit.
Ngritjen e kapaciteteve profesionale të stafit arsimor përmes trajnimeve dhe programeve të përbashkëta.
Promovimin e përfshirjes, barazisë dhe respektimit të të drejtave të fëmijëve në procesin edukativo-arsimor.
Zbatimin e projekteve të përbashkëta që kontribuojnë në krijimin e një mjedisi shkollor të sigurt, gjithëpërfshirës dhe miqësor për çdo nxënës.

Kjo marrëveshje paraqet një hap të rëndësishëm drejt avancimit të cilësisë së arsimit dhe forcimit të bashkëpunimit ndërmjet institucioneve publike dhe organizatave partnere, me synimin e përbashkët për të krijuar kushte më të mira për zhvillimin dhe mirëqenien e fëmijëve në komunën e Gjakovës.

27/07/2026

NJOFTIM
Të nderuar prindër,
Ju njoftojmë se ka filluar aplikimi për përfitimin e teksteve shkollore për nxënësit e klasave I–V dhe VI–IX.
Afati për aplikim është dy (2) javë nga dita e hapjes së platformës. Ftojmë të gjithë prindërit që të aplikojnë brenda afatit të përcaktuar, në mënyrë që procesi i pajisjes me tekste shkollore të zhvillohet pa vonesa.
Ju lutemi të respektoni afatin e aplikimit dhe të siguroheni që të dhënat e regjistruara gjatë aplikimit të jenë të sakta.

Nga sot, më 27 korrik, hapet aplikimi për subvencionimin e teksteve dhe materialeve shkollore për nxënësit e arsimit fillor të ulët dhe të mesëm të ulët (klasat 1–9). Ministria e Arsimit dhe Shkencës njofton të gjithë prindërit dhe kujdestarët se aplikimi do të realizohet përmes ...