Gjimnazi "Hivzi Sulejmani" Fushë - Kosovë

15/09/2026

Kënaqësi të prisnim në shkollën tonë Qendrën për Inovacione dhe Zhvillim (CFID)! 💡📚

Sot, në ambientet e Gjimnazit “Hivzi Sulejmani”, mirëpritëm Z. Fadil Miftari me projektin “Energjia në Duart Tona”, i cili implementohet nga Qendra për Inovacione dhe Zhvillim (CFID) në bashkëpunim me KosovaPress dhe Korporatën Energjetike të Kosovës (KEK).

Nxënësit tanë patën mundësinë të ndjekin një ligjëratë mjaft edukative dhe praktike mbi rëndësinë e kursimit, përdorimit efikas dhe menaxhimit të përgjegjshëm të energjisë elektrike.

Shprehim falënderimet tona më të përzemërta për Qendrën për Inovacione dhe Zhvillim (CFID) dhe veçanërisht për Z. Fadil Miftari për këshillat me vlerë, përkushtimin dhe ligjëratën frymëzuese që ndau me nxënësit tanë.

Edukimi i të rinjve mbi shfrytëzimin racional të energjisë është hapi më i sigurt drejt një të ardhmeje të qëndrueshme! 🌿⚡

Kjo ligjëratë u mbajt në bashkëpunim me këshilltaren për karrierë, Diellza Berjani, si dhe nga stafi teknik për pjesët elektronike, editimin dhe realizimin e fotove, Olt Maloku.

Komuna e Fushë Kosovës

07/09/2026

Sukses i radhës për Gjimnazin “Hivzi Sulejmani”!

Me shumë kënaqësi ndajmë lajmin se projekti ynë eTwinning është vlerësuar me Certifikatën Kombëtare të Cilësisë (National Quality Label)!

Në projekt morën pjesë 8 nxënës të shkollës sonë, në bashkëpunim me dy shkolla partnere nga Turqia. I gjithë projekti u zhvillua në gjuhën angleze, duke ofruar një përvojë të jashtëzakonshme ndërkombëtare dhe mundësi për zhvillimin e aftësive gjuhësore, digjitale dhe bashkëpunuese të nxënësve.

Mbikëqyrëse e projektit ishte profesoresha e Gjeografisë, Majlinda Hykolli Prebreza, të cilën e falënderojmë për përkushtimin, profesionalizmin dhe mbështetjen e vazhdueshme gjatë gjithë projektit.

Urime nxënësve dhe profesoreshës për këtë sukses të merituar!

Krenarë për sukseset tona dhe për bashkëpunimet ndërkombëtare!

29/08/2026

Ju urojmë të gjithë nxënësve një vit shkollor të mbarë, të suksesshëm dhe plot arritje! 📖✨

27/08/2026

Sot, në Gjimnazin “Hivzi Sulejmani”, patëm nderin dhe kënaqësinë të mirëpresim Drejtorin e ri të Arsimit në Komunën e Fushë Kosovës, z. Sabri Xhigoli. 🙏

Z. Xhigoli e nderoi me praninë e tij mbledhjen e Këshillit të Mësimdhënësve, ku ndau informata dhe orientime të rëndësishme lidhur me fillimin dhe mbarëvajtjen e këtij viti shkollor. Gjatë fjalës së tij, ai theksoi rëndësinë e bashkëpunimit të vazhdueshëm ndërmjet Komunës, Drejtorisë Komunale të Arsimit dhe shkollës, duke u zotuar për mbështetje në iniciativa dhe projekte të ndryshme që kontribuojnë në avancimin e procesit mësimor dhe krijimin e mundësive më të mira për nxënësit tanë.

Jemi të bindur se me bashkëpunim, përkushtim dhe mbështetje të ndërsjellë, do të vazhdojmë të realizojmë projekte dhe aktivitete të rëndësishme në të mirë të arsimit dhe të rinjve të komunës sonë.

Stafi i Gjimnazit “Hivzi Sulejmani” i uron z. Sabri Xhigoli shumë shëndet, suksese dhe mbarësi në këtë mision të ri e të rëndësishëm, duke shprehur gatishmërinë për bashkëpunim të vazhdueshëm dhe të frytshëm në të ardhmen. 🤝📚

20/08/2026

📢 NJOFTOJMË NXËNËSIT E PRANUAR NË AFATIN E GUSHTIT

Gjimnazi “Hivzi Sulejmani” – Fushë Kosovë publikon listën e nxënësve të pranuar në Drejtimin e Shkencave Natyrore, në afatin e dytë të regjistrimit – gusht 2026.

16/08/2026

NJOFTIM

Njoftohen të gjithë nxënësit dhe prindërit/kujdestarët se pranimi i dokumenteve për regjistrimin e nxënësve për vitin shkollor 2026/2027, afati i gushtit, do të bëhet më:

17, 18 dhe 19 gusht 2026.

Ju lutemi që dokumentet e nevojshme për regjistrim t’i dorëzoni brenda afatit të përcaktuar.

Faleminderit për mirëkuptimin!

17/07/2026

12/07/2026

Lista e nxënësve të pranuar në klasën e 10-të, viti shkollor 2026/27
Drejtimi: Shkenca Natyrore dhe Shkenca Shoqërore

Të dashur nxënës, ju njoftojmë se më poshtë gjenden listat e nxënësve të pranuar në klasën e 10-të në Gjimnazin “Hivzi Sulejmani”, në drejtimet Shkenca Natyrore dhe Shkenca Shoqërore.

Urime të gjithë nxënësve të pranuar! Ju urojmë suksese në rrugëtimin tuaj të ri arsimor, shumë arritje, përkushtim dhe rezultate sa më të mira gjatë viteve të gjimnazit. Le të jetë kjo një fillim i mbarë drejt realizimit të ëndrrave dhe synimeve tuaja.

📌 Nxënësit të cilët nuk gjenden në këto lista janë të vendosur në listën e pritjes.
Për informacione shtesë dhe konsultime, mund të paraqiteni të hënën, nga ora 08:00 deri në orën 10:00, në ambientet e shkollës.

Ju mirëpresim dhe ju dëshirojmë shumë suksese!

06/07/2026

🎓 Të dashur nxënës dhe prindër, ju njoftojmë se procesi i regjistrimit për klasën X, për vitin shkollor 2026/2027, zhvillohet sipas afateve të paraqitura në njoftim. Ju mirëpresim!

29/05/2026

Me datë 28.05.2026, në Gjimnazin “Hivzi Sulejmani” në Fushë Kosovë, në kuadër të projektit Green Generation 3.0, u mbajt forumi i radhës nën udhëheqjen e Prof. Ganimete Berisha Veliu.

Ky forum u pasurua me mbështetjen dhe pjesëmarrjen aktive të anëtarëve të Green Generation, Prof. Arieta Jashari dhe Prof. Zoje Krasniqi, të cilat kontribuan në mënyrë të drejtpërdrejtë në realizimin e suksesshëm të këtij aktiviteti.

Gjithashtu, falë mbështetjes së vazhdueshme të drejtorit të shkollës, z. Amir Pllana, ky forum u shndërrua në një shembull të bashkëpunimit të suksesshëm ndërmjet stafit mësimdhënës, nxënësve, menaxhmentit të shkollës, dhe prindërve.

Në këtë aktivitet morën pjesë prindër, mësimdhënës, staf menaxherial dhe nxënës, të cilët diskutuan ide dhe hapa konkretë drejt një shkolle më të gjelbër, më të qëndrueshme dhe më të përgjegjshme ndaj mjedisit.

Forumi shërbeu si një hapësirë e hapur bashkëpunimi, ku secili kontribuoi me ide, përvoja dhe propozime për përmirësimin e efikasitetit energjetik, zhvillimin e kulturës së qëndrueshmërisë dhe forcimin e rolit të komunitetit në mbështetje të projekteve mjedisore.

Faleminderit të gjithë pjesëmarrësve për angazhimin, energjinë dhe gatishmërinë për të qenë pjesë e ndryshimit pozitiv. Së bashku po ndërtojmë një shkollë që edukon, frymëzon dhe vepron për një të ardhme më të gjelbër.