Xhamia Në Grabovc

Si do ta vazhdosh ditën tënde kur të dëgjosh se një baba nga Gaza, i bllokuar nën rrënoja, u kërkonte ekipit të shpëtimit të mos e nxirrnin?

Jo nga dëshpërimi ndaj jetës, por sepse ai dëgjonte frymët e fundit të vajzave të tij nën gërmadha.
Duart e tyre të vogla ishin kapur pas dorës së tij në errësirë, sikur po i kërkonin ndihmë për herë të fundit. Ai ishte babai që gjithmonë kishte qenë strehimi i tyre i sigurt, por këtë herë ishte i pafuqishëm t’i nxirrte nga dheu dhe gurët.

Nga trupi i tij shihej vetëm koka. Ai shikonte fytyrat e shpëtimtarëve me sy të lodhur nga frika dhe pafuqia dhe u thoshte:
"Më lini... vajzat e mia janë këtu... nuk dua të dal i vetëm."
Cila zemër mund ta përballojë një skenë të tillë? Cila gjuhë mund ta përshkruajë ndjenjën e një babai që e kupton se po i humb vajzat e tij njëra pas tjetrës, ndërsa vazhdon t’ua mbajë duart derisa ato të ftohen, pa qenë në gjendje t’u ofrojë shpëtim apo përqafimin e fundit?

Si do të kalojë dita jote pasi ta dëgjosh këtë histori? Si do të ulesh i qetë në sofrën tënde, apo të buzëqeshësh për diçka të zakonshme, kur e di se diku është një baba, dëshira e fundit e të cilit ishte të mos mbijetonte i vetëm?
Dhe mbetet pyetja që e ndjek ndërgjegjen njerëzore:
Sa dhimbje i duhen botës që ta dëgjojë britmën e një babai të vetëm atje?

Pranë jush në çdo hap të jetës!

Të nderuar qytetarë,

Në kuadër të aktiviteteve të Këshillit të Bashkësisë Islame, në mënyrë të vazhdueshme zhvillohen konsultime dhe takime në zyrat e Këshillit për trajtimin e shqetësimeve, sfidave dhe çështjeve të ndryshme të jetës së përditshme.

Gjithashtu, vazhdojnë kurset për mësimin e leximit të Kur’anit, të udhëhequra nga mualimi dhe mualimet e Këshillit.

Dyert e Këshillit janë të hapura për secilin prej jush. Jemi këtu për t’ju dëgjuar, për t’ju këshilluar dhe për t’ju ndihmuar aq sa kemi mundësi.

Mirë se vini në zyrat e Këshillit të Bashkësisë Islame.

Ju faleminderit për besimin dhe bashkëpunimin tuaj të vazhdueshëm.

Këshilli i Bashkësisë Islame Fushë Kosovë!

⚠️ NJOFTIM DHE APEL PËR KUJDES

Të nderuar bashkëvendës, xhematlinj dhe mërgimtarë,

Jemi njoftuar se një person i prezantuar me emrin Eduard Gmh, me numrin e telefonit +381 69 306 7819, po kontakton banorë dhe xhematlinj të fshatit tonë, duke kërkuar informata për familje në nevojë dhe raste për ndihmë.

Duke pasur parasysh se edhe para rreth dy vitesh ka pasur raste të ngjashme, ku janë përdorur emra të banorëve të fshatit për qëllime të paqarta, u bëjmë thirrje të gjithë qytetarëve që të tregojnë kujdes maksimal dhe të mos japin informata personale apo të dhëna të familjeve të tjera pa verifikim paraprak.

Nuk po paragjykojmë qëllimin e personit në fjalë, por për sigurinë e komunitetit tonë kërkojmë që çdo kontakt i tillë të verifikohet para se të jepen informata ose të ndërmerren veprime të tjera.

Personat që dëshirojnë të ndihmojnë familjet në nevojë, jetimët apo rastet sociale, mund të paraqiten fizikisht në Xhaminë e Grabocit, në Bashkësinë Islame, ose në shoqatat humanitare të regjistruara ligjërisht, ku ndihmat dhe aktivitetet humanitare zhvillohen në mënyrë të organizuar dhe transparente.

Nëse dikush është kontaktuar nga ky numër ose ka informata shtesë, lusim që të njoftojë Këshillin e Xhamisë ose përfaqësuesit e fshatit.

Kujdesi dhe verifikimi janë përgjegjësi e secilit prej nesh.

Me respekt,
Xhamia në Grabovc

Lajmërim

Të nderuar besimtarë dhe bashkëvendës.

Ju njoftojmë se nesër është dita e Kurban Bajramit. Në Xhaminë e Grabocit falja do të bëhet sipas këtij orari:

🕌 Namazi i sabahut: 04:25
🕌 Namazi i Bajramit: 05:40

Në këtë ditë të madhe e të bekuar, lusim Allahun e Madhëruar që të na i pranojë kurbanët, lutjet dhe veprat tona të mira, të sjellë paqe, bereqet dhe harmoni në familjet tona dhe në mesin tonë.

Le të jetë kjo festë ditë gëzimi, afërsie dhe mëshire mes njëri-tjetrit.

Për hajr Kurban Bajrami për të gjithë besimtarët! Allahu e pranoftë çdo ibadet dhe sakrificë të bërë për hir të Tij.

Me respekt,
Xhamia në Grabovc

Kurban - Bajrami të mërkurën, më 27 maj 2026

Kryesia e Bashkësisë Islame të Kosovës njofton besimtarët dhe opinion e gjerë se dita e parë e festës së Kurban Bajramit, është ditën e mërkurë, më 27 maj 2026.
Manifestimi qendror për territorin e Kosovës, kushtuar festës së Kurban Bajramit, mbahet në Xhaminë e Madhe në Prishtinë.
Manifestimi fillon në orën 4:25, me faljen e namazit të sabahut, pas të cilit do të jetë ligjërata tematike kushtuar kësaj feste, të cilën do ta mbajë Arbnor ef. Sinani – kryeimam i Këshillit të Bashkësisë Islame në Skenderaj.
Namazi i Kurban Bajramit falet në orën 5:40, të cilit do t’i prijë Mustafë ef. Dallku, ndërsa hytben – mesazhin e Kurban Bajramit do ta mbajë Myftiu i Kosovës, Naim ef. Tërnava.
Me rastin e festës së Kurban Bajramit, ditën e parë, më 27 maj 2026, Kryesia e BIK-ut, si tradicionalisht organizon pritje përurimi në selinë e Kryesisë nga ora 9:00-12:00.
Kryesia e Bashkësisë Islame të Kosovës të gjithë besimtarëve dhe opinionit të gjerë ua uron festën e Kurban Bajramit, duke e lutur Zotin që të na pranoj haxhin, kurbanin, lutjet dhe ibadetet tona.
Me fat festa e Kurban - Bajramit!

Me dhimbje të thellë njoftojmë familjarët, miqtë dhe dashamirët se ka ndërruar jetë më e dashuri jone FETIJE ZOGIANI. ( Gruja e Rrahman Zogianit .

Varrimi i të ndjeres bëhet NESER ora 13:30, në varrezat e fshatit Graboc i Ulët. Te ZOGIANIT

Lutje:
Allahu e mëshiroftë , e faltë dhe e shpërbleftë me Xhenetin Firdeus. Allahu i dhëntë familjes sabër dhe forcë në përballimin e kësaj dhimbje.

Të pikëlluar:
Familja Zogiani

Me dhimbje të thellë njoftojmë familjarët, miqtë dhe dashamirët se ka ndërruar jetë më i dashuri ynë Selim Sogojeva.

Varrimi i të ndjerit bëhet më 18.04.2026në ora 15:00, në varrezat e fshatit Graboc i Ulët. Te Sogojevt

Lutje:
Allahu e mëshiroftë të ndjerin, e faltë dhe e shpërbleftë me Xhenetin Firdeus. Allahu i dhëntë familjes sabër dhe forcë në përballimin e kësaj dhimbje.

Të pikëlluar:
Familja Sogojeva

Selam alejkum të nderuar prindër dhe nxënës.

Ju njoftojmë se në Xhaminë e Grabocit hapet kursi Mësim-Besim për fëmijë dhe të rinj.

Në këtë kurs do të mësohet:
• Kurani
• Hadithi
• Rregullat fetare
• Historia islame
• Morali dhe edukata

Fillimi: 15.04.2026 (e mërkurë)
Ora: 15:00
Vendi: Xhamia Grabovc
Orari: 2 herë në javë

Kursi është pa pagesë

Do të ketë gjithashtu aktivitete të ndryshme, iftare dhe programe edukative për fëmijë.

Për informata dhe regjistrim:
Behare L.I.G. – 049 647 548
Jetmira V.B. – 049 254 877

Ftojmë të gjithë prindërit që t’i regjistrojnë fëmijët e tyre në këtë kurs edukativ dhe fetar.

Allahu ju shpërbleftë me të mira.
Selam alejkum ve rahmetullahi ve berekatuhu.

Lavdi e përjetshme dëshmorëve dhe nderim i thellë për të gjithë ata që sakrifikuan për lirinë e Kosovës.

Rruga drejt lirisë u ndërtua me gjak, sakrificë dhe përkushtim të madh nga bijtë dhe bijat më të mirë të këtij vendi. Çdo hap drejt lirisë mban në vete historinë e familjeve që nuk u ndalën përballë vështirësive, por qëndruan të palëkundura në mbrojtje të atdheut.

Ndër këto familje që kontribuan me nder qëndron edhe familja Berisha, e cila dha një kontribut të rëndësishëm në luftën çlirimtare. Në librin “Gjurmët e UÇK-së në Obiliq, Fushë-Kosovë dhe Lipjan” të autorit Ahmet Jashari, dokumentohet edhe kjo histori me vlerë.

Në veçanti përmendet Zukë Berisha nga Grabovci i Ulët, ku shtëpia e tij ka shërbyer si bazë e UÇK-së gjatë luftës, duke qenë pjesë e organizimit dhe qëndresës së Togut të Bardhit të Madh, Brigada 114 “Fehmi Lladrovci”. Kjo shtëpi nuk ishte vetëm një objekt, por një pikë e rëndësishme strategjike dhe një simbol i guximit dhe sakrificës.

Këto dëshmi janë pjesë e historisë sonë kombëtare dhe mbeten kujtesë e gjallë për brezat që vijnë, që të mos harrohet kurrë rruga e vështirë drejt lirisë dhe çmimi i saj.

Lavdi e përjetshme dëshmorëve. Respekt i pafund për luftëtarët dhe për çdo familje që dha gjithçka për Kosovën e lirë.

Selam alejkum vëllezër dhe motra të dashur.

Me gëzim dhe falënderim ndaj Allahut të Madhëruar, ju njoftojmë se pas përfundimit të muajit të bekuar të Ramazanit, falja e Namazit të Bajramit në Xhaminë e Grabocit të Poshtëm do të mbahet sipas këtij orari të caktuar nga hoxha Faton Sogojeva:

• Ezani i sabahut: 04:55
• Namazi i Bajramit: 06:18

Ju mirëpresim të gjithëve që të bashkohemi në xhami në këtë mëngjes të bekuar, për ta falënderuar Allahun për mirësitë e Tij dhe për ta festuar së bashku këtë ditë të gëzimit dhe të mëshirës.

O Allah i Madhëruar, pranoje agjërimin tonë, namazin tonë dhe çdo ibadet që kemi bërë gjatë Ramazanit. Mbush zemrat tona me paqe, dashuri dhe gëzim, beko familjet tona dhe bashkoje umetin tonë në mirësi dhe vëllazëri.

Me fat dhe për hajr Bajrami për të gjithë. Allahu e pranoftë agjërimin dhe çdo ibadet të bërë për hir të Tij.

Selam alejkum ve rahmetullahi ve berekatuhu.